Mariko 10
10
1Jennaani Yesoni arti kae, lafa Yudeatiifi galaana Yordani gama kaani d'aqe. Gumiini guddooni iti baanaani, inni aka aada ufi kaani worra barsiise.
2Farisayooni ta gari gara isaa d'iaatte, aka isa ilaalattu waan jetteeni, Aki nami niiti ufi jala baasu fullaa mo fullaaniti? 3Inni waan worraani jed'e, Musani maani isaniti hime? 4#Qab-Ser 24.1-4; Mat 5.31 Worri waan jed'e, Musani eegi tatabe ufi jala baasiti iti kennani fullaa jed'e jed'ani. 5Ammo Yesoni waan worraani jed'e, Maro garaani keesani jabaateefi inni seera kana isani t'aafe. 6#Uum 1.27; 5.2 Ammo haguma waan ch'ufa uumani, Waaqi d'iirafi uwa uume jed'ani. 7#Uum 2.24 Maro waan kanatifi d'iirti abbaafi haad'a ufi lakifte, niiti ufitiini takaa taati; 8jari lachu nafa toko taha. Tanaafi worri amma nafa lamaaniti, ammo tokocha. 9Nama Waaqi wolti hid'e, nami gargari baasu himmalle.
10Manati gallaani, jari isaa ammalle waan kana isa gaafate. 11#Mat 5.32; 1 Kor 7.10-11 Inni waan worraani jed'e, Nami niiti ufi lakise ta d'ibi fuud'uleeni ya niiti ufiti dabe; 12ammalle yo niitiini d'iirsa jalaa baate, nami d'ibiini fuud'e, isiileeni yayu daba tolchite.
Yesoni ijoolle didiqo eebisa
(Matayo 19.13-15; Luka 18.15-17)
13Biyyiti ijoolle isatiini d'ufte, aka inni tuqu, ammo jari isaa biyya d'owe. 14Yesoni waan kana arginaani dalane waan worraani jed'e, Ijoolleeni ha nati d'uftuuti, ind'owiina; wonti akanatiifi ijoolle akana tanati Finna Waaqa qaba. 15#Mat 18.3 D'uguma, waan anini isaniini jed'u, Nami aka ijoolle ufi tolche Finna Waaqa imfud'anne diqole inargatu. 16Inni isi hampaare, ufira teteesise, harka ira kaye eebise.
Kaimi dureesi jireenna barbaada
(Matayo 19.16-30; Luka 18.18-30)
17Ato Yesoni kara gula deemu, namichi toko isati utaala d'ufe, jilbifate isa gaafate waan jed'eeni, Aabbo dansa, anini maani tolcha aka jireenna hegeri argad'u? 18Yesoni waan isaani jed'e, Atini maafi dansa naani jetta? Eentu dansa, Waaqa male? 19#Bah 20.12-16; Qab-Ser 5.16-20 Atini seera imbeeta: inijeesiini; d'iirafi nad'eeni wolbarate garayu wolintolfatini inhatiini; d'ara ind'ugeesiini; nama insobini; abbeetiifi haateti saalfad'u. 20Inni waan jed'eeni, Waan kana ch'ufa anini haguma ijoolluma tiyyati guute. 21Yesoni isa millannaani, isa jaalate waan jed'eeni, Waan toko fitate, beeni, waan qabdu ch'ufa gurguri, hiyyeeyi qoodi, hori gubba argatta, duuba na gula kooti jed'eeni. 22Dubbi tana d'ageennaani inni fuula yakate oode iti d'aabate, waan hori guddo qabuufi.
23Yesoni mirgaa bita millate, waan jara isaatiini jed'e, Akami jabaatti, aka dureeyiini Finna Waaqa argattu! 24Jari isaa dubbi tana guddo maadefate. Ammo Yesoni waan worraani jed'e, Isii ijoolle, argachaani Finna Waaqa akami jabaatti! 25Fulla dureesi Finna Waaqa argatu gaala qaa lime seenuti ira laafa. 26Worri guddo mame waan woliini jed'e, Eentu baafamu dandaa re? 27Yesoni worra millate waan jed'e, D'uguma namaani intaatu, ammo wonti namaani intaane Waaqaani intaati.
