Matayo 10
10
1Jennaani Yesoni jara isaa kud'ani lama wolti yaame jabeenna kenneefi, aka jinni nama keesaa baasani, fayyad'abafi d'ukuba ch'ufa fayyisani. 2Maqaani ergattu kud'ani lamaani kana: ka qara, Simoni ka Petro jed'aniifi oboleesa isaa Andarea; Yakobofi oboleesa isaa Yohana, ilmaani Zebedayo; 3Filipofi Bartholomayo; Tomasofi Matayo, ka damoosa guuru; Yakobo ilma Alfayofi Thadayo; 4Simoni, nama lafa ufi jabeesufi Yuda Iskariote, ka Yeso gurgure.
Jara kud'ani lamaani ergani
(Mariko 6.7-13; Luka 9.1-6)
5Jara kud'ani lamaani kana Yesoni erge waan jed'eeni, Lafa gosa d'ibi yokhaani dira gosa Samaria inseeniina. 6Ammo gara hooliye badde ta gosa Israeli d'aqa. 7#Luk 10.4-12 Yaa, Finni gubba ya d'iaate jed'a, namati odeesa. 8Nama d'ukuba qabu fayyisa, ka duele kaasa, ka qomaat'a qabule fayyisa, jinnile nama keesa baasa. Gati male isanii kennani isanileeni gati male namaa kenna. 9Worqifi qarsi yokhaani beese d'ibi imfud'atiina; 10#1 Kor 9.14; 1 Tim 5.18 karerisafa, ubaara d'ibifa, kopefa, ulele imfud'atiina. Hojattuuni waan maleefi argachu malte.
11Ollafi dira ka seentanifu, nama dansa barbaada, haga yaataniti isa woliini taa. 12Akuma namati olduudanini nagaya fuud'a eebisa. 13Yo nami suni dansa tahe, nageenni keesani ha iti d'ufu; ammo yo nami suni isani jalaa dide, nageenni keesani ha isaniti deebiu. 14#Huji 13.51Yo nami isani imfud'anne, yokhaani dubbi teesani inch'aqamne, hojja mana suni yokhaani dira suni keesaa yaatani, awaara miila keesani ira d'ad'aad'a. 15#Mat 11.24; Uum 19.24-28 D'uguma, waan anini isaniini jed'u, lafti Sodomafi Gomora guyya mura dira suni iraa goomti!
Gaargala d'ufu
(Mariko 13.9-13; Luka 21.12-17)
16 #
Luk 10.3
Kuno, anini aka ilmoole hooliye jiddu yaiti isani erga. Tanaafi aka bofa qaro taha, ammalle aka sabaliisa nagayaani taa. 17#Mar 13.9-11; Luk 12.11-12; 21.12-15 Nama eegad'a; isani qabani kora isani geesani; ammalle Maneeni Waaqa iti kad'atani keesati isani d'aanani. 18Maro tiyyaafi hayyootafi jaallaba durati isani hirkisani, aka worraafi gosa d'ibile durati d'ugeesitani. 19Yo qorsuma isani yaamani, waan dubbattanifi waan jettani inheregiina; waan isani jettani hojuma suni isaniti himani. 20Nami dubbatu isaniiniti, ammo Lubbu Abba keesaniti isani keesa dubbata.
21 #
Mar 13.12; Luk 21.16 Oboleesi oboleesa ufi duati geesa; abbaani ilma ufi akasuma tolcha; ijoolleleeni abbootifi haad'a ufi akasuma tolchiti. 22#Mat 24.9,13; Mar 13.13; Luk 21.17Nami ch'ufti maro tiyyaafi isani jibba. Ammo nami haga muumme obsu imbaafama. 23Hojja dira toko keesati isani gaargalchani, ka iti aanuti baqad'a. D'uguma, anini isaniti hima, dira Israeli ch'ufa dantetani inqit'eesitani, ato Ilmi Nama ind'umne.
24 #
Luk 6.40; Yoh 13.16; 15.20 Nami woi baratu nama isa barsiisu ira injiru; yokhaani garbichi abba ufi ira injiru. 25#Mat 9.34; 12.24; Mar 3.22; Luk 11.15 Nami woi baratu, yo akuma nama isa barsiise tahe yokhaani garbichileeni yo aka abba ufi tahe ya taateefi. Yo abba worraatiini Beelzebuli jed'ani, worra mana maqa hagasi ira hamatiini yaamani!
Abba sodaachu malani
(Luka 12.2-7)
26 #
Mar 4.22; Luk 8.17 Tanaafi insodaatiina; wonti daboolaani ta daboola ira imbuqimne injirtu; yokhaani wonti d'ossani ta imullanne injirtu. 27Waan anini dukana keesati isaniti himu ifsa keesati dubbad'a; ammalle waan hasasani ka d'ageettani fiit'e mana gubbati lalaba. 28Nama nafa ijeese ammo lubbu woma tolchu indandeenne insodaatiina; ammo nama nafafi lubbu ibida keesa buusu dandau sodaad'a. 29Ch'uquliisa lama beese tokoti gurguraniyu? Ammo yo Abbaani keesani fed'e male, tokoleeni lafa ind'au. 30Rifeensa mata keesanile ch'ufa yayu hedani. 31Tanaafi insodaatiina; isani ch'uquliisa ira jirtani!
32Nama nama durati na d'ugeesu ch'ufa anileeni Abba gubba durati d'ugeesa. 33#2 Tim 2.12 Ammo ka nama durati na mormatu ch'ufa anileeni Abba kiyya ka gubba durati mormad'a.
Fohacha jabdu
(Luka 12.51-53; 14.26-27)
34Waan anini nagaya lafaani d'ufu d'ufe insehiina; anini nagaya lafaani d'ufu ind'umne ammo sheefti lafaani d'ufu d'ufe. 35#Mik 7.6 Anini ilmaafi abba wolti naqa d'ufe, intalafi haad'ale; niiti ilmaatiifi haad'a isaale; 36worruma namati nyaapa namaa taha.
37Nami abbaafi haad'a ufi nara jaalatu naa himmalle; ammalle nami ilmaani ufi nara jaalatu naa himmalle. 38#Mat 16.24; Mar 8.34; Luk 9.23 Nami maskali ufi fud'ate na gula indeemne na himmalle. 39#Mat 16.25; Mar 8.35; Luk 9.24; 17.33; Yoh 12.25Nami lubbu ufi qorqorachu fed'u ind'aba; ammo nami lubbu ufi naa jed'e balleesu inargata.
Waan galata
(Mariko 9.41)
40 #
Mar 9.37; Luk 9.48; 10.16; Yoh 13.20 Nami isani d'ieesu, na d'ieesa; nami na d'ieesu nama na erge d'ieesa. 41Nami raaga Waaqa, maro inni raaga taheefi d'ieesu, aka raaga galata argata. Ammalle, nami nama d'uga, maro inni nama d'uga taheefi d'ieesu, aka nama d'uga galata argata. 42Hubad'a, nami, maro inni na gula deemuufi ijoolle didiqo tana toko bisaani guraachale obaase, galata ufi ind'abu.
Yohana nama batisu
(Luka 7.18-35)
Currently Selected:
Matayo 10: BOR
Highlight
Share
Compare
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
