Aroma 9
9
Mphambvu za Utongi za Mulungu
1Ndisalonga pya ndimo mwene muna Kirixtu, siri kulonga uthambi tayu. Manyerezero anga a muntima asandipanga penepi, mu Nzimu Wakucena kuti: 2Ndisatsukwala pikulu kakamwe, pontho ntima wanga usakhala mbundipha. 3Thangwi mbipidakwanisika, ine ene ndikhafuna ndipaswe pyanga dzedze, ndipambulike pyanga na Kirixtu, na thangwi ya kufuna abale anga a dzindza yanga, 4mbumba ya Izarayeli. Iwo asankhulwa kuti akhale ana a Mulungu, pontho Mulungu aapasa mbiri yace, pibverano pyace, Mwambo wace, malambiriro ace mu Nyumba ya Mulungu, na pipikiriro. 5Iwo ndi akulu a dzindza ya Izarayeli. Pontho Kirixtu, ninga munthu, ndi wa dzindza yawo. Ndiye Mulungu wa pyonsene,#9:5 Peno: Kirixtu ali padzulu pa pyonsene. Mbakhale Mulungu wakusimbwa kwenda na kwenda! wakusimbwa kwenda na kwenda! Ameni.
6Si kulongera kuti fala ya Mulungu yadodomeka tayu. Thangwi mbumba yonsene ya Izarayeli, si dzindza ya Izarayeli tayu. 7#Lang'anambo: Gn. 21:12.Pontho onsene a dzindza ya Abharaamu, si ana a Abharaamu tayu. Thangwi Mulungu akhadalonga kuna Abharaamu kuti: “Dzindza yako inabulukira kuna Izaki.” 8Penepi nkhulongera kuti: anacemerwa ana a Mulungu, si ale adabalwa pa nyama tayu, mbwenye ana akupikirirwa ndiwo anacemerwa a dzindzadi ya Abharaamu. 9#Lang'anambo: Gn. 18:10,14.Thangwi fala ya cipikiriro yalonga tenepa: “N'dzidzi wace ungakwana, ndinabwera pontho. Sara anadza kabala mwana-mamuna.”
10Si penepi basi tayu. Pyacitikambo na ana awiri a mamphasa a Rabheka. Baba wawo, akhali m'bodzi ene mbuya wathu Izaki. 11Mbwenye ana enewa mbadzati kubalwa, mbadzati cita cibodzi cakuipa peno cadidi - toera kucitike kufuna kwa Mulungu pa kusankhula kwace, 12#Lang'anambo: Gn. 25:23.si na mabasa tayu, mbwenye ndi thangwi ya ule anacemera#9:12 Mabukhu anango a Mafala a Mulungu, mafala awa asaaikha pa vesi 11. Rabheka apangwa na Mulungu kuti: “Mwana wako wankulu, anaphatira basa mwana wako wang'ono.” 13#Lang'anambo: Ml. 1:2-3.Ninga mudalemberwa ipyo m'Bukhu ya Mulungu kuti: “Ndafuna Djakobo, mbwenye ndakhonda Izauu.”
14Tinalonganji mphapo? Kuti Mulungu si wakulungama tayu? Nkhabe citika! 15#Lang'anambo: Ex. 33:19.Thangwi Iye alonga kuna Mozesi kuti:
“Ndinabvera ntsisi kuna ule
anafuna Ine kuti ndim'bvere ntsisi.
Ndinakoma ntima kuna ule
anafuna Ine kuti ndikome ntima.”
16Na tenepo, penepi hapinandawa na kufuna kwa munthu, peno na mphambvu za munthu tayu. Mbwenye pina ndawa na Mulungu pontho na ntsisi zace. 17#Lang'anambo: Ex. 9:16.Thangwi Bukhu ya Mulungu yalonga kuna Farau kuti: “Ine ndakulamusa na thangwi eneyi, toera mwa iwe ndipangize mphambvu zanga, pontho toera dzina yanga imwazwe pantsi pano ponsene.” 18Na tenepo, Mulungu asabvera ntsisi kuna ule anafuna Iye, pontho asaumisa ntima ule anafuna Iye.
