Awaragasia 18
18
1Itung'a lu mam keupasi kaluce iteete akiro kes bon;
mam kecamunete nu ejeni ng'in itwan erait abeite.
2Ebang' mam kepodo kejeni nesi ibore kere mam;
nu ekote nesi bon erait akitodikin itung'a ebe ejeni nesi.
3Aronus ka asilut elosete nenipe.
Kitoolior ayong'ara kon, idumuni ijo asilut.
4Akiro ka itwan ebeikinete arauni alibunet ka acoa,
iduloro bala akare, ecae bala akipi nuka acilet.
5Mam kejokuna amina lu isomato aronus,
ka akirebokin lu emam akiro adumun abeite.
6Kinerak ebang', ilipit akibung'ao.
7Na inerar ebang', emunari elope;
ikamuni nesi elope ka akiro keng'.
8Ejim elodo, ikote oni iminasi akilikonor nesi ai!
9Erono itwan nikalany kwape ka itwan kani emudiari.
10Eputosi Lokapolon ka akitesi na egogong',
nama ebeikinete lu edolito alosite ka akijar.
11Konye itung'a lu ebarito, emunokito ebe igang'it abara
kes kesi bala arwatan nu icasito kowujaka imanakito ere lokapolon.
12Emam itwan eyong'ite kemam nesi kiyapepera;
itung'a lu itopoloro elosiorito oroto loka amunari.
13Kopupoki ering'a ijo kinyakuna.
Kimam ijo kipupokini, ibang'ana ijo bobo erait abang'anut.
14Akote kon akijar ebeikini einakini ijo agogong'u ideka ijo,
konye kitoolio ijo, amunokina kon naka esial aika.
15Itung'a lu epiriaka ekotosi bobo elokokina ng'in pak akisisia.
16Ikote ijo akiriamakin ka itwan nika ang'osibib?
Koina nesi idutat kosodi atapanari.
17Ng'in pak itwan nisodit ejori kama etubonokinere itung'a,
esit bala inera abeite akitodol nama egeuna ni itepegi nesi aking'iting'it nesi ang'itasia.
18Kepegasi itung'a iare luka agogong' kama etubonokinere itung'a,
akinom ekura edauni akiro kes.
19King'arak ipajanitin kon kosodete kesi akigang' ijo bala arwatat na icasit naka ere lokapolon,
konye king'olopasi ijo ka kesi, egolokinete kesi ikekia kes kianyutu ijo.
20Ejii ijo akijar kang'unu kere nu eyaunete akiro kere nu inera ijo.
21Nu itemari ijo ebeikinete akidar akijar, kere de amudiar;
kanuka ng'unu ejii ijo acamun nu eyaunete akiro kon.
22Ng'in ni edumuni aberu, adumu ibore ni ejokuna noi,
bobo edumuni asulwany kamaka Lokapolon.
23Lukapalapalak inerasi ka ayong'ara,
konye luka abara ebong'onokinete ka adedeng'u.
24Aupa ace mam kiboye apak na euja,
konye ipoupatin ice emunokina akilanya ikanacan.
Currently Selected:
Awaragasia 18: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
