Isabulin 146
146
Iturio Akuju Lokeyuunan
1Kitur Lokapolon!
Emoyo kang', kitur Lokapolon!
2Abuni eong' akiturite nesi kotoma akijar kang' kere;
Abuni eong' akirukokiite Akuju kang' kakijar kang' kere.
3Mam akipiakite amuno kon nama ka itung'a lukayaitoko;
emam etung'anan ebeikini akiyuun ijo.
4Na etwakiata kesi, ebong'orete alipo;
apaaran ng'ini eng'etakinosi akitemetemesio kes kere.
5Erereng' ng'ulu lu ejaasi ka Akuju ka Yakobo king'araki kesi
bobo lu iteete Lokapolon Akuju kes,
6Lokasuban kuju ka akwap, ka akare ka ng'ini ibore ni ejii toma kes.
Isomae nesi ng'ini pak nu isumunikini nesi;
7etubonokini nesi emina ng'ulu lu ereite ka ainanakin lu ejaasi ka eteng'e inyamen.
Elacanakini Lokapolon lu eyenite
8ka ainanakin lu emudukaka apedor naka akitere.
Ikieunene nesi ng'ulu lukibirorosi;
emina nesi itung'a keng' lu edolito.
9Idari nesi ilong'au lu iboyete ka akwap wok;
ing'aranakini nesi apuseru nepepe ka ikokiok,
konye eyanari nesi lukarokok akitisilaaro kes.
10Erait Lokapolon ejakait ikaru kere.
Akuju kon, Okwai Sayon, ebuni akipuga apakio kere.
Kiturwoi Lokapolon!
Currently Selected:
Isabulin 146: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
