Isabulin 107
107
Ekitabo lokikanyet
(Isab 107—150)
Akitur ajokun ka Akuju
1“Kiyalamikisi Lokapolon, naarai ejokuna nesi;
amina keng' erait naka ikaru kere!”
2Kinyogokisi akiro kanuka akiturite Lokapolon,
osi kere lu ayiu nesi.
Ayiu nesi osi kamaka ipading'atin kus
3bobo enyaku nesi osi alomun kakwapin kilong'au,
alomun ko kide adolore to, alomar ko ng'alakimak adolore agolitomei.
4Abutu ice kirimoto komoding'
kikarikinete kesi adumun eroto lo eyaari kesi ore lokapolon loka akiboyi.
5Adaut kesi eteng'e ka akure
bobo komamuni kesi amuno kere.
6Kosodete kesi anyarite Lokapolon kocani kes,
koyuuni nesi kesi kakimonyo kes.
7Abu nesi koyaa kesi koroto kalo idere
aikar ore lokapolon nama kebeikiito kesi akiboi.
8Itemokina kesi akiyalamikin Lokapolon kanuka amina keng' na emam esial,
kanuka iboro lukajokak lu abu nesi kisomaki kesi.
9Isilesikini nesi ng'ulu lu ejaasi ka akure
ka akisimonikin ng'ulu lu ejaasi ka eteng'e kiboro kalukajokak.
10Eboyete ice ka akituur ka akirionusu, eyenite, icanasi konyororon,
11naarai abutu kesi konwang'ata ikisila ka Akuju loka Apedor kere
ka aking'ere acorasia keng'.
12Akalanyak kesi kamaka asoma;
kosodete apusanari emam itwani itonyounene kesi.
13Komonyakinete kesi Lokapolon kocani kes,
koyuuni nesi kesi kakimonyo kes.
14Abu nesi kolem kesi kakituur kes nepepe ka akirionus
ka akibetebet inyororon kes.
15Itemokina kesi akiyalamikin Lokapolon kanuka amina keng' na emam esial,
kanuka iboro lukajokak lu abu nesi kisomaki kesi.
16Ebilibile nesi ikekia luka aisinit ka abilibil acumai.
17Ice abang'aka, icanasi kanuka arokusio kes
bobo kanuka arokusio kes;
18abu kokadak kesi ekitekere kere kinyamen,
kaapun kesi atwanare.
19Komonyakinete kesi Lokapolon kocani kes,
koyuuni nesi kesi kocani kes;
20Kosodi nesi akitang'aleuni kesi ka akicorasit keng', koyuuni kesi kamudiaro.
21Itemokina kesi akiyalamikin Lokapolon kanuka amina keng' na emam esial,
kanuka iboro lukajokak lu abu nesi kisomaki kesi.
22Itemokina kesi akiyalamikin nesi kisuban,
ka alimonor ng'unu kere nu esoma nesi irukosi ikirukesinei luka ailel.
23Abutu ice kotuborosi ka akare ejaasi amelin,
etacionono kesi kasoma kes kanuka atakerin.
24Abutu kesi kwanyutu nu ebeikiit Lokapolon asoma,
asoma keng' nukapolok nu esomae nesi kakarin.
25Abu nesi kolim, kogeuni ekuwam lokapolon akikut
kiguruni ikokoron luka akare.
26Apon kikiare atakerin kuju ouria
kocakarete kesi kwap cut toma nama iduloro
kosodi agogong' naka lukejaasi olotote adaun;
27abutu kesi kigukisi ka akiriang'a bala itung'a lu emerasi
akijen kes kere korauni along'u.
28Kocani kes abutu kesi kiworout Lokapolon,
koyuuni nesi kesi kocani kes.
29Abu nesi kitililim ekuwam lo adedeng' kosodi ekuwam ataun tii.
30Abutu kesi kolakarosi kanu atauna ekuwam tii,
koyauni nesi kesi nama akotosi kesi.
31Itemokina kesi akiyalamikin Lokapolon kanuka amina keng' na emam esial,
kanuka iboro lukajokak lu abu nesi kisomaki kesi.
32Itemokina kesi akisiarasiara kuju ka apolou keng' ka atuket ka itung'a
ka akiturite nesi koking'aren ka atuket ka lukayaitok.
33Abu Akuju kibeloki akawoi araun moding' ka akirebokin icorin alele.
34Abu nesi kitarau alipo nu abosito amoding' naka abalang'a na epiana
kanuka arokusio kang'ulu kalu eboito kang'ina.
35Abu nesi kibeloki amoding'o ka akitaraun icorin luka akipi
ka akitaraun akwap na awonit icorin lu eleleete.
36Abu nesi kojalaki itung'a lu ajaasi ka eteng'e kiboikinosi ng'ina kodukete etaun loka akiboyi.
37Abutu kesi koyaata amaata, kiraete ikito luka emusabibu
ka akidweny iraana lu epuaka noi.
38Abu nesi kisulwanyik itung'a keng', kajaikin kesi ka idwe lu epuaka noi;
abutu kesi kirebokisi ibaren kes kajong'ar.
39Na elanyere itung'a ka Akuju ka akitisilikini ka akiyimakino ka akisicanio,
40abu nesi kimwaa ng'ulu lu esicanete kesi
ka ainakin kesi irimete komoding'.
41Konye abu nesi koyuu ng'ulu lu ejaasi ka akiisite kocani kes
ka ainakin atekeren kes kiyatakinos bala ibaren.
42Iteete lu edolito akiro nu ka alakari,
konye itatauno tii lukarokok kere.
43Kiitutu ng'ulu lu ecoaka kuju ka iboro kalu;
kiitutu kesi kuju ka amina ka Lokapolon na emam esial.
Currently Selected:
Isabulin 107: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
