Mariko 9
9
1Ammalle inni waan worraani jed'e, D'uguma, waan anini isaniini jed'u, Nami gari ka arma jiru induu, haga Finna Waaqa ka humnaani d'ufu arguuti.
2 #
2 Pet 1.17-18 Eegi guyya jaa, Yesoni Petrofi Yohanafi Yakobo mogati fuud'e, gaara d'eera gubbaa koba korsiise. 3Fuula worra durati bifti isaa jijiramte, woyaani isaa bibilit'e, adi ch'aama taate, aka nami dandae miich'e inadeesine. 4Eliyafi Musani worrati mullatani, Yeso woliini hasaani. 5Jennaani Petroni waan Yesoni jed'e, Aabbo, aki nu arma jiru dansa, hoosa sadi mid'aasina, toko keeti, toko ka Musati, kaleeni ka Eliyati. 6Petrofi worri wahela isa guddo sodaate, jennaani Petroni waan jed'u wollaale akasi jed'e. 7#Mat 3.17; Mar 1.11; Luk 3.22Dumansi d'ufe, worrati gaadiseese, qonqooni dumansa suni keesaa baate waan jette, Kunini Ilma kiyya tokocha, isa ch'aqasa. 8Hojuma suni worri ufi bira mimillannaani nama d'ibi d'abani, Yeso male.
9Ato worri gaara iraa gadibuu, inni worra d'owe waan jed'e, Nama tokoleti waan argitani kana inhimina, haga Ilmi Nama duisa keesaa kauti. 10Worri dubbi suni qaabate, duisa keesa kaisi maani? jed'e wolgaafate. 11#Mal 4.5; Mat 11.14 Jennaani worri isa gaafate waan jed'e, Worri Seera beekhu maafi qara Eliyaani d'ufu male jed'a? 12Yesoni waan jed'eeni, Eliyaani d'uguma qara d'ufa aka waan ch'ufa mid'aasu. Ammo t'aafi keesati maafi Ilma Nama tuffatani guddo gaargalchu malani jed'ani? 13Ammo waan anini isaniini jed'u, Eliyaani qaraa d'ufe, waan fed'ani isa tolchani, akuma t'aafiini jettu.
Fayyisa gurba jinni qabu
(Matayo 17.14-21; Luka 9.37-43)
14Fulla jara ufi kaani geennaani, Yesofi jari sadeenu gumi guddo ta worra marsitu argani, ammalle jara Seera beekhu wolmormani. 15Gumiini ch'ufti isa arginaani guddo mamte, isati orite nagaya fuute. 16Inni, Maani wolmormitani? jed'e gaafate. 17Nami toko gumi keesaa waan jed'eeni, Aabbo, anini ilma kiyya, ka jinni duuda qabu, sitiini d'ufe. 18Yo isa qabattu ch'ufa lafaani d'oofte, homachi afaani yae, inni ilkaani qare gogoga. Anini jara kanke aka keesaa baasani kad'ad'e, ammo worri indad'abe. 19Yesoni waan worraani jed'e, Isani diqole d'ugefacha inqabdani; guyya hagami isani woliini taa? Guyya hagami isani obsa? Natiini koota. 20Gurba isatiini d'ufani. Jinniini Yeso arginaani hojuma suni gurba hahargufte, inni lafa d'ae, gangalate, hoomachi afaani yae. 21Yesoni abba isatiini waan jed'e, Ganna hagami akana tahe? Inni waan jed'eeni, Haguma ijoolluma isaati. 22Maro heddu jinniini ibidafi bisaani keesa isa buufte, aka isa ijeeftu. Yo dandeete, nuu nahi, qarqaari. 23Yesoni waan isani jed'e, Yo atini dandeete jetta? Nama d'ugefatu wonti ch'ufti intaati. 24Hojuma suni abbaani gurbaa iye waan jed'e, D'ugefacha inqaba, yo ingeennele, na qarqaari.
25Yesoni aka gumiini wolti oritu arginaani, jinniini lole waan jed'eeni, Jinni duuda, isa keesaa bahi, iti indeebiini jed'eeni. 26Jinniini iyite, hargufte, keesaa baate. Gurbaani kaani aka reefaa tahe, tanaafi nami hedduuni, Gurbaani yayu due jed'e. 27Ammo Yesoni harka isaa qabe, olfuud'e jennaani inni kae.
