Isabulin 108
108
Akilip kanuka aking'arasit naka akirebokin lukasurup
(Isab 57:7-11; 60:5-12)
Ekiruke. Ekiruke ka Daudi
1Ajaasi eong' ka akicasite noi Okwai Akuju!
Abuni eong' ekiruke ka akiturite ijo!
Konyou emoyo kang'!
2Konyoutu, arupepe kang' ka auleru kang'!
Etonyouni eong' akolong'.
3Eyalamikini eong' ijo, Okwai Lokapolon kokiding' ka akwapin.
Abuni eong' akiturite ijo kokiding' ka itung'a.
4Edoli amina kon na emam esial kuju;
edolit amuno kon akuju.
5Kitodia apolou kon kokuju, Okwai Akuju
nepepe ka akibusesu kon ka akwap kere.
6Koyuune siong' kagogong' kon;
kiira akilip kang' tetere ebeikino ayuuni itung'a lu imina ijo.
7Alomun ko otogo keng' atema Akuju,
“Ka agogong', abuni eong' akitiak Sekem
ka akorakin itung'a kang' ajesat nako Sukot.
8Erait Giliad nakang', Manase de;
Erait Efraim ekofia kang' loka acumat
bobo erait Yuda ebela kang' loka apugan.
9Konye abuni eong' akitosoma Moab bala acurani na elosiere,
abuni eong' acakakin amukan kang' akwap nako Edom
erait akitodiaret ebe erait nakang'.
Abuni eong' acelun acela naka akilanya itung'a luko Filistia.”
10Ing'ai Okwai Akuju ebuni ayaari eong' ore lokapolon lo igalikiite?
Ing'ai ebuni ayaari eong' akitodol Edom?
11Inyeki ijo siong' cut, Okwai Akuju?
Mam ijo bobo Kilosete ka ajore kosi?
12King'araki siong' koking'aren ka ipading'atin kosi;
aking'arasit naka etung'anan erait along'u.
13Ejii Akuju wai wok, ebuni nesi akilanya ipading'atin wok.
Currently Selected:
Isabulin 108: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
