Awaragasia 5
5
Akikwenyar kuju ka adoteu
1Ikoku kang', kopup acoa kang',
kidak akit kon akijen kang';
2ibuni ijo atiakunun kojokan,
kosodi ijo ng'in pak akijen ibore ni ederi alimun.
3Naarai ipono kana edote eisiete esik,
bobo elelet akiro keng' adepar akinyete;
4konye kosial emam ibore inyekina nesi ijo
adepar akadakiite ketau ka apipilu.
5Kiyaari nesi ijo akwap ka lukatwak;
eroto lo elosia nesi idirarit namaka lukatwak.
6Mam nesi ketupit eroto loka akijar;
konye akirim bon, bobo mam kejeni nu itolosito.
7Kanuka ng'unu isapa kang', kopupoto eong',
mam akimuruokin akiro nu enera eong'.
8Kolwanikin cut kamaka aberu bala ng'ini,
mam atamakin aapiar okek keng'!
9Kikoki ijo neni, eyong'io itung'a luce kwape kiyong'itere ijo sek,
bobo itwani ijo idite ka akanin ka itung'a kalu mam kitimoko.
10Kiyapi ebunete ilong'au ayaar abara kon kere,
akinyinyira kon kere eraunete nuka itung'a kice.
11Itwanikini ijo apetat koni iumeno, akwana koni edaun,
12kosodi ijo atemar ebe, “Inyo kang'eria eong' akisisia?
Inyo kang'eria eong' acamakin itwan kere kicorak eong' nu itemokina asoma?
13Mam eong' abu kapup lukesisianakinak kang'.
Mam eong' abu kapup kesi.
14Atipet kadumuni eong' ilope asilut koking'aren ka atukot ka itung'a.”
15Komat akipi alomun kadwi kon kelope,
akipi nu eleleete kocor kon kelope.
16Ikote ijo icorin kon kisiarakina,
icorin ka akipi eleleete korotin?
17Kinyek kesi koraito lukon bon,
bobo mere lukilong'au nepepe ka ijo.
18Kisulwanyikine ecor kon,
bobo kolakara kamaka aberu kanaka atelepanut kon.
19Erait nesi amori na ejokuna na italakarit.
Kinyek amina keng' kileleba nama kon akolong' kere,
kitamae amina keng' ng'in pak.
20Okoku kang' inyo iminare ijo aberu ace?
Inyo iminara ijo aberu ka etwan ka ece?
21Itee Lokapolon akiro kere nu isomae ijo.
Nama ilosi ijo kere, itee nesi.
22Arokusio kanikaronon eraito ereg.
Ikamunosi kesi koreg ka arokusio kesi ka ikulopek.
23Etwani nesi naarai mam nesi abu kotup nu akotokina,
kosodi awoli kanuka abang'anut keng'.
Currently Selected:
Awaragasia 5: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
