Isabulin 19
19
Akibusesu ka Akuju koboro kalu asubi nesi
Nama kalo epolokiit ekiruke. Ekiruke ka Daudi.
1Ikoni kuju itodiarit akibusesu ka Akuju ai!
Ikoni itodiarit kojokan nu esoma nesi ai!
2Elimonokini ng'ini paaran akibusesu keng' apaaran na etupakini;
ng'ini akwaare ebong'okini alimokin akibusesu keng' akwaare na etupakini.
3Emam ejori kere akiro nu itosomao,
emam eporoto lo epupo;
4konye akiro kesi isiarakinos akwap kere
bobo iiraro kosial ka akwap.
Kodukok Akuju akolong' ere kokuju;
5elomuni king'a taparacu bala eteran,
bala ekakeran lo ekote akerite.
6Egeuni kosial ka epe kaloko kuju kosodi aikar atubor osial loce.
Emam ibore ipede ni ebeikini ang'opikin amwanus keng'.
Ekisil ka Lokapolon
7Ideere ekisil ka Lokapolon; einakini agogong'u nakitetet.
Acorasia ka Lokapolon emunokina, einakito acoa lu emamatatar.
8Edolito ikisila ka Lokapolon;
bobo elakara ng'ulu lu eyong'ito.
Edolito acorasia ka Lokapolon
bobo einanikinete adama akijen.
9Ayong'ite Lokapolon ejokuna; bobo ebuni akitolot ikaru kere.
Edolit atubonokin ka Lokapolon;
ejokuna ng'ini pak.
10Ekotoi kesi noi akilanya esawabu lo elae;
ejijimi kesi noi akilanya esik na eliyaara noi.
11Kainakiito kesi eong' ekejaanakinan kon acoa;
karopite eong' kanuka ayong'ite kesi.
12Emam ipede kama wok ebeikini anyun adiakareta wok ka ikulopek;
koyuune eong' Lokapolon kamaka adiakanareta nu eng'opito!
13Kidara eong' kamaka arokusio nu ebeikino akote asima,
mam ajalakin kesi kilanyata eong'.
Kasodi eong' araun ni edolit
bobo ni elakakina ka arokusio.
14Korautu akiro kang' ka awomowomosia kang' nu ecamakina kama kon,
Okwai Lokapolon, ekadaran eong' ka lokeyuunan eong'!
Currently Selected:
Isabulin 19: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
