Isabulin 26
26
Akilip naka itwan kani ejokuna
1Kigang' eong', Okwai Lokapolon, naarai emam eong' aronus,
bobo amunoki eong' Lokapolon komam akijang'ajang'a.
2Komoo bobo kong'ici eong', Lokapolon;
kotuboki ejautene kanu akote eong' kanu eitunene eong'.
3Amina kon na emam esial nes kayait eong';
kayait eong' amunokina kon ng'ini pak.
4Mam eong' kaupasi ka itung'a lu emam kejaasi ka adumunet apede;
emam ibore ipede amorete eong' ka itung'a luka esoswai.
5Kakadakiit eong' aupa ka itung'a luka arokusio
bobo ang'erit eong' itung'a luka arokusio.
6Lokapolon, eloto eong' akanin kang' akitodikin ebe emam eong' aronus
bobo alosi eong' emae ijo emanimani altari kon.
7Eruko eong' ekosio loka akiyalama
ka ejori kuju ka akiro kere nukajokak.
8Amina eong' etogo lo iboya ijo, Okwai Lokapolon,
nama ejainikin akibusesu kon.
9Mam akiyara eong' nenipe kalukarokok;
koyuu eong' ka akanin kalukarokok —
10ng'ulu lu isomaete nukarokok;
kisoni eong' bobo koyuu eong'!
11Konye ikamuut eong', esomae eong' nu edolito;
kisoni eong' bobo koyuu eong'!
12Akuu eong' kakang'as kere;
Katukot ka itung'a keng', keturi eong' ijo Lokapolon.
Currently Selected:
Isabulin 26: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
