Popular Bible Verses from Isabulin 143

Share

Irait ijo Akuju kang'; kisisianak eong' kesoma nu ikote ijo. Kojokuna kama kang', bobo koyaite eong' koroto kalo ejokuna.

Kisiitokine eong' ng'ini taparacu kuju ka amina kon na emam esial, naarai amunokiit eong' ijo. Elosete alipasia kang' kuju nama kon; kitodikine eong' eroto lo itemokina eong' akigwap.

Abuni eong' nama kon tetere idario eong', Lokapolon; koyuune eong' kamaka ipading'atin kang'.

Koyuune eong', Lokapolon kwape isumunikina ijo eong', kajokus kon koyuu eong' kocani kang'.

Kiira akilip kang' Lokapolon! Kadolite kon, kiira akimony kang'; kinyakakine eong' kamunokina kon.

Kobong'okine eong' kipokona, Lokapolon! Adauni eong' akiyuun kere. Mam ang'opikin eong', kemam, ajaikinosi eong' nenipe ka ng'ulu kalu elosete akwap naka lukatwak.

Eituuti eong' apaarasia nu atuborosi; keituni eong' kuju ka ng'unu kere kanu isoma ijo, eituuti eong' asomisio kon kere.