Isabulin 20
20
Akilip naka akilanya
Nama kalo epolokiit ekiruke. Ekiruke ka Daudi.
1Kobong'ok Lokapolon ijo na ijaare ijo ocani!
Kidara Akuju ka Yakobo ijo!
2Kijukaki nesi ijo aking'arasit alomun ko Otogo keng'
bobo king'araki ijo alomun Komoru kaloko Sayon.
3Elipit eong' kocamu nesi ileman kon kere
bobo kitalakasi isuban kon kere nesi.
4Koinaki nesi ijo nu ikote ijo
bobo king'araki nesi kitoloto kojokan kamaka ng'unu kere kanu itemitemi ijo.
5Ibunete siong' alakara kanu ilanyia ijo;
ka akinumunumu epucit kanuka akilanya kon ka akiturite Akuju wok.
Kobong'ok Lokapolon ijo akiisit kon kere.
6Kanuka ng'un, ajenu eong' ebe einanikini Lokapolon ejakait keng' lo aseu nesi akilanya;
ebong'onokini Lokapolon nesi alomun kokuju keng' nakalaunan
ka ainakin nesi akilanya kanuka agogong'u keng'.
7Ice emunokito agarin kes nuka ejie
ice afarasin kes.
Konye siong' imunokito agogong' ka Lokapolon Akuju kosi.
8Itung'a bala ng'ulu igukinete ka akibiror,
konye siong' anyounete ka akigwo emam akijang'ajang'a.
9Okwai Lokapolon koinaki Ejakait akilanya,
kopup siong' na kinyaraunata siong'.
Currently Selected:
Isabulin 20: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
