Yoshua 12
12
1 #
Hen 21.21-35; Qab-Ser 2.26—3.11 Worri Israeli yayu qara lafa Yordanini ilaboru, ta haga bale Arnoniti ejite bale Yordanitifi haga gaara Hermoni gara mirgati ejitu dabsate fud'ate keesa qubate. Worri hayyoota lama dabsate, 2toko Sihoni, hayyu Amori, ka dira Heshboni tau. Lafti inni fide Gilgali gama toko: Haga Aroeri (afaani bale Arnoni) ammalle dira bale suni wod'aka jiru ejite, haga galaana Yaboki seera Amoniti ejiti: 3Ammalle baleeni Yordani haga galaana Galilaya bita, haga Beth-Yeshimoni (galaana sooda ilaboru) haga golba gaara Pisgati ejite.
4Worri hayyu Ogulle, ka dira Bashani, ka worra Refeni ka hafe keesaa d'alatele, dabsate: inni dira Ashtarothifi Edari keesa tae. 5Lafti inni fide gaara Hermonifi Saleka, lafa Bashani, haga seera Geshurifi Maaka, ammalle lafa Gileadi gama toko, haga lafa Heshboni, ta hayyu Sioni fiduti ejiti. 6#Hen 32.33; Qab-Ser 3.12 Hayyoota lamaani tana Musafi worra Israeliti dabsate. Hojattuuni AABBO Waaqa Musani lafa hayyoota suni gosa Reubenitifi ta Gaditifi ta Manase ta haga gariti kenne, aka worri lafa suni d'aalu.
Hayyoota Yoshuani dabsate
7Yoshuafi worri Israeli hayyoota ch'ufa ta lafa Yordani ila aduu, haga Baal-Gadi Lebanoni keesaa fuud'e gaara Halaki ka bita d'aatu lafa Edomuti, d'aabe ch'ufa dabsate. Inni lafa tana worra Israeliti gosa gosani gargari qoodeefi akanaani lafti sunini ta worraa taate. 8Qoodi suni lafa gaareeni, lafa ila aduu ta golba gaara, bale Yordanitifi golba isii, gooro ilaboru ammalle lafa gamooji ta bita. Duri lafa tana ch'ufa worra Hitifa, Amorifa Kanaanifa, Perizifa, Hivifa ammalle Yebusifaati taa. 9Worri Israeli hayyoota dira kana dabsate: Yeriko, Ai (d'aatu Betheli), 10Yerusalemu, Hebroni, 11Yarmuthi, Lakishi, 12Egloni, Gezeri, 13Debiri, Gederi, 14Horma, Aradi 15Libna, Adulamu, 16Makeda, Betheli, 17Tapua, Heferi, 18Afeka, Lasharoni, 19Madoni, Hazori, 20Shimron-Meroni, Akshafu, 21Taanaki, Megido, 22Kedeshi, Yokneamu (Kameli keesa), 23Dori (afaani Baariini Galilaya keesa) 24ammalle Tirsa — hayyooti tunini ch'ufti sodomi toko.
Lafa ammalle fud'achuu malani
Borana Bible © Bible Society of Kenya, 2019.