ISAYA 4
4
1Vandu vakhali saba valiitsa khukumila musatsa mulala khulitukhu lienelo, nivavoola, “Khuliitsa khulia vene shiukhulia shieru, makhwifwale tsinguvu tsieru; navutswa nuyaanza lekha khuvoole nivi musatsa weru wakhuhila, nikanyalikha khuvuli khunyola tsisoni tsiu khuvukulwa lukhali luvulakhuho lwa khwatsiakhu.”
2Mumatukhu kenako, lusia lwa Mwami Nyasaye luliitsa khuva ni likoondo lilahi nende vukhumi; khandi Vaisraeli varikala valiitsa khwikhoyela viraakwa vimeelanga mu milimi chiavo. 3Woyo wosi uliitsa khurikala mu Sayoni, nakhwo khuvoola mu Yerusalemi aliitsa khulaangwa mutakatifu; shia mundu wosi uliitsa khuva nashili mwoyo mu Yerusalemi. 4Mwami Nyasaye aliitsa khurulitsaho shifwavi shia vakhali vamenyanga mu Sayoni. Aliitsa khweya masahi kasuundulwa mu Yerusalemi khuvirila khu tsingulu tsia Roho wewe ukhalachilanga vandu nende Roho wewe wakhanga mulilu. 5Mwami Nyasaye aliitsa khuruma malesi mbasu nende lumemo lu mulilu kwakhanga mu vutukhu khu Shikulu shia Sayoni; khandi khu yavo voosi valiitsa khuva nivivunjelitsiliyo. Vukhumi vwa Nyasaye vuliitsa khuvimba nu khulinda litaala likali liosi. 6Vukhumi vwevwe vuliitsa khuva khuli shiniikha; khandi khuli shindu shiu khwishinga khu mbasu, khandi khuli shivisilu shieru khandi havundu ha khunyala khwivisa khurula khu imbuutsa inditoho nende imbula.
Currently Selected:
ISAYA 4: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013