Isabulin 104
104
Akiturite Lokasuban
1Kitur Lokapolon, Okwai etau kang'!
Okwai Lokapolon Akuju kang', ipolo ijo noi!
Inapit ijo apolou ka aibusesu;
2Irapit ijo akwan kon ka acaus.
Itera ijo kuju bala ayema
3ka akiduk ere kon kuju ka akipi.
Kidakito ijo idowon, bobo kidakit ijo ekuwam.
4Itosomae ijo ekuwam bala ekiyakia kon
ka akitosoma akimilia naka idowon bala lukejaanakinak kon.
5Idukoki ijo akwap apetan keng',
bobo mam cut kebuni akisukunyaro.
6Ibu ijo korapak akwap ka akare bala enaga,
kosodete akipi arapakin imoru lukaujak.
7Na iretakina ijo akipi, abutu koleliasi
abutu komotarosi atipet na eirarata acela kon.
8Abutu koleliasi kwap kimoru ka akilom ajesata,
alaro na ibu ijo kitenakiite kesi.
9Ibu ijo kigwaaki eukor ka akipi,
tetere emam kesi bobo kerapakinete akwap bobo.
10Iinaki ijo icorin elomunete kajesata,
ka ang'ololon itorito omoru.
11Einakiito kesi ityeng' luko moding' akipi.
Eculete kang'ina ityeng' luko moding' akure kes.
12Kokito kalu epiete kaneni,
edukete ikwenyi itogoi kes ka ekiruke.
13Alomun kodowon, ijukuni ijo akiru omoru,
bobo ileleba asulwany kon akwap.
14Itopolou ijo inya konyamata akituk
kitopolouni ijo iraan kitosoma etung'anan,
tetere edumuni nesi de inyamen keng'
15ka ebino kitalaka kesi,
akinyet naka olif kitalaka kesi,
ka emugati lo einakini kesi agogong'.
16Ikito luka esida luko Lebanon edumunete akiru epolo,
ikito ka Lokapolon ka elope, lu erai nesi.
17Edukete ikwenyi itogoi kes ng'ina;
iboyete ikwenyi kokito.
18Iboyete akinei nuko moding' komoru kalu ikiara,
19Ibu ijo kosub elapa tetere imario ilapio;
ejeni akolong' apak na elomia.
20Ibu ijo kosub akwaare,
bobo elomunete ityeng' kere luko moding' king'a kakirionus.
21Erwosi ing'atunyo lucik na emejaata kesi inyamen kes,
ekotosi inyamen lu einanikini Akuju.
22Na elomuna akolong', ebong'orete kesi ka apero kaduyon kes.
23Kosodete itung'a aikar king'a asoma kes
ka akitoloto asoma akitodolo ebong'.
24Lokapolon, isub ijo iboro ipu noi!
Ibu ijo kosub kesi kere kacwa noi!
Ileleba iboro lu isubit ijo akwap.
25Ejii akare, euja kolalal
nama iboyata iboro lu mam kimarunosi,
lukapolok kalucik.
26Ekerete amelin kaneni, bobo ebolia lefiatan kotoma kaneni,
etyang' ng'olo loka akare lo ibu ijo kosub.
27Kesi kere iteete ijo tetere inakini ijo kesi inyamen apak na ekototore kesi.
28Iinakini ijo kesi inyamen, konyemete kesi;
iinakini ijo kesi inyamen kosodete kesi akimonikin.
29Kibeloki ijo kesi akaulo kon, ekuriakarosi kesi;
kilema ijo euria kon, etwakete kesi
kabong'or alipo nama kelomunata kesi.
30Konye kiinaki ijo kesi euria, ejarete kesi bobo;
iinakini ijo akijar nakitetet akwap.
31Kitoloto aibusesu ka Lokapolon ikaru kere!
Kolakari Lokapolon kanuka nu esoma nesi!
32Itee nesi akwap, icekuni akwap;
ejoronori nesi imoru, kolomuni apuru.
33Erukokini eong' Lokapolon ka akijar kang' kere;
kakijar kang' kere erukokini eong' Akuju kang'.
34Kinyek kitalaka nesi ekiruke kang',
naarai alakara kang' elomuut kama keng'.
35Kolemare kakwap luka arokusio,
komam bobo luka arokusio!
Kitur Lokapolon, Okwai etau kang'!
Kiturwoto Lokapolon.
Currently Selected:
Isabulin 104: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
