Awaragasia 10
10
Awaragasia ka Solomon
1Nu kes awaragasia ka Solomon:
2Akibara na idumuni ijo ka aliokonu, emam adumunete.
Konye adolite iyuni akijar kon.
3Mam Lokapolon kinyekin lu edolito edumunete eteng'e,
konye irebokine akiisite kalukarokok.
4Akalanyanut kiinakini ijo arauni nikapalapalan,
konye akukunyanut einakini ijo abara.
5Itwan ni ecoo, etukokini inyamata apak naka akamu;
konye ni eperi apaarasia nuka akidweny, eyauti asilut.
6Isulwanyikino itung'a lu ejoka,
konye akituk kanikaronon ejaasi ka aronus.
7Akiitununi lu edolito erait arereng'u,
konye ekiror kanikaronon ebosi.
8Itwan ni ecoo ecamut acorasia,
konye ng'ul lu ebang'aaka edaunosi.
9Itung'a luka abeite elosete kojokan,
konye luka aliokonu edumunosi.
10Ng'in eyedakin itwan akong' eyaut ican,
konye ni elimori arokusio ka abeite eyaut aipuc.
11Akituk kani edolit, erait ecor loka akijar,
konye akituk kanikaronon, igwait adedeng'u.
12Eding' iguruni ang'olopa,
konye amina erapakini arokusio kere.
13Itung'a lu ecoak inerasi akiro nukajokak,
konye itung'a lu ebang'aka itemokina kitisilare.
14Itung'a luka acoa ejaasi ka akijen,
konye kinerakisi ibang'aisik, abutu ican.
15Abara idari itwan ni ebarit,
apalupalut emudiari nikapalapalan.
16Eropit loka asoma nuka jokaka erait akijar,
konye aronus kiyari ijo asoma arokusio nu ipu.
17Itung'a lu epupete ereuno kesi ejarete,
konye ng'ulu lu mam kecamunete ebe ediakarito kesi ejaasi ocan.
18Itwan ni igwait eding' ing'alae,
itwan ni kelodo ebang'ana.
19Kitupuiti ijo ejori, edodor ijo adiakar.
Kicoo ijo, itauni ijo tii.
20Akiro ka itwan kani edolit eputosi ka epuesa;
awomowomosia ka itwan kanikaronon emam adumunete.
21Akituk kani edolit ing'arakin itung'a lu ipu,
konye ibang'aisik etwakete kanuka abang'anut.
22Einuni ijo asulwanyi ka Lokapolon abara,
bobo mam kinyalakin ka alilit.
23Erait abang'anut amina asoma nukarokok,
konye ni ejeni inera ka acoa.
24Lu edolito edumunete nu ekotosi kesi,
konye lukarokok edumunete nu ekuriaka kesi noi.
25Na ekutuna ekuwam, ekutaro lukarokok,
konye ideunosi luka abeite.
26Mam ayaun itwan nikalany akisomakin ijo ibore;
kitunyunyuri nesi ijo bala ekaulari kokyala kon kere bala apuru ka akonyen kon.
27Koyong' Lokapolon ijari ijo ikaru ipu.
Euriaka ikaru ka itung'a kalukarokok.
28Amuno kalu edolito eng'etakin alakara,
konye amunokina kalukarokok erait along'u.
29Idari Lokapolon luka abeite,
konye itatwaniari lukarokusio.
30Lu edolito idarite mam kelemaro,
konye lukarokok mam kekuyete.
31Lu edolito inerasi acoa,
konye ang'ajep na eliokono etuboro.
32Akituk kani edolit inera akiro nu ecamakina,
konye nikarononi inera nu epayito.
Currently Selected:
Awaragasia 10: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
