Isabulin 25
25
Akilip naka akicoro nepepe ka akidario
Ekiruke ka Daudi.
1Nama kon, Okwai Lokapolon nes ayauni eong' alipasia kang';
2Amunokiit eong' ijo, Akuju kang'.
Kiyune eong' kasilut kanaki akilanyo;
mam aisikin ipading'atin kang' kolelata kanuka akilanyo kang'.
3Mam kilanyonono ng'ulu lu emunokiito ijo,
konye ng'ulu lu ekerete atipet anwang'ite ijo.
4Kisisianakine eong' irotin kon, Okwai Lokapolon;
kisisianakine eong' kegwapa nu ikote ijo.
5Kisisianakine eong' keboi kwape ikotore ijo,
naarai irait ijo Akuju kang' lo kayuut eong'.
Amunokiit eong' ijo ng'ini pak.
6Kiitu, Okwai Lokapolon ajokun kon nepepe ka amina kon na emam esial na itodia ijo ageun sek.
7Korumaki arokusio kang' ka apacareta nu esomae eong' adit eong'.
Kanuka amina kon na emam esial ka ajokus kon, kiitute eong', Lokapolon.
8Kanu edolitere Lokapolon bobo kojokuna,
isisianakini nesi lukarokok eroto lo itemokina kesi akitoro.
9Eyait nesi lu iyapeperasi koroto kalo ideere,
ka akisisianakin kesi nu ekote nesi.
10Kamunokina ka amina,
eyait nesi ng'ulu kere lu etupito akitutuket keng' ka asoma acorasia keng'.
11Kisomaki nu isulwanyikiit ijo, Lokapolon,
korimaki arokusio kang', naarai ipu kesi.
12Ng'ulu lu eyong'ito Lokapolon,
ebunete akisisiaun kama keng' eroto lo itemokina kesi akitor.
13Ebunete kesi akitolot kojokan ng'ini pak,
bobo ebunete idwe kes akirum akwap.
14Erait Lokapolon epoupa ka ng'ulu kalu eyong'ito nesi
ebuni nesi akitodiar abeite ka akitutuket keng' kama kes.
15Etee eong' Lokapolon king'araki eong' ng'ini pak,
bobo kayuunene nesi eong' kakang'asi.
16Kong'olekine eong', Okwai Akuju, bobo kisoni eong',
naarai ajii eong' edeuna bon komam agogong'.
17Kolema eong' kakiyalong'ong'osia kang',
bobo koyuune eong' kocani kang' kere.
18Kong'oleki akituur kang' ka icani kang'
bobo korimaki arokusio kang' kere.
19Kitee ipading'atin emosai ejaasi ka eong';
kitee kwape kareitetere kesi eong'.
20Kidara eong' bobo koyuu eong'; king'arakine eong' tetere emam kilanyo eong'.
Abu eong' akikuu nama kon.
21Elipit eong' kidara eong' ajokus kang' nepepe ka amunokina kang', naarai amunokiit eong' ijo.
22Koyuu itung'a kon luko Israel, Okwai Akuju, kocani kes kere.
Currently Selected:
Isabulin 25: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
