TSINGANU 5
5
Lichelihitswa khu Vuheeyi
1Yivi Mwana wanje, uhulile makhuva kaanje ku vusitsa,
uhulishitsi vulahi muno mechitso kaanje.
2Nalwo lwa uliitsa khutsililila khuva nu mwiima mulahi,
khandi lilomoloma liolio liliitsa khuva liu vucheli.
3Lilomoloma liu mukhali mukoyanu ni linuulu khuli vushi vwi tsinzushi,
khandi makhuva keke karelela khuvira makura ku musayituni,
4navutswa ni lilulu khuli shivavi ni kamali khwikholekha,
shindu shivulakhuho shia khuleshelanga nikakhali vululu nende isalila.
5Aliitsa khukhuhila mu shihatisi;
shichila achendelanga khu muhaanda kwi likhutsa.
6Khali wakorwa khuchendela khu muhaanda kuhaananga vulamu;
navutswa ahuya huyanga iyi neyo, wakorwa khumanya shikholekhanga.
7Munyi vaana vaanje, mumbulishitsi nunundi,
muvuli khwivilila makhuva kaanje kambolanga.
8Muve ihale wene khu mukhali khuli mwenoyo!
Khali muvuli khwisuundakhu himbi ha muliango kwi inzu yeye!
9Numukholi kenako, vandu vandi valiitsa khuheelwa luyali lwa mwali mwaheelwa,
khandi muliitsa khwiirwa numushili vavukha na vandu vavulakhu tsimbavasi.
10Ni kilikali, vandu vacheni valiitsa khuvukula miandu chiochio chiosi,
khandi mundu wundi neye uliitsa khunyola mirungu chia wakhola muhinzilu nuchemulila.
11Uliitsa khukona nulililanga khu shitali shia wakhutsilakhu,
mmbili kwokwo nende miishi nichimali khutivitswa.
12Nalwo lwa ulivoola, “Shichila shina nimbula khwenya khweka?
Shichila shina nimbula khwenya khuchelihitswa nu mundu wundi?
13Nambakhana khuhulishitsa veechitsi vaanje;
inoho khuhulila mivaalo kavo.
14Nonoho lwa nanyolekha mwene mu tsisoni tsia havulavu.”
15Ung'wi mu isieveye yoyo,
matsi karulanga mu shisima shioshio mwene.
16Unyala khwenya isieveye yoyo khung'welwamu na vandu voosi,
michela chia matsi mu tsinjila tsi litaala?
17Nzikombanga ndi vaana vovo valihindila vakhukhonye,
shikali vandu vacheni navo valiitsa khukhukhonya tawe.
18Khulwa yako, uyaanze shirula shioshio shia matsi,
nu khwikhoyela mukhali mu vuvukha vwovwo.
19Nu mulahi muno khandi nu munuulu, khuli shisusu.
Nzikombanga ndi akhwikuritse nu vuyaanzi;
ukorele mu vuyaanzi vwevwe.
20Yivi mwana wanje, shichila shina ukwitsanga mu mureeko ku mukhali muheeyi?
Shichila shina ukhumbelelanga mukhali wu musatsa wundi?
21Mwami Nyasaye alolanga shia shindu shiosi.
Aheenzanga shia shia havundu hosi ha utsitsanga:
22Vwoni vu mundu mutamanu akholanga vuli khuli mureeko.
Anyolekhanga nakumilwi mu mureeko khurulana khu vwoni vwevwe mwene.
23Akhutsanga shichila avula vunyali vu khwilinda mwene vulahi.
Aliitsa khutivitswa khuvirila khu vuyiingwa vwevwe vwatoto.
Currently Selected:
TSINGANU 5: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013