Matayo 9
9
1Yesoni hobolo keesa seene galaana taake, dira lafa ufi d'aqe. 2Namicha naafa toko ka sire gubba ch'iisu isatiini d'ufani. Yesoni d'ugefacha worraa arginaani waan namicha naafa kaaniini jed'e, Garaa jabaad'u, gurba kiyya; daba kanke ya sii araaramani. 3Jari Seera beekhu toko waan woliini jed'e, Nami kunini Waaqa abaara! 4Yesoni herega worraa beennaani waan jed'e, Maafi garaa keesani keesati hameenna akana kana hereddani? 5Tamiti ira laaftu, Daba kanke ya si araaramani jecha mo, kai deemi jecha? 6Ammo aka Ilmi Nama lafa keesati jabeenna daba nama araaramuuni qabu hubad'a. Jennaani inni waan namicha naafa kaaniini jed'e, Kai, sire tante fud'ad'u, worrati gali. 7Duuba inni kae worrati gale. 8Biyyiti waan kana arginaani sodaate, Waaqa ka jabeenna akana kana namaa kenne guddifte.
Yaamicha Matayo
(Mariko 2.13-17; Luka 5.27-32)
9Yesoni achi deemnaani, nama toko ka Matayo jed'ani, ka fulla mana damoosa tau arge, Na gula kooti jed'eeni. Jennaani Matayoni kae, isa gula deeme.
10 #
Luk 15.1-2
Inni sagale nyaataa teennaani, jara damoosa guurufi nami daba hedduuni isaafi jara isaa woliini tatae. 11Duuba Farisayooni waan kana arginaani waan jara isatiini jette, Qaallichi keesani maafi nama damoosa guurufi nama daba qabu woliini sagale nyaata? 12Yesoni dubbi tana d'ageennaani waan jed'e, Nami fayya qabu ch'ireesa imbarbaadu, ammo nama fayyad'abe ch'allati barbaada. 13#Mat 12.7; Hos 6.6 Beena, waan jecha kana hubad'a, Anini naasu fed'a, sorio imfed'u. Anini nama daba male, nama d'uga yaamu ind'umne.
Waan agabu
(Mariko 2.18-22; Luka 5.33-39)
14Jennaani jari Yohana gara Yeso d'ufe waan jed'eeni, Nuufi Farisayooni maafi Waaqaa jenne ufi agabsina, ka jari kanke ufi inagabsine? 15Yesoni waan worraani jed'e, Keessumaani fuud'aa haga abbaani fuud'a worra woliini jiru lalefachu dandeeti? Guyyaani abba fuud'a worra biraa fuud'ani ind'ufa, duuba hojja suni worri ufi agabsa.
16Nami woya hareeti kooti dullatiti erbu injiru; erbaani suni woya dullati taani intarsaafti, tarsaaleeni ira guddatti. 17Daad'i hareeti gorjo dullatiti inaqani. Yo akasi tolchani, gorjooni intarsaati, daad'iini jidde gorjooni baddi. Daad'i hareeti gorjo hareetiti naqani, duuba lachu guyya heddu teeti.
Fayyisa intala Yairotiifi niiti d'ibi
(Mariko 5.21-43; Luka 8.40-56)
18Ato Yesoni waan kana dubbatu, motichi toko d'ufe, durati jilbifate waan jed'e, Intalti tiyya ammumatana doote; ammo kooti, harka isi ira kayi, isiini injiraatti. 19Jennaani Yesoni kae, jara ufi woliini isa gula deeme.
20Niitiini toko, ta d'iigi ganna kud'ani lama keesaa yae, isa duddaduubaani d'ufte, handaara woya isaa tut'e. 21Isiini waan ufiini jette, Yo anini woya isaa ch'alla tuqele imfaya. 22Yesoni ufira garagale, isi arginaani waan jed'eeni, Intala, garaa jabaad'u, d'ugefachaani tante la si fayyifte. Hojuma suni fayyite.
23Yesoni mana moticha kaani seennaani jara fuludo tabatufi biyya bohu jirtu arginaani 24waan jed'e, Alati baha, intalti indoone, ammo rafu jirti. Jennaani worri isa koble, 25ammo, eegi biyyiti alati baate, inni olseene harka intala olfuud'e, intalti kaate. 26Oduuni tunini lafa suni ch'ufa keesa fulla ch'ufa geete.
Fayyisa balla lama
27Yesoni achi deemnaani jari ballaani lama isa gula yae waan jed'eeni, Ilma Daudi, nuu nahi. 28Inni mana olseennaani jari ballaani kaani gara isaa d'ufe. Yesoni waan worraani jed'e, Aka anini waan kana tolchu dandau ind'ugefattani? Jari, Ee Aabbo ind'ugefanna jed'eeni. 29Jennaani Yesoni ila worra tuqe waan jed'eeni, D'ugefacha teesani gula ha isanii taatu. 30Duuba ilti worra banamte, Ammo Yesoni nama tokoleti inhimina jed'e, worrati seere. 31Ammo worri yae, waan isaa lafa suni ch'ufa keesati odeese.
Fayyisa nama jinni duuda qabu
32Ato worri yau nama jinni duuda qabu Yesotiini d'ufani. 33Inni jinni keesaa baase jennaani namichi duudaani kaani dubbate. Biyyiti maadefatte waan jette, Waan akana kana taka Israeli keesati ingarre. 34#Mat 10.25; 12.24; Mar 3.22; Luk 11.15 Ammo Farisayooni waan jette, Inni jabeenna gudda jinnitiini jinni baasa.
Naasu Yeso gara gumi ch'ufa
35 #
Mat 4.23; Mar 1.39; Luk 4.44 Duuba Yesoni achi deeme diraafi ollowaanifi maneeni Waaqa iti kad'atani keesati Odu Dansa ta Finna odeese, d'ukubafi fayyad'aba ch'ufa fayyise. 36#Hen 27.17; 1 Hay 22.17; 2 Od-dur 18.16; Eze 34.5; Zek 10.2; Mar 6.34 Gumi arginaani naheefi, maro isiini dad'abde qarqaarsa d'abde hooliye tissitu inqamne fakaatefi. 37#Luk 10.2 Jennaani Yesoni waan jara isatiini jed'e, Mid'aani murani guddo, ammo nami mid'aani muru diqa. 38Tanaafi abba mid'aani suni kad'ad'a aka inni nama mid'aani muru oobruti ergu.
Ergattu kud'ani lama
(Mariko 3.13-19; Luka 6.12-16)
Currently Selected:
Matayo 9: BOR
Highlight
Share
Compare
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
