Awaragasia 28
28
1Ekeri itwan nikaronon along'u emam itwan erukitere nesi,
konye itwan ni emunokina mam kekuriana bala eng'atuny.
2Kisomak akwap aronus, ejaikinosi ka lukepugak lu.
Konye icasi akwap ka asipun kejaasi kalu ipugaete luka acoa.
3Itwan ni ejei apugan kiimakite lukapalapalak,
eputosi bala akiru na emunarit iraan.
4Kimam ijo kiyong'it ekisil, ijei ijo wae lokaronon;
konye kiyong'it ijo ekisil, ireit ijo kesi.
5Itung'a lukarokok mam kejenete inyena atubokino,
konye ng'ulu lu imaete Lokapolon ejenete kotenan.
6Ejokuna apalupalut ka amunokina, akilanya ajausu ka abara komam amunokina.
7Ecoo eapata lo eyong'it ekisil.
Ng'olo lo ejaasi ka aupasia nu emam ibore,
eyauti asilutu nama ka papa keng'.
8Kidumuni ijo abara ka akitabang'ana itung'a,
eikari abara kon nama ka itwan kani erimana kamaka lukapalapalak.
9Kimam ijo kiyong'it ekisil,
anyun Akuju alipasia kon bala nukarokok.
10King'alak ijo itwan ni emunokina asoma aronus,
ilomi ijo toma oreg kon.
Ni mam kejeni nukarokok eropio.
11Itung'a lu ebarito emunito kipon ebe eraito kesi lukacoa,
konye itwan ni epalipalit ni ejaasi ka ejautene loko toma lo ejeni kotenan.
12Na elomiata itung'a lu ejoka apugan, ng'in itwan elakari,
konye na elomiata itung'a lukarokok apugan, elomete itung'a aking'op.
13Mam ijo kijaikinos ka akijar nakajokan, kitamak ijo akigwa arokusio kon.
Kisila, kolema; ebuni Akuju akitimi ijo.
14Koyong'ite Lokapolon kipon,
ibuni ijo ajausu ka alakara.
Kikutukana ijo, imunari ijo.
15Itung'a lu epalipalito emam agogong'u naka areite lokapugan lokaronon;
erono bala eng'atuny lo igiro, kere edubu lo ededeng'.
16Lokapugan lo emam adama nu ejoka,
erauni lokapugan lokaronon noi.
Epe lo eng'erit aliokonu ebuni akipuga apak na ewuja noi.
17Itwan ni esilikit kanuka akiara,
eboki ates keng' kilope atipet noi.
Mam atamakin akirebokin nesi.
18Komunokina, ibuni ijo akijar.
Kimam ijo kimunokina, ibuni ijo akibiror.
19Lokakoruoni lo ekukunyan ejaasi kinyamata.
Itung'a lu edauto apak ebunete apalupalut kipoon.
20Itung'a lu emunokina ejaikinosi ka akijar kere naka alakara.
Konye kijaasi ijo ka akiisite abara atipet, elosio akitisilari ijo.
21Erono kipakarite itung'a ice awai.
Konye lukatubonokinak ice, isomakinete nama karonon kodumut asoya.
22Itung'a lu etiokoko emaranete adumun abara,
mam kejenete apak na edoluna apalpalut.
23Kikwenya itwan, kosial ebuni akiyalamikin ijo emam esoswai.
24Eama agelaru itwan kere ni emunokit ebe mam kerono akokoikin ikauriaka keng',
ka ikokolan.
25Ationusu eyauni ican.
Ejokuna ijo amunokin Lokapolon.
26Erait abang'anut atupite agwoetait kon.
Kocoari, kotup akisisianakino ka itung'a kalu ecoaka.
27Kokoranak lukapalapalak iboro,
mam bobo ijo kibuni akilipanari.
Kimuduko ijo lukapalapalak,
ebunete itung'a lu ipu akilama ijo.
28Eng'opete itung'a kelomata lukarokok apugan.
Konye kibirorosi kesi kapugan,
ebunete lu edolito akipuga bobo.
Currently Selected:
Awaragasia 28: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
