Isabulin 24
24
Ejakait lo Epolo
Ekiruke ka Daudi.
1Akwap nepepe ka iboro kere lu ejaasi toma eraito luka Lokapolon;
akwap nepepe ka ng'ulu kere kalu ejaasi kuju keng' eraito lukeng'.
2Naarai abu nesi kigwaaki apeteta nuka akwap kuju ka akipi
kigwaakini nesi kojokan kuju ka icorin ka akipi.
3Ng'ai edolit akidok kuju ka emoru ka Lokapolon?
Ng'ai ebeikiit akilomo alaro keng' nakalaunan?
4Erait ng'ulu lu elaete asomisio kes nepepe ka awomowomosia kes,
ng'ulu lu mam kimaete akujun kere lu mam king'alaete.
5Isulwanyikini Lokapolon kesi ka ayuuni kesi;
imarakin Akuju kesi itung'a lu mam kisomato aronus.
6Itung'a bala ng'ulu nes ebunete nama ka Akuju,
nes elomete nama ejii Akuju ka Yakobo.
7Kong'asi irutei; kong'asi irutei luokolong',
tetere elomi ejakait lo epolo.
8Ng'ai ejakait lo, lo epolo?
Erait nesi Lokapolon, loka agogong'u ka apedor,
bobo kicasite, Lokapolon lo ilanyenene kojie.
9Kong'asi irutei; kong'asi irutei lu okolong',
tetere elomi Ejakait lo epolo.
10Ng'ai ejakait loka aibuseu?
Erait nesi Lokapolon, lo ilanyenene — nesi nes ejakait loka akibusesu!
Currently Selected:
Isabulin 24: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
