Awaragasia 4
4
Ajokusio ka acoa
1Idwe kang', kiirasi akisisianakino ka papa.
Kopupoto tetere idumunete osi akijen,
2naarai ainanakini eong' osi acorasia nu ejooka:
Mam akinyekin akisisianakino kang'.
3Na araitere eong' along'u ikoku nisapat,
isapat ipe bon nika lukauriak kang',
4abu papa kang' kisisianaki eong'. Abala nesi,
“Kiitute nu atema eong' bobo sir kimuruok.
Kisoma kwape kalimokina eong' ijo, kosodi ijo akijar.
5Kodum acoa ka akijen!
Mam akimuruokin kere aking'er nu atamaa eong'.
6Mam akinyekin acoa, kidari nesi ijo;
komina nesi, kidari nesi ijo.
7Ageunete ka acoa nesi na:
Kodum acoa, bobo kang'in ibore kani idumuni ijo, kodum akijen.
8Komina acoa, itopolori nesi ijo.
Kominu nesi, kosodi nesi ainun ijo ayong'ara.
9Ipiakini nesi akou kon aturo nu ejooka;
itanapi nesi ijo abokoki na imilimili.”
10Kopup ikoku kang', kocamu akiro kang',
tetere ipuakarosi ikaru kon.
11Esisianaki eong' ijo acoa
nepepe ka eroto lo ideere loka akijar.
12Ilosi ijo, emam ibore irebokini;
ikeri ijo, mam ijo kigukini.
13Koricaki acorasia, mam akinyekin;
kidara nesi, naarai erait nesi akijar kon.
14Mam akilom oroto loka itung'a kalukarokok,
bobo mam alosite koroto ka itung'a kalukarokusio.
15Kinyek eroto ng'olo; mam akitup eroto ng'olo;
Kopaa koroto kang'olo, kotubor.
16Mam lukarokok kebeikinete apero mam kisomakito ibore nikaronon.
Ikolerete kesi kemam kikang'asito itwan.
17Naarai enyemete kesi emugati loka aronus,
ka akimata ebino loka akutukaanut.
18Konye eroto kalu edolito eputosi ka acaus naka taparacu,
na ecae cut kiyata akitodol paran kere.
19Eroto kalukarokok eputosi ka akirionus;
Mam kejenete ibore ni igukini kesi.
20Okoku kang', kopup akiro kang';
Kodaki akit kon akiro kang'.
21Mam akinyekin akiro nu kosiata ka akonyen kon.
Kipiak toma otau kon.
22Naarai eraito kesi akijar kama keng' kani edumuni kesi,
ka akitang'aleuno ka akwan keng' kere.
23Kidara etau kon kagogong' kon kere,
naarai kotoma keng' nes elomunata icorin luka akijar.
24Kinyeki ejori aliokonu,
kipiak ejori lokaronon awai kama kon.
25Kinyek akonyen kon kiteete king'aren bon,
bobo akiteree kon koraite king'aren kon.
26Kojeni nama ilosi ijo, ikui ijo.
27Mam akipaa akani nakoteten kere nakokidieny;
Kolema akeju kon kotoma arokusio.
Currently Selected:
Awaragasia 4: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