19Mbwenye m'bodzi wanu anandibvundza tenepa: “Thangwi yanji mphapo Mulungu asatipasa thangwi? Mbani anapokanya pinafuna Iye?” 20#Lang'anambo: Iz. 29:16; 45:9.Mbwenye ndiwe ani iwe munthu, kuti uketesane na Mulungu? “Kodi combo cinakwanisa longa kuna ule adacicita kuti: ‘Wandicitiranji tenepa?’ ” 21Kodi nyakuumba pyombo nkhabe kwanisa kukwata dongo ibodzi-bodzi mbaumba nayo combo cibodzi ca pinthu pyakupasa mbiri, cinango ca pinthu pyakupwazika?
22Mphapo ngakhala Mulungu na kufuna kupangisa kuipirwa kwace, pontho na kufuna kudziwisa mphambvu zace, apirira na kulekerera kukulu kakamwe pyombo pikhadatongera Iye kuonesa nyatwa kuti apifudze, 23tinalonganji mphapo ngakhala Iye acita penepi toera apangizembo upfumi wa mbiri yace, kuna pyombo pya ntsisi zace pidasasanyira Iye kale toera kupaswa mbiri, 24peno tilonge, kuna ife adacemerwambo na Iye, si kuna ale madjuda basi tayu, mbwenye na ale ene adakhonda kukhala madjuda? 25#Lang'anambo: Oz. 2:23.Ninga munalonga Iye mu bukhu ya Ozeya kuti:
“Ndinadza kacemera ‘mbumba yanga’
ale adakhonda kukhala mbumba yanga.
Pontho ndinadza kacemera ‘nyakufunika wanga’
ule adakhonda kufuniwa na Ine.”
26 # Lang'anambo: Oz. 1:10. Pontho,
“pa mbuto ibodzi-bodzi
idapangwa iwo kuti:
‘imwe simwe mbumba yanga,’
penepo iwo anadza kacemerwa
‘ana a Mulungu wa m'maso.’ ”
27Pa thangwi ya Izarayeli, Izaya akhuwa mbalonga kuti:
“Na kuinjipa kudacita
mbumba ya Izarayeli
ninga checa ya m'bara,
mbwenye anafuna pulumuswa
ndi pang'ono basi.
28 # Lang'anambo: Iz. 10:22-23. Thangwi Mbuya anati acite
na mwansanga pantsi pano,
pyonsene pidalonga Iye.”
29 # Lang'anambo: Gn. 18:20; Iz. 1:9. Ninga iye Izaya akhadapilonga kale kuti:
“Mbuya wa Anyankhondo
mbadakhonda kutisiyira dzindza,
mbatidakhala ninga nzinda wa Sodhoma,
pontho sawa-sawa ninga nzinda wa Gomora.”
Kukhonda Kutawira Kwa Izarayeli
30Tinalonganji mphapo? Tinalonga kuti ale adakhonda kukhala madjuda, mbakhakhonda kusaka kulungama,#9:30 Peno: Mulungu. adza kagumanako kulungama. Mbwenye ndi kulungama kudabulukira pa cikhulupiro. 31Mbwenye Izarayeli akhasaka kulungama kubulukira pa mwambo, hadadza kapikwanisa tayu. 32Thangwi yanji? Thangwi akhapisaka na mabasa#9:32 Matsamba anango akutoma akale a Mafala a Mulungu asalonga, mabasa a mwambo. awo. Hakhapisaka na kukhulupira tayu. Agwegweduka na “mwala wa kugwegwedusa.” 33#Lang'anambo: Iz. 8:14; 28:16.Ninga mudalembwa ipyo kuti:
“Lang'anani! Ndiri kuikha mu Siyau
mwala ubodzi wakugwegwedusa,
mwala ukulu unagwisisa.
Pontho ule anaukhulupira,
nkhabebve kudza kasandikika.”
Currently Selected:
Aroma 9: CCHNT13
Highlight
Copy
Compare
Share
Want to have your highlights saved across all your devices? Sign up or sign in
Cibverano Cipsa Cisena © Bible Society of Mozambique, 2013.
