Isabulin 147
147
Kanuka akiturite Akuju Loka Apedor
1Kiturwoto Lokapolon!
Ejokuna akirukokiite Akuju wok ekosio loka akiturite nesi;
ejokuna bobo ideere akiturite nesi.
2Eduki Lokapolon bobo Yerusalem;
inyaki nesi itung'a lukikamarite.
3Itang'alee nesi lu ebilil itawon, ka akirapa ajimii kes.
4Kedau nesi atiakuni etyae loka akanyer
ka anyarakini ng'ini akanyeret ekiror keng'.
5Lokapolon wok epolo bobo ejaasi ka agogong';
acoa keng' mam kimarun.
6Itopolonori nesi lu iyapepera,
konye idecenene nesi lukarokok.
7Kirukokisi Lokapolon ikosio sinei luka akiturite;
kirukokisi Akuju wok ka adeudeu.
8Isiaranikini nesi idowon kuju;
einunene nesi akwap akiru
ka ainakin inya epoloete komoru.
9Einanakini nesi ityeng' inyamen kes,
ka akitan atarukon nucik kedelosi.
10Alakara keng' mam kerait ajaus ka afarasin ipu,
kere de ajaus ka ajore na epiriana;
11konye eminakit nesi ng'ulu lu eyong'ito nesi,
ng'ulu lu emunokiito amina keng' na emam esial.
12Kiturwoto Lokapolon, Okwai Yerusalem,
Kiturwoto Akuju kus, Okwai Sayon!
13Idari nesi irutei kus icasito;
isulwanyinikini nesi itung'a kon.
14Idari nesi iikoruo kus kojokan
ka akisimonikin osi ka engano kalo isidonyite.
15Icori nesi itung'a luka akwap,
bobo ibore ni elimuni nesi isomanakin atipet.
16Eteranari nesi apupuat bala ebulanget
ka akisiarakin akako bala apua.
17Ijukuunene nesi akiru naka akako bala ekokot
bobo emam itwan ebeikini akikanya akaterot na ijukuni nesi.
18Kosodi nesi akicorakini akako kocalarosi;
ijukuni nesi ekuwam, koleliarete akipi.
19Einanakini nesi itung'a keng' akirot keng'
einanikini nesi itung'a luko Israel acorasia keng' ka ikisila keng'.
20Mam nesi kisomakiit akwapin ace nu;
mam kesi kejenete ikisila keng'. Kiturwoi Lokapolon!
Currently Selected:
Isabulin 147: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
