Isabulin 28
28
Akilip naka akote aking'arasit
Ekiruke ka Daudi.
1Okwai Lokapolon, lokegang'an eong', eworoe eong' ijo. Kiira Akimonyo kang'!
Kimam ijo kiirari eong', arauni eong' bala ng'ulu lu elomete toma atesin ka lukatwak.
2Kiira eong' na elipitere eong' king'araki ijo eong',
na ekiaritere eong' akanin kang' esidirarit Otogo kon lokalaunan.
3Mam atubokin eong' nenipe ka itung'a lukarokok, ka ng'ulu kalu isomaete arokusio:
Itung'a lu inerasi ka ipoupatin kes akiro nuka aipuc, konye kileleba eding' otawon kes.
4Kisican kesi kanu esomata kesi, kanukarokok kanu esomata kesi.
Kisicana kesi kanuka aswamisio kes kere; koinaki kesi nu itemokina kesi adumun!
5Mam kesi kiteete nu esoma Lokapolon
kere de nu asub nesi;
kanuka ng'un, ebuni nesi akisican kesi
ka amudiyar kesi ikaru kere.
6Kiturwoto Lokapolon;
eira nesi alipasia kang' nuka akote aking'arasit.
7Idari bobo igang'it Lokapolon eong';
amunokiit eong' nesi.
Ing'arakiit nesi eong' bobo einakiit nesi eong' alakara;
eturi eong' nesi kekosio kaloka ailel.
8Idari Lokapolon itung'a keng';
igang'it nesi bobo iyuunene nesi ejakait keng' lo aseu nesi.
9Koyuu itung'a kon, Akuju bobo koyuu ng'ulu lu eraito lukon.
Koraite lokejokon kes, bobo kidara kesi ikaru kere.
Currently Selected:
Isabulin 28: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