28Jennaani Petroni waan isaani jed'e, Ilaali, nu waan ch'ufa lakimne si gula yaane. 29Yesoni waan jed'eeni, D'uguma, waan anini isaniini jed'u, Nami ch'ufti ka worra ufi lakise, yokhaani oboleyaanifa, abbafa, haad'afa, ijoollefa, oobrule lakise, maro kiyyafi maro Odu Dansaatiifi, 30maro d'ibba toko hagasi ira argata. Inni hojja tana, maneenifa, oboleyaanifa, haad'afa, ijoollefa, oobrule, argata gaargala woliini, ammalle takaa tana jireenna hegerile argata. 31#Mat 20.16; Luk 13.30 Ammo nami hedduuni ka amma nama qara, hegeri ka eege taha; ammalle ka amma nama eege, hegeri ka qara taha.
Yesoni maro sadeeso waan duisa ufi hima
(Matayo 20.17-19; Luka 18.31-34)
32Yesofi jari isaa kara gula yaani gara Yerusalemu olqabatani, ammalle inni worra dura deemu jira. Jari isaa mame; nami isa gula yauleeni sodaate. Inni jara kud'ani lamaanu ammalle kobati yaame, waan isa tolchani suni worrati hime, 33waan jed'eeni, Ilaala, nu Yerusalemuti olqabanna, Ilma Nama harka qaalole gugurdotiifi jara Seera beekhuti kennani. Worri duisa iti mure harka gosa d'ibiti kenna. 34Duuba isa goyeesani, hanch'ufa iti tufani, lichooni d'aanani, ijeesani, ammo eegi guyya sadi inni inkaa.
Kad'acha Yakobofi Yohana
(Matayo 20.20-28)
35Jennaani Yakobofi Yohanani, ilmaani Zebedayo, isati d'iaatani waan jed'aniini, Aabbo, waan toko nuu tolchi. 36Inni waan worraani jed'e, Maani feetani ka anini sila isani tolchu? 37Worri waan isaani jed'e, Nu lachu mirgaa bita kanke tatau feena, Finna kanke keesa. 38#Luk 12.50 Ammo Yesoni waan worraani jed'e, Waan kad'attanile imbeetani. Isani mudunu anini d'uguuni dandeetani d'uddaniini? Yokhaani batiso anini batifamuuni batifamu indandeetani? 39Worri, Indandeenna jed'eeni. Yesoni waan worraani jed'e, Mudunu anini d'uguuni ind'uddaniini, ammalle batiso anini batifamuuni imbatifamtaniini; 40ammo aki moga tiyya ta mirgatiifi ta bita tataani tiyyaaniti, ta worra mid'aasaniifi.
41Jari kud'annaani kaani akasi d'ageennaani, Yakobofi Yohanati dalane. 42#Luk 22.25-26 Yesoni jara wolti yaame waan jed'eeni, Isani imbeetani, aka nami sila gosa d'ibi mohatu worra dabsu, ammalle jari gugurdaani worraa jabeenna ufi agarsiisu. 43#Mat 23.11; Mar 9.35; Luk 22.26 Taatule isani akasiiniti, ammo ka isani keesa gudda tahu fed'u, hojattu tahu male; 44ammalle ka isani keesa nama qara tahu fed'u tisse nama ch'ufa tahu male. 45Wonti akaatifi Ilmi Namaleeni aka hojataniifi ind'umne ammo aka namaa hojate, jireenna ufi maro nama heddutiifi baasuufi d'ufe.
Bartimayo ka balla fayyisani
(Matayo 20.29-34; Luka 18.35-43)
46Yesofi jari isatiifi gumiini guddooni dira Yeriko gahani. Ato Yeriko bahanu, nami ballaani toko ka Bartimayo, ilma Timayo jed'ani d'aatu karaa taa. 47Inni, Yesoni ka Nazareti ya d'ufe jed'ani d'agaye, iye waan jed'e, Yeso, Ilma Daudi, naa nahi. 48Nami hedduuni isa dubbachu d'owe, Ch'allisi jed'eeni. Ammo inni hagasi ira iye, Ati Ilma Daudi, naa nahi jed'eeni. 49Yesoni miili d'aabate, Gadi yaama jed'e. Worri namicha balla kaani yaame waan jed'eeni, Garaa jabaad'u, kai, inni si yaamu jira. 50Inni woya ufi lafa buuse, olch'ee, Yesoti d'ufe. 51Yesoni waan isaani jed'e, Ana maani sii tolchu feeta? Ballaani kaani waan jed'eeni, Aabbo, anini lafa argu fed'a. 52Yesoni waan isaani jed'e, Beeni, d'ugefachaani tante la si fayyifte. Inni hojuma suni lafa arge, faana Yeso kara gula deeme.
Yesoni Yerusalemu seena
(Matayo 21.1-11; Luka 19.28-40; Yohana 12.12-19)
Currently Selected:
Mariko 10: BOR
Highlight
Share
Compare
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
