AROMA 10

1ARIŨ a Ithe witũ, andũ acio-rĩ, ũndũ ũrĩa nyendete mũno na ngoro yakwa, na nĩguo ’hoyaga Ngai mũno nĩ ũndũ wao, no atĩ mahonoke. 2Amu niĩ nĩ niĩ mũira wao wa atĩ me na kĩyo ũhoro-inĩ wa Ngai, no rĩrĩ, kĩyo kĩu me nakĩo gĩkaaga ũmenyi. 3Amu-rĩ, tondũ wa ũrĩa maagĩte kũmenya ũhoro wa ũthingu ũrĩa wa Ngai, na makageragia kwĩhandĩra ũthingu wao ene, matiigana gwathĩkĩra ũhoro wa ũthingu ũcio wa Ngai. 4Nĩ gũkorũo Kristo nĩwe kĩrigĩrĩria kĩa ũhoro wa watho harĩ mũndũ o wothe wĩtĩkĩtie agatũmaga atuwo mũthingu. 5#Alaw 18.5.Amu Musa aandĩkire atĩ mũndũ wa gwĩkaga maũndũ ma ũthingu ũrĩa uumanaga na watho arĩtũũragio muoyo nĩ ũthingu ũcio. 6#Gũcok 30.12-14.No rĩrĩ, ũthingu ũrĩa ũgĩagwo naguo nĩ ũndũ wa gwĩtĩkia-rĩ, ũhoro waguo uugaga ũũ: Tiga kwĩũria na ngoro atĩ, Nũ ũkũhaica akinye Igũrũ? (ũguo nĩ ta kuuga Kristo agĩĩrũo aikũrũkio gũkũ thĩ:) 7o na ũtige kwĩũria atĩ, Nũ ũkũharũrũka irima rĩrĩa rĩtarĩ gĩturi? (ũguo nĩ ta kuuga Kristo aambatio acoke oime kũrĩ arĩa akuũ.) 8No rĩrĩ, ũhoro ũcio uugaga atĩa? Uugaga atĩrĩ, atĩ uuge ũrĩa mũreheirũo-rĩ, ũrĩ o hakuhĩ nawe, o kanua-inĩ gaku na ngoro-inĩ yaku. Naguo uuge ũcio nĩ ũrĩa wa wĩtĩkio, o ũrĩa ithuĩ tũhunjagia. 9Tondũ-rĩ, ũngiumbũra na kanua gaku atĩ Jesu nĩwe Mwathani, o na gwĩtĩkia wĩtĩkie na ngoro yaku atĩ Ngai nĩaamũriũkirie oime kũrĩ arĩa akuũ, no ũhonoke: 10nĩ gũkorũo nĩ ngoro mũndũ etĩkagia nayo agagĩtuwo mũthingu, na nĩ kanua oimbũraga nako agakĩhonoka. 11#Isa 28.16.Tondũ Maandĩko mekuuga atĩrĩ, Mũndũ o wothe ũmwĩhokete-rĩ, ndarĩ hĩndĩ agaconorithio. 12Amu ũhoro wa gũthurania Mũyahudi na Mũyunani gũtirĩ: nĩ gũkorũo Mwathani o ro ũcio nowe Mwathani wa andũ othe, na aikaraga o agĩtanahagĩra othe arĩa mamũkayagĩra. 13#Joel 2.32.Nĩ ũndũ nĩ haandĩke atĩrĩ, Mũndũ o wothe ũgakaĩra rĩĩtwa rĩa Mwathani nĩakahonoka. 14No rĩrĩ, mangĩkĩmũkaĩra atĩa matamwĩhokete? Na kũmwĩhoka mangĩkĩmwĩhoka atĩa matarĩ maaigua ũhoro wake? Na kũigua-rĩ, mangĩkĩigua atĩa gũtarĩ na mũhunjia? 15#Isa 52.7.Ningĩ andũ maahota atĩa kũhunjia ũhoro matarĩ atũme?--o ta ũrĩa haandĩkĩtwo atĩrĩ, Magũrũ ma andũ arĩa mahunjagia ũhoro wĩ gĩkeno ũrĩa wa maũndũ mega, kaĩ nĩmaagĩrĩire-ĩ!

16 # Isa 53.1. No rĩrĩ, andũ matiathikĩrĩirie ũhoro ũcio mwega othe. Nĩ ũndũ Isaia oririe atĩrĩ, Mwathani, nũ wĩtĩkĩtie ũhoro ũrĩa aaiguire na ithuĩ? 17Gũgakĩoneka atĩ gwĩtĩkia kuumanaga na ũhoro ũrĩa ũiguĩtwo, nakuo kũigua gũũkaga nĩ ũndũ wa uuge wa Kristo. 18#Thab 19.4.No rĩrĩ, nguuga atĩrĩ, Githĩ kũigua matianaigua? Hĩ, nĩmaiguĩte! Nĩ haandĩke atĩrĩ:

Mũgambo wao nĩwahunjire thĩ yothe,

ciugo ciao igĩgĩkinya o ituri cia kũrĩa guothe andũ matũũraga.

19 # Gũcok 32.21. Na ningĩ ngũũria atĩrĩ, A Isiraeli-rĩ, githĩ matiamenyete ũguo? Atĩrĩ, o mbere nĩ Musa woigire ũũ,

Nĩngamũiguithia ũiru nĩ ũndũ wa rũrĩrĩ hatarĩ,

Rũrĩrĩ rũagĩte ũũgĩ-rĩ, nĩruo ngatũma mũrakarage nĩruo.

20 # Isa 65.1. Nake Isaia nĩomĩrĩirie mũno, akiuga ũũ:

Ndonirũo nĩ arĩa mataanjaragia,

Ngĩkĩonekera arĩa mataanjũragĩrĩria.

21 # Isa 65.2. No rĩrĩ, ha ũhoro wa andũ a Isiraeli-rĩ, akiuga atĩrĩ, Ndatindire mũthenya wothe ndambũrũkĩtie moko makwa kũrĩ kĩrĩndĩ kĩremi o kĩrĩa kĩa ngarari.

Currently Selected:

AROMA 10: OGKBIBLE

Highlight

Copy