Matayo 11
11
1Eegi Yesoni barsiisiti jara ufi kud'ani lamaani hobaase, inni achii kae dira lafa suni keesati nama barsiisafi dubbi odeesu d'aqe.
2Yohanani, ato mana hid'aansa keesa jiru, waan huji Kristo d'agaye jennaani jara ufi Yesoti erge 3waan jed'eeni, Nami ind'ufa jed'ani si mo ka d'ibi eenna? 4Yesoni waan worraani jed'e, Beena, waan d'ageetanifi waan argitani Yohanati hima: 5#Isa 35.5-6; 61.1 ballaani lafa arga, naafi indeema, nami qomaat'a qabu inqulqulla, duudaani ind'agaya, reefale kaasani, Odu Dansa hiyyeeyiti odeesani. 6Ayaana nama diqole na ind'arefanne.
7Worri kaani yaanaani, Yesoni waan Yohana biyyati dubbate waan jed'e, Lafa gamooji keesa maani daawachu d'at'ani? Ilaadu qilleensi tabsiisu wo taate? 8Nama woya lalaaftu uyifatu daawachu d'at'ani? Worri woya lalaaftu uyifatu mana hayyoota keesa tataa. 9Maafi alati yaatani re? Raaga daawachu d'at'ani? Ee, ammo waan raaga ira jira daawachu d'at'ani. 10#Mal 3.1 Nami kunini ka waan isaa akana t'aafani, Kuno, anini ergattu tiyya si dura erga, aka kara si durati mid'aasu. 11D'uguma, waan anini isaniini jed'u, Nami garaa nad'eeni keesaa bue tokoleeni ka Yohana nama batisu ira jiru injiru. Ammo nami Finna gubba ch'ufa keesa ira maand'a isa ira jira. 12#Luk 16.16 Haga, bara Yohana nama batisu haga arra Finna gubba ya had'ani, worri irre qabu irreeni had'a. 13Raaga ch'ufaafi Seeri Musa haga Yohana ch'alla woi hime. 14#Mal 4.5; Mat 17.10-13; Mar 9.11-13 Yo sila isani d'ugefattani, Yohanani Eliya, ka d'ufiisa isaa himani. 15Yo gurra qabaattani d'agaya.
16Duuba d'aloota kana maanti akheekha? Aka ijoolle gabaya keesa teteete jaalaani ufi yaamtu jira, ta waan woliini jettu. 17Nu dibe isani d'oomne, ammo isani sirbu diddani; ammalle nu iyinnaani isani bohu diddani. 18Yohanani nyaate d'ugu ind'umne, ammo isani, inni jinni qaba jettani. 19Ilmi Nama nyaate d'ugu d'ufe, ammo waan jed'ani, Kunini sabdifi nama farso d'ugu, jaala nama, damoosa guurufi nama daba. Tatule, qalbi Waaqa d'uga, waan isiini tolchituuni beekhani.
Gaargala dira ind'ugefanne
(Luka 10.13-15)
20Jennaani Yesoni worra dira qaraa inni keesati waan mama tolche, waan worri daba iraa deebiu dideefi, wollaala iti mure waan jed'e, 21#Isa 23.1-18; Eze 26.1—28.26; Yoe 3.4-8; Amo 1.9-10; Zek 9.2-4 Gaargala keti, Korazini! Gaargala keti, Bethsaida! Ato sila waan mama ta isani keesati tolchani Tirofi Sidoni keesati duri tolchani, worri arra kale ch'arqi naqate, daara dibate, daba ufi inhimatiini! 22Ammo anini isaniti hima, guyya qorisa Waaqi isani ira worra Tirotiifi ka Sidoniti naha. 23#Isa 14.13-15; Uum 19.24-28Kapernaumu, waan gubba oldeemtu ufi seeta? Fulla ekhera si buusani. Yo sila waan mama ka si keesati tolchani Sodoma keesati tolchani, diri suni haga arra injira. 24#Mat 10.15; Luk 10.12Ammo waan anini siini jed'u, Guyya muumme diri Sodoma sira gooma!
Nati koota boqod'a
(Luka 10.21-22)
25Hojja suni Yesoni waan jed'e, Anini galata sii deebisa, Ee Aabbo, Abba lafafi gubba, waan atini waan kana worra qalbi qabuufi worra wo barate d'ossite ijoolle didiqoti mullifteefi. 26Ee Aabbo, tunini fed'i teeti.
27 #
Yoh 3.35; 1.18; 10.15 Waan ch'ufa Aabbooni ya harka kiyyati kenne. Abba male, nami Ilma beekhu injiru, ammalle nami Abba beekhu injiru, Ilmaafi nama inni iti mullisu fed'u male.
28Nati koota, nami dad'abefi ka baa ulfo baatu anini isani boqachiisa. 29#Yer 6.16 Qaampara kiyya keyad'a, naraa barad'a, anini nama laana, ka mata inguddifanne; duuba boqota argattani. 30Qaampari kiyya sabla, baani tiyya inulfaattu.
Waan Sabato
(Mariko 2.23-28; Luka 6.1-5)
Currently Selected:
Matayo 11: BOR
Highlight
Share
Compare
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
