KŨGUŨRĨRIO 9
9
1NAKE mũraika wa gatano akĩgambia coro, ngĩkĩona njata yumĩte igũrũ ĩkagũa thĩ; nake, njata ĩo, akĩnengerũo kĩhingũro kĩa irima rĩrĩa rĩtarĩ gĩturi. 2#Kĩam 19.28.Nake akĩhingũra irima rĩu rĩtarĩ gĩturi, gũgĩkĩambata ndogo ĩkiumaga thĩinĩ wa irima rĩu, ta ndogo ya icua inene; narĩo riũa o na rĩera-inĩ gũgĩĩkĩrũo nduma nĩ ndogo ĩo ya irima-inĩ. 3#Thama 10.12-15.Na thĩinĩ wa ndogo ĩo gũkiuma ngigĩ, ikĩgũaga thĩ; nacio ikĩheo hinya, o ta ũrĩa tũnyamũ twa gũkũ thĩ tũrĩa twĩtagwo tũng’aurũ twĩ na hinya. 4#Ezek 9.4.Nacio ikĩĩrũo itikehie nyeki ya thĩ, kana o kĩndũ o gĩothe kĩruru, kana mũtĩ o na ũrĩkũ, tiga o andũ arĩa matarĩ na rũũri rũa Ngai mathiithi mao. 5Ikĩheo watho atĩ acio itikamorage, no atĩ manyariragwo mĩeri ĩtano; naruo ruo rũacio rũatariĩ ta ruo rũa kang’aurũ karathĩte mũndũ. 6#Ayub 3.21; Jer 8.3.Na matukũ macio andũ magacaragia gĩkuũ, na matikĩone o na atĩa; makeriragĩria makue, nakĩo gĩkuũ kĩmoragĩre. 7#Joel 2.4.Na ũrĩa ngigĩ icio ciahianaga, mũhianĩre wacio, no ta mbarathi ithagathagĩirũo ita; na mĩtwe yacio ikagĩa na ta thũmbĩ itariĩ ta thahabu, na mothiũ ma cio makahaana ta mothiũ ma andũ. 8#Joel 1.6.Ningĩ ciarĩ na ngore ta njuĩrĩ cia andũ-a-nja, namo magego ma cio maahanaga ta ma mũrũthi. 9#Joel 2.5.O na ciarĩ na mĩrĩnga ya kũgitĩra ngoro, ta matandara ma igera; naguo mũrurumo wa mathagu ma cio no ta mũrurumo wa ngari cia ita, o ta mbarathi nyingĩ cienyerete irorete mbaara-inĩ. 10Na ii na ithita ta tũng’aurũ, o na mbora; na thĩinĩ wa ithita ciacio nĩho hinya wacio ũrĩ ituuragie andũ mĩeri ĩtano. 11Ĩĩ na mũthamaki ũciathaga, na nĩwe mũraika wa kũrĩa kũriku gũtarĩ gĩturi; rĩĩtwa rĩake na Kĩhibirania nĩ Abadoni,#9.11 Abadoni: gũtaũrũo nĩ kuuga mũninani. ningĩ na Kĩyunani etagwo Apolioni.
12Haaro ya mbere nĩyathira; gũtigaire haaro igĩrĩ igũũka thutha ũcio.
13 #
Thama 30.1-3. Mũraika wa gatandatũ nake akĩgambia coro, ngĩkĩigua mũgambo o ũmwe woima mĩthece-inĩ ya kĩgongona gĩa thahabu kĩrĩa kĩĩ mbere ya Ngai, 14ũkĩĩra mũraika ũcio wa gatandatũ, ũcio warĩ na coro, atĩrĩ, Ohora araika arĩa ana moheirũo rũũĩ-inĩ rũrĩa rũnene rũĩtagwo Farati. 15Nao araika acio ana makĩohorũo, arĩa maathagathagĩirũo thaa ĩo o na mũthenya ũcio na mweri ũcio o na mwaka o ũcio, atĩ morage andũ gĩcunjĩ gĩa ithatũ. 16Nacio ita cia arũi arĩa maahaicĩte mbarathi-rĩ, mũigana wacio nĩ ngiri ikũmi maita ngiri ikũmi, kerĩ; nĩndaiguire mũigana wacio. 17Na nĩ ũguo ndonire mbarathi itariĩ, o na arĩa maacihaicĩte, hĩndĩ ĩo ndonaga maũndũ macio: ndonire me na matandara ma kĩgera ngoro, rangi wamo ũtariĩ ta wa mwaki na wa bururu na wa ũbiriti, nayo mĩtwe ya mbarathi ĩkahaana ta mĩtwe ya mĩrũthi, na tũnua twacio ikoimaga mwaki na ndogo o na ũbiriti. 18Gĩcunjĩ gĩa ithatũ kĩa andũ gĩkĩũragwo nĩ matũhũhũ macio matatũ, mwaki na ndogo na ũbiriti, icio cioimaga tũnua twacio. 19Amu hinya wa mbarathi icio wĩ tũnua twacio o na thĩinĩ wa icuthĩ ciacio, nĩ gũkorũo icuthĩ ciacio ihaana ta nyamũ-cia-thĩ, na ii na mĩtwe; na nĩcio ituuragia andũ nacio.
20 #
Thab 115.4-7; 135.15-17; Dan 5.23. Nao andũ arĩa maatigarire, arĩa mataigana kũũragwo nĩ matũhũhũ macio, matiigana kwĩrira nĩ ũndũ wa mawĩra ma moko mao, matigage kũhoya ndaimono, na mĩhianano ĩrĩa ya thahabu, na ya betha, na ya rũthuku, na ya mahiga, na ya mĩtĩ, ĩrĩa ĩtangĩhota kuona, kana ĩigue, kana ĩĩtware; 21o na ningĩ matiigana kwĩrira nĩ ũndũ wa ũũragani wao, kana ũrogi wao, kana ũmaraya wao, o na kana ũici wao.
Currently Selected:
KŨGUŨRĨRIO 9: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
