Isabulin 21
21
Akitur kanuka akilanya
Nama kalo epolokiit ekiruke. Ekiruke ka Daudi.
1Okwai Lokapolon, elakara ejakait kanu iinakina ijo nesi agogong';
elakara nesi naarai ibu ijo koinaki nesi apedor naka akilanya.
2Iinaki ijo nesi nu akote etau keng';
iinaki ijo nesi nu elipit nesi.
3Ibu ijo nama keng' ka asulwany na epolo
ka akigwakin abokoki naka esawabu akou keng'.
4Kilip nesi akijar, koinakini ijo,
akijar naka aujan bobo emam esial.
5Epolo akibusesu keng' kanuka aking'arasit kon;
iinak ijo nesi ajenun nepepe ka ang'osibib.
6Ejaasi nesi ka asulwanyi kon ikaru kere
bobo ajaus kon italakarit nesi.
7Igwakiit ejakait amuno keng' nama ka Lokapolon Akuju;
bobo kanuka amina na mam kedaun naka Lokapolon, emam akang'as edumakinosi ka nesi apak apede.
8Ebuni akani kon, Okwai ejakait akikamun ipading'atin kon kere;
ebuni akani kon nakoteten akikamun ng'ulu lu eng'erito ijo.
9Na itakanuna ijo ibuni ijo amudiar kesi bala ka akimi kana enoki noi.
Ebuni Lokapolon amudiar kesi ka anyunyura keng',
ebuni akimi akitisisi kesi cut.
10Emam ipede kamaka auri kes ni ebuni akikuu;
ebuni ejakait akiyara kesi kere.
11Itemetemete kesi akiro kes ka akilok ekipone loka adaun nesi,
konye emam cut ibore ipede isomakin.
12Naarai ibuni ijo akireng'iar kesi kokerata,
ibuni ijo adaada kesi ireeta itosomae imalia kon.
13Kiturete siong' ijo Lokapolon kanuka agogong' kon kana epolo noi!
Ibunete siong' ekiruke ka akiturite apedor kon.
Currently Selected:
Isabulin 21: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
