Aroma 10
10
1Abale anga, pinafuna ine muntima mwanga, na maphembero anacita ine kuna Mulungu, mba kuti ana a Izarayeli apulumuswe. 2Ndinaacitira umboni kuti iwo asakakamira kakamwe pya Mulungu, mbwenye iwo asapicita mbakhonda kudziwa. 3Thangwi na kukhonda dziwa kulungama kunabuluka kuna Mulungu, pontho na kusaka kucita kulungama kwawo, akhonda kubvera kulungama kwa Mulungu. 4Thangwi kumalisira kwa mwambo ndi Kirixtu, toera onsene adatawira akhale akulungama.
5 # Lang'anambo: Lv. 18:5. Lang'anani, Mozesi alemba kuti: “Munthu anacita kulungama kunabulukira pa mwambo, anakhala m'maso.” 6#Lang'anambo: Dt. 30:12.Mbwenye kulungama kunabuluka pa kukhulupira kusalonga tenepa: “Leka kulonga muntima mwako kuti: ‘Mbani anafuna kwira kudzulu?’ Penepi nkhubveka kuti: Toera atichitisire Kirixtu, 7#Lang'anambo: Dt. 30:13.peno ‘Mbani anafuna chitira n'djenje ya cidima?’ Penepi nkhubveka kuti: Toera atilamusire Kirixtu pa anyakufa.” 8#Lang'anambo: Dt. 30:14.Mbwenye fala ya Mulungu isalonganji? “Fala iri dhuzi na iwe. Iri pa mulomo pako na muntima mwako.” Iyi ndiyo fala ya cikhulupiro inamwaza ife. 9Iwe ungalonga na mulomo wako kuti Yezu ndi Mbuya, pontho mbutawira na ntima wako kuti Mulungu amulamusa pa kufa, unapulumuswa. 10Thangwi kulungama kusadza na kutawira kwa muntima, kupulumuka kusadza na kulonga na mulomo wathu. 11#Lang'anambo: Iz. 28:16.Ninga pinalonga Bukhu ya Mulungu kuti: “Onsene anan'khulupira nkhabebve kudza kasandikika.” 12Madjuda na ale adakhonda kukhala madjuda hadasyana tayu. Thangwi Mbuya wa anthu onsene ndi m'bodzi ene pontho ndi m'pfumi kuna onsene anancemera. 13#Lang'anambo: Jl. 2:32.Thangwi “onsene ale anacemera dzina ya Mbuya, anapulumuswa.”
14Mphapo anancemera tani munthu anakhonda iwo kukhulupira? Pontho anan'khulupira tani munthu anakhonda iwo kum'bva mbalongwa? Pontho anam'bva tani angasoweka munthu wakumwaza Mphangwa? 15#Lang'anambo: Iz. 52:7.Pontho anthu anamwaza tani Mphangwa angakhonda kutumwa? Ninga pidalembwa m'Bukhu ya Mulungu kuti: “Ndi pinthu pyadidi kakamwe kuona anthu anaenda mbamwaza Mphangwa Zadidi!”#10:15 Peno: myendo inaenda mbimwaza pinthu pyadidi.
16 # Lang'anambo: Iz. 53:1. Mbwenye si onsene tayu adatawira Mphangwa Zadidi. Thangwi Izaya alonga kuti: “Mbuya, mbani adatawira Mphangwa zathu?”
17Na thangwi eneyo, kukhulupira kusabwera na kubva, kubva mafala a Kirixtu.#9:17 Matsamba anango a kale a Bukhu ya Mulungu asalonga, Mulungu. 18#Lang'anambo: Mas. 19:1-4.Mbwenye ine ndisabvundza kuti: Iwo hadabva tayu? Ande abva! Thangwi pyalembwa kuti:
“Kukhuwa kwawo kwabveka
pantsi pano ponsene,
pontho mafala awo
afika mpaka kudadhoroma dziko.”
19 # Lang'anambo: Dt. 32:21. Ndiri kubvundza pontho kuti: Nkhulongera kuti Izarayeli hadapibvesesa tayu? Pakutoma Mozesi alonga kuti:
“Ine ndinati ndicite kuti imwe mukhale na bibvu
na mbumba yakupwazika.
Pontho ndinakucitani kuti imwe muipirwe
na mbumba
yakusowa ndzeru.”
20 # Lang'anambo: Iz. 65:1. Izaya akhala na cipapu mbalonga tenepa:
“Ine ndagumaniwa na ale akhakhonda kundisaka.
Pontho ndabulukira kuna ale akhakhonda kundibvundzisa.”
21 # Lang'anambo: Iz. 65:2. Mbwenye pa thangwi ya Izarayeli, Iye alonga tenepa:
“Ntsiku zonsene
ndafuthula manja kuna mbumba
yakukhonda kubvera na ya upoka.”
Currently Selected:
Aroma 10: CCHNT13
Highlight
Copy
Compare
Share
Want to have your highlights saved across all your devices? Sign up or sign in
Cibverano Cipsa Cisena © Bible Society of Mozambique, 2013.
