Isabulin 143
143
Akilip naka akote aking'arasit
1Kiira akilip kang' Lokapolon!
Kadolite kon, kiira akimony kang';
kinyakakine eong' kamunokina kon.
2Mam akitama eong', lokejaanakinan kon!
Mam itwan ipede ni edolit koking'aren kon.
3Amejata eong' ipading'atin kang' bobo elanyata eong'.
Epiakisi eong' aenis na iriono,
bobo aputosi eong' kang'ulu lu abutu kotwakata sek.
4Kanuka ng'un alokokina eong' akikiar akanin;
ajei eong' apason na epolo noi.
5Eituuti eong' apaarasia nu atuborosi;
keituni eong' kuju ka ng'unu kere kanu isoma ijo,
eituuti eong' asomisio kon kere.
6Ekiekiit eong' ijo akanin kang' elipi;
kwape ka alipo kanu ewokito, edauti emoyo kang' akure kanu kon.
7Kobong'okine eong' kipokona, Lokapolon!
Adauni eong' akiyuun kere.
Mam ang'opikin eong',
kemam, ajaikinosi eong' nenipe ka ng'ulu kalu elosete akwap naka lukatwak.
8Kisiitokine eong' ng'ini taparacu kuju ka amina kon na emam esial,
naarai amunokiit eong' ijo.
Elosete alipasia kang' kuju nama kon;
kitodikine eong' eroto lo itemokina eong' akigwap.
9Abuni eong' nama kon tetere idario eong', Lokapolon;
koyuune eong' kamaka ipading'atin kang'.
10Irait ijo Akuju kang';
kisisianak eong' kesoma nu ikote ijo.
Kojokuna kama kang', bobo koyaite eong' koroto kalo ejokuna.
11Koyuune eong', Lokapolon kwape isumunikina ijo eong',
kajokus kon koyuu eong' kocani kang'.
12Kanu iminare ijo eong', kwaara ipading'atin kang',
bobo komudia lukesicanete eong' kere
naarai arait eong' lokejaanakinan kon.
Currently Selected:
Isabulin 143: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
