Isabulin 144
144
Eyalamik ejakait Akuju kanuka akilanya
1Keturwoto Lokapolon, lokedaran kang'
Isisianakini nesi eong' ejie ka alokokin eong' alosite ojie.
2Erait nesi lokedaran kang', ebuku kang', emecet kang',
lokeyuunan kang', lo amunokiit eong' kidara eong'.
Ilanyi nesi akwapin nu ejaasi kwap kang'.
3Lokapolon, inyena ipodo ijo kuju ka itung'a;
itung'a along'u nesi iricit ijo apodo kuju kes?
4Erait itwan bala euria,
apaarasia keng' eputosi bala etolibe lo etubor.
5Okwai Lokapolon, kocila kuju kijesun kwap;
kojoro imoru kolomu apuru.
6Kijukuu edou, kosiarak ipading'atin kon;
koguma ikojoi kon, kiteker kesi.
7Kodolu kwap alomun kokuju,
kiriune eong' king'a alomun kotoma akipi kanu iduloro, koyuune eong';
koyuune eong' alomun kama kapedor kilong'au,
8lu mam kinerasi abeite,
ka ejori aliokonu iyapoete.
9Erukokini eong' ijo ekiruke lokitet, Okwai Akuju;
abuni eong' akiram adeudeu ka akirukokin ijo.
10Iinanakini ijo ijakaa akilanya
ka akiyuun lokejaanakinan kon Daudi.
11Koyuune eong' kamaka ipading'atin kalukarokok,
koyuune eong' kamaka apedor kilong'au,
lu mam kinerasi abeite,
ka aking'ala iyapoetete.
12Kinyek korautu isapa kosi bala iraana lu epoloete icasito kotoma atumun kes.
Korautu apesur kosi bala ipirin ka etogo kaloka apugan.
Ipirin lu itojokonito akudeta nuka etogo kalo ipugae.
13Kilelebunosi inyamen odulai kosi, inyamata lu egelegela.
Kourita amerekekin ka amaata wok ikalei irwana aritai atomon.
14Kinyek kourita akituk wok kakipuakus komam kecakete kere de ketwakete.
Komamu akimonyo naka apipilu korotin wok.
15Erereng' akwap na eraito nu, abeite kuju keng';
erereng' itung'a lu erait Akuju kes Lokapolon!
Currently Selected:
Isabulin 144: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
