Awaragasia 25
25
Awaragasia ka Solomon ace
1Nu kes awaragasia ka Solomon ace,
nu kigirete itung'a ka ejakait Esekia loko Yuda.
2Akuju eyong'ite kanuka akigwaite akiro;
iyong'ito siong' ijakaa kanuka nu itemetemete kesi.
3Mam ijo kijeni inyena ewomowomoe ejakait;
awomowomosia keng' ilanyito nuwok,
ikiara kuju, kere iduloro bala akare.
4Kolemasi iboro lukarokok kamaka epuesa tetere itenuno ibore nikajokan.
5Kolemasi awai lukarokok kamaka ejakait,
ebuni apugan keng' akigwo kadolite.
6Igwoi ijo koking'aren ka ejakait,
mam emole irait ijo itwan ni epolo.
7Ejokuna kolimokine ijo akiboikin okicolong' lokoking'aren,
akilanya alimokin ijo koinaki itwan nika ang'osibib alaro kon.
8Mam ang'asikin atipet alosite nama etubonokinere itung'a kuju ka ibore kani iyanyuti ijo.
Kiteleka ijo itwaani ice, inyena ikokini ijo?
9King'olopato ijo ka ipaduko kon,
kitenakisi akiro kus kiirarosi mam alimor akiro kus ko otung'a.
10Along' ejenuni ng'in itwan ebe mam ijo kiguwai akirot,
kobuni ijo adumuni asilut.
11Akirot kineri kotenan, eputosi ka esawabu lo ilimanakite kuju ka epuesa.
12Kelemu itwan ni eco akikwenyarite nama ka itwan kani elokokina akipup,
ejokuna noi adepar etyae ka ipetai kalu itenite ka esawabu,
kere aejoi nu itenite ka esawabu.
13Ekiyakia lo emunokina italakarit lo iyakit nesi,
bala akipi nu etaasi cii apakio nuka amwanusu naka akidweny.
14Itung'a lu isumunikinete ibore komam kelemunete,
eputosi ka idouon ka ekuwam lo mam keyauni akiru.
15Atitinyu na epolo ebeikini ainakin lokapugan loka agogong'u ebila.
Bobo ang'ajep na itijimit akiro ebili akoit.
16Mam akinyam esik na epolo adepar lo itemokina ijo akinyama;
kinyama ijo epolo ileki ijo.
17Mam akilatonokin ipadukotin kon ng'in pak;
ebunete akipas akitere ijo ka aking'ere ijo.
18Agamakin itwan akirot aari bala ekileng' lokaujan,
abiro kere de ekojo lo ekwana.
19Amiite itwan ni mam kemunokina ka apak kanaka icani,
erait bala atamakite anyaaka ka ekialai kalo ilokoloko,
kere alosite ka akeju kana egwalit.
20Akirukokite itwan ni ituurie ekiruke,
eputosi bala alacar itwan inagai apaaran naka akaterot,
kere akiriga ajimi ka abalang'.
21Karit ipading'atin kon eteng'e, kitana;
karit kesi akure, koinak kesi akipi komatata.
22Itisilikini ijo kesi bala amaka nuka akimi ka akwesi kes,
kosodi Lokapolon akirop ijo.
23Eyauni elodo anyunyura kwape eyauna ekuwam loko ng'alakimak akiru.
24Ejokuna akiboi ka asoto ka etogo,
akilanya akimor etogo ka aberu na eng'olopana.
25Apupun akiro nukajokak alomun ka akwap kana elwana,
eputosi ka akimata akipi nu elilim, idauti ijo akure.
26Itwan nikajokana ni ecamuni akiro ka itwan kanikaronon,
isitokini ijo ecor lo icokuna,
kere ecor lo ebukokite asoriti.
27Mam kejokuna akinyama esik lo epolo bobo de mam kejokuna akote akitamao na epolo.
28Kimam ijo kibeikini akirebokin anyunyura kon, iputosi ijo ka ere lokapolon lo emam agwas, eng'ara along'u elomikino.
Currently Selected:
Awaragasia 25: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
