Isabulin 22
22
Akimony naka apipilu nepepe ka ekiruke loka Akitur
Nama kalo epolokiit ekiruke: Atupa ka Indi lo iwali akwap. Ekiruke ka Daudi.
1Akuju kang', Akuju kang' inyo inyekina ijo eong'?
Amonyo eong' noi king'arakine eong', konye ering'a aking'arasit kedumuna.
2Paran keworoe eong' ijo, Akuju kang', konye mam ijo kibong'okini;
Anyara eong' kware konye emam eong' aipuc.
3Konye ikiarite ijo bala Lokalaunan,
lo iturit akwap nako Israel.
4Abutu luka asonya kosi komunokisi ijo;
abutu komunokisi ijo kosodi ijo ayuuni kesi.
5Abutu kesi kiworoto ijo kokuyete kesi kakang'as;
abutu kesi komunokisi ijo, mam kesi asilikin.
6Konye mam eong' bobo karait itwan;
arait eong' ekurut, kanwang'ite eong' ka akwenare ng'ini itwan!
7Ng'ulu kere lukaanyunete eong' kejutanarete eong'
inerasi ekwenatatare eong', ka akimung'umung'u akwes kes.
8Ebalasi, “Ibu ijo komunoki Lokapolon. Inyo emamare nesi kiyuuna ijo?
Kemina Lokapolon ijo, inyo emamare nesi king'arakina ijo?”
9Ijo nes kilemuni eong' kakooki ka toto kang',
bobo na araitere eong' ikoku, ibu ijo kidara eong'.
10Ajaikin eong' amunokiit ijo ape kedounere eong'.
Ijaikin ijo irait Akuju kang' ape kidounere eong'.
11Mam alwanari kama kang'!
Apiete icani, bobo emam itwan ing'arakini eong'.
12Irimokito eong' ipading'atin ipu bala imong'in;
imanakito kesi kere eong' bala imong'in lukadedeng'ak luko Basan.
13Eng'arito akituke kes bala ing'atunyo,
egirosi nama kang', bobo elokokina anyilinyil eong'.
14Aika agogong' kang', aika bala akipi nu abukokinosi kwap.
Alomasi akojo kang' kere kama erucokinore;
erait etau kang' bala emidol ka awo lo kecalar.
15Ewonit eporoto kang' bala apua,
bobo ang'ajep kang' ikamakina kuju ka akituk kang'.
Inyeki ijo eong' eridi ka apua.
16Imanakito eong' atuket kaluka arokusio;
irimokito eong' bala akatong'otong'ot naka ing'okwo;
edaadaete eong' akanin ka akejen.
17Edeun eong' arait akojo usa;
keteete eong' ipading'atin kang' edupakiito akonyen kes nama kang'.
18Iposiete kesi ekura kanuka inapen kang'
ka akoranar kesi inapen kang'.
19Okwai Lokapolon mam alwanus kama kang'!
Kobuu atipet koyuu eong'!
20Koyuu eong' kokileng' kalo euja;
koyuu eong' kamaka ing'okwo kalu.
21Koyuu eong' kamaka ing'atunyo kalu;
ajii eong' emam apedor koking'aren ka imong'in kalu kalukokitwi.
22Abuni eong' alimokin itung'a kang' nu isoma ijo;
abuni eong' akiturite ijo katukon kes:
23“Kiturwoto nesi, Okwai osi lukejaanakinak ka Lokapolon!
Koyong'ata nesi osi auri ka Yakobo!
Kimaata nesi, osi itung'a luko Israel!
24Mam nesi keng'erit lukapalapalak kere de kecakarit lu ejaasi ka ican;
mam nesi keng'opikiit kesi, konye epupi nesi kesi na ilipiata kesi aking'arasit.”
25Koking'aren katukot keturi eong' ijo kanu isoma ijo;
koking'aren kang'ulu kalu imaete ijo alemuni eong' isuban lu etumunikiit eong'.
26Ebunete lukapalapalak akinyama kwape ekototore;
ng'ulu lu ebunete nama ka Lokapolon ebunete akiturite nesi.
Kisomata kesi kojokan ikaru kere!
27Ebunete akwapin kere akiitun Lokapolon.
Alomun kang'in alaro ka akwap, ebunete itung'a abong'okin nesi;
ebunete itung'a luka itekerin kere akimaa nesi.
28Erait Lokapolon ejakait,
bobo ipugae nesi akwapin.
29Ebunete itung'a kere luka epogi aluruokin nesi;
ebunete itung'a kere akilur koking'aren keng'.
30Ebuni auri naka apaarasia kanu ebuuto akijaanakin nesi;
ebunete kesi alimonokin auri na ebuut kuju ka Lokapolon.
31Elimokino itung'a lu ering'a kidouna:
“Abu Lokapolon kiyuu itung'a keng'.”
Currently Selected:
Isabulin 22: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
