Mariko 11
11
1Worri Yerusalemufi gaara Bethfagefi Bethaniati d'iaannaani, fulla gaara Ejersa jed'ani, Yesoni jara ufi keesa nama lama erge 2waan jed'eeni, Olla isani dura jiru olduuda, duuba yo olduuddani, bukhura harree, ka hid'aansa qabu, ka taka illenjisiini argitani, hiikha, kootaani. 3Yo nami, Maafi hiitani? jed'e, Aabbooti fed'a, ammalle inni indeebisa jed'aani. 4Worri kae yae, bukhura harre, ka hid'aansa qabu argani, duuba hiikhani. 5Nami achi ejaanju waan jed'eeni, Bukhura maafi hiitani, maani tolchitani? jed'e. 6Ammo worri waan Yesoni jed'e, iti himnaani, worra gadi lakise. 7Jennaani worri bukhura harree kaani Yesotiini d'ufe woya ufi raro tolchani Yesoni yaabate. 8Nami hedduuni woya ufi kara keesa afe, ka gari dame mukha ch'ire, kara keesa afani. 9#Far 118.25-26 Nami isa dura jiruufi ka isa duuba yauleeni waan jed'ani, Waaqa faarsa, Nami maqa Aabbootiini d'ufu la eebifame! 10Waaqi finna Aabbo keenna Daudi, ka d'ufu jiru eebisinna! Waaqa faarsa!
11Yesoni Yerusalemu seene Mana Waaqa d'aqe. Waan ch'ufa mimillate, maro aduuni d'iiteefi, jara ufi kud'ani lamaani woliini Bethania d'aqe.
Yesoni mukha odaa abaara
(Matayo 21.18-19)
12Boriyya, worri Bethaniani baanaani, inni beelae. 13Duuba mukha oda toko, ka baala qabu, fagoti arge, mid'aani ira laalu d'aqe. Achi geennaani, baala male, woma iraa d'abe; wonti akanatiifi hojjaani odaani bilchaatu ingeenne. 14Inni waan jed'eeni, Nami tokoleeni iti deebie mid'aani sira inyaatini! Jari isaa waan kana d'agaye.
Yesoni Mana Waaqa qulqulleesa
(Matayo 21.12-17; Luka 19.45-48; Yohana 2.13-22)
15Yerusalemu gahani jennaani Mana Waaqa seene, gumi Mana Waaqa keesati wo gurgurattufi ta bitattu achi had'e, mesa nama hori jijiratufi barch'uma nama sabaliisa gurgurule garagalche, 16nama d'aatu Mana Waaqa kara tolfate miha baate dabruuni yau d'owe. 17#Isa 56.7; Yer 7.11 Duuba worra barsiise waan jed'eeni, Mani kiyya mana eeba gosa ch'ufa jed'ani t'aafaniiniti? Ammo isani goda hattu tolchitani.
18Qaalole gugurdofi jari Seera beekhu akasi d'ageennaani kara isaani ijeesani malatani. Ammo maro gumiini ch'ufti barsiisa isaa maadefatteefi isa sodaatani.
19Lafti galgaloomnaani, Yesofi jari isaa dira keesaa bahani.
Jabeenna d'ugefacha
(Matayo 21.20-22)
20Ato ganamaani dabranu, oda hiddi gogeeni bahani. 21Petroni waan tahe qaabate waan jed'eeni, Aabbo, ilaali, odaani atini abaarte kaani ya gogoge. 22Yesoni waan worraani jed'e, Waaqa d'ugefad'a. 23#Mat 17.20; 1 Kor 13.2 D'uguma, waan anini isaniini jed'u, Nami gaara kanaani, Arma buqai, galaana keesa bui jed'eeni, yo garaa ufi keesati ind'arefanne, ammo aka wonti inni jed'u taatu d'ugefatu, wonti suni inguutamtiifi. 24Tanaafi waan anini isaniini jed'u, Waan isani Waaqa kad'attani ch'ufa, d'ugefad'a, aka qara d'uguma argattani, duuba inuma argattani. 25#Mat 6.14-15Ammalle, hojja ejattani Waaqa kad'attani ch'ufa, namaa araarama, yo nami isani dabse jiraate, aka Abbaani keesani ka gubba wollaala keesanile isanii araaramu. [ 26Yo isani namaa araaramu diddani, Abbaani keesani ka gubbaa jiru wollaala keesanile isanii araaramu dida.]
Waan jabeenna Yeso
(Matayo 21.23-27; Luka 20.1-8)
27Duuba Yerusalemuti deebiani. Ato Yesoni Mana Waaqa keesa deedeemu qaalole gugurdofi jara Seera beekhufi jaaroleeni isati d'ufte 28waan jetteeni, Jabeenna kamiini waan kana tolchita? Yokhaani, eentu jabeenna kana sii kenne, aka waan kana tolchitu? 29Yesoni waan jed'eeni, Anileeni waan toko isani gaafad'a; nati hima, duuba anileeni jabeenna anini waan kana tolchuuni isaniti hima. 30Batisooni Yohana gubbaa baate mo lafaa baate? Nati hima. 31Worri wolmorme waan woliini jed'e, Yo gubbaa jenne, inni, Isani maafi isa ind'ugefatiina? jed'a. 32Ammo yo Lafaa jenne (gumi sodaatani, waan nami ch'ufti Yohana raaga sehuufi). 33Tanaafi waan Yesoni jed'ani, Nu imbeennu. Yesoni waan jed'eeni, Yoosi, anileeni jabeenna waan kanaani tolchu isaniti inhimu.
Mammaasa oobru zabibu
(Matayo 21.33-46; Luka 20.9-19)
Currently Selected:
Mariko 11: BOR
Highlight
Share
Compare
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
