Awaragasia 13
13
1Ikoku ni eco epupi acorasia ka papa keng',
konye ni ipoga mam kepupi acorasia.
2Itung'a lu ejoka eropio atupa kanu inerasi kesi,
konye ikaliokok, eminasi ejie.
3Ng'ini ni ecoikit akituk keng', idari akijar keng';
ng'ini ni eng'arit akituk keng' edauni.
4Etau kani ekalanyana eminanari, konye mam kedumuni ibore.
Konye etau kani ekukurana einakino abara.
5Itwan ni edolit ereit aliokonu,
konye itwan nikaronon isomae kotoma asilitu.
6Idari adolite ng'ini ni emam akiro,
konye ibirori aronus nikarokusio.
7Imoleete itung'a ice ebarito, konye mam kejaasi ka ibore.
Ice imoleete epalipalito, konye ejaasi ka abara.
8Itosomaete lu ebarito abara kes ayuun akijar kes,
konye itwan ni epalipalit mam kejaasi ka ibore ipede ni itukuriani nesi.
9Lu edolito eputosi ka acaus na ecae noi;
konye lukarokok eputosi ka atara na etwani.
10Epogi eyauti ican. Ejokuna akilip acorasia.
11Abara na idumuni ijo kabenenu, itolikini ijo atipet,
kekekes adumun, idumuni ijo lu ipu.
12Kelwanar amuno, edumuni etau adeka,
konye kisomakinosi nu ekote etau erait bala ekitoi loka akijar.
13King'ere ijo acorasia nukajokak, ilipit ijo ican;
kotup acorasia, ijara ijo.
14Akisisianakino kaluka acoa, erait ecor loka akijar;
king'arakinete ijo akikuu ejii akijar kon ocan.
15Apirianut eyauni ayong'ara,
konye lu mam ka amuno ejaasi oroto loka amunaari.
16Itung'a luka acoa ewomowomoete ng'in pak ering'a kisomakina ibore,
konye itung'a lu ebang'aka itoduto awolite kes.
17Ikiyakia lu mam kemunokite eyaunete ican,
konye ng'ulu lu emunokite eyaunete aipuc.
18Ebunete apalapalut ka asilut namaka ng'ini kani eng'eri akisisianakino
konye nesi lo ecamuni acorasia eyong'io.
19Ikoni ejokuna ai adumuni ibore ni ikote ijo!
Itung'a lu ebang'aka eng'erito akinyekin arokusio.
20Koupasi ka itung'a luka acoa, ibuni ijo arauni nika acoa.
Kiminakinosi ijo ka itung'a lu ebang'aka, imunauni ijo.
21Etupito ican lukarokok ng'olo wai,
konye itung'a lu edolito eropio kesi ka iboro kalu ejoka.
22Itwan ni ejokuna ejaikinosi ka abara na inyekina itatai keng',
konye abara kaluka arokusio eikari nama kalu edolito.
23Amaata ka lukapalapalak nu mam kekorite ejaasi ka inyamata lu ipu,
konye edemaro emam abeite.
24Ng'ini ni mam kereuni okoku keng' kakitoi, ereit nesi,
konye ng'ini ni emina okoku keng', ereuni nesi.
25Lu edolito ejaasi ka inyamata lu ilesikina,
konye lukarokok ejaasi ka eteng'e ng'in pak.
Currently Selected:
Awaragasia 13: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