28Eegi Yesoni gale, jari isaa kobati isa gaafate, Nu maafi jinni isa keesaa baasu dad'amne? jed'ani. 29Inni waan jed'eeni, Ta akana tana kad'acha male dandaani imbaasani.
Yesoni ammalle waan duisa ufi dubbata
(Matayo 17.22-23; Luka 9.43-45)
30Achi kanaani Galilaya keesaa yaani. Inni aka nami fulla inni jiru beekhu infeene. 31Wonti akanatiifi inni jara ufi barsiisu jira. Inni waan worraani jed'e, Ilma Nama harka namati kennani ijeesani. Eegi due inni guyya sadeeso inkaa. 32Ammo worri jecha kana inhubanne, isa gaafachule sodaatani.
Akheekha ufi diqeesa
(Matayo 18.1-5; Luka 9.46-48)
33Kapernaumu geennaani, ato mana keesa jiru, inni worra gaafate, Kara keesati maani wolhasooftani? jed'e. 34#Luk 22.24Ammo worri inch'allise, waan kara keesati, Nu keesa, eentu ira gudda? jed'ani wolmormaniifi. 35#Mat 20.26-27; 23.11; Mar 10.43-44; Luk 22.26 Inni gadi tae, jara kud'ani lamaanu yaame waan jed'eeni, Nami nama qara tahu fed'u nama eegetifi hojattu nama ch'ufa tahu male. 36Daima toko hampaare jiddu worraa teesise waan worraani jed'e, 37#Mat 10.40; Luk 10.16; Yoh 13.20 Nami daima akana toko maro maqa kiyyatiifi jabeesu naa jabeesa; nami naa jabeesu naa injabeesu, ammo ka na erge jabeesa.
Nami nuuni imorkine goli teenna
(Luka 9.49-50)
38Yohanani waan jed'eeni, Aabbo, nu nama toko ka maqa kanketiini jinni baasu agarre. Inni nama keennaaniti, tanaafi isa d'owarre. 39Yesoni waan jed'eeni, Ind'owiina, wonti akanatiifi nami huji mama maqa kiyyaani tolchu, ka eegi suni hameenna kiyya barbaadu injiru. 40#Mat 12.30; Luk 11.23Nami nuuni imorkine goli teenna. 41#Mat 10.42 D'uguma waan anini isaniini jed'u, Nama, waan isani nama Kristo taataniifi, bisaani isani obaasu, galata ufi inuma argata.
Gorsa waan nama wollaalchisani
(Matayo 18.6-9; Luka 17.1-2)
42Nami ijoolle didiqo tana ta na d'ugefattu guufachiisu, sila dansa yo d'akha daakhu morma isati hid'ani, galaana keesa buusani. 43#Mat 5.30 Yo harki kanke si wollaalchise ufira kuti, gati! Yo atini naafatte jireenna seente ira sii jirti, fulla harka lamaaniini naarti keesa buutu, fulla ibidi ind'aamne. [ 44Achiti fulla raamooni indoone yokhaani ibidi ind'aamne.] 45Ammalle yo miili kanke si wollaalchise ufira kuti, gati! Yo atini naafatte jireenna seente ira sii jirti, fulla miila lamaaniini naarti keesa si buusani. [ 46Achiti fulla raamooni indoone yokhaani ibidi ind'aamne.] 47#Mat 5.29 Yo ilti tante si wollaalchifte, ufi keesaa baasi. Yo atini ila tokooni Finna Waaqa argatte ira si jirti, fulla ila lamaaniini naarti keesa si buusani. 48#Isa 66.24 Achiti fulla raamooni indoone yokhaani ibidi ind'aamne.
49Akuma sorio sooddani qulqulleesani, nama ch'ufa ibidaani qulqulleesani. 50#Mat 5.13; Luk 14.34-35Sooddi dansa, ammo sooddileeni, yo kuraa d'abe, maaliini kurefatani? Soodda ufi keesati horad'a, nagayaani woliini taa.
Barsiisa waan d'iirsafi niiti
(Matayo 19.1-12; Luka 16.18)
Currently Selected:
Mariko 9: BOR
Highlight
Share
Compare
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
