KŨGUŨRĨRIO 10
10
1NGĨCOKA ngĩona mũraika ũngĩ wĩ hinya agĩikũrũka akiuma Igũrũ, ehumbĩte itu; na mũtwe-inĩ wake nĩ mũkũnga-mbura haarĩ, naguo ũthiũ wake watariĩ ta riũa, na magũrũ make ta itugĩ cia mwaki; 2guoko aarĩ na kabuku kanini kahingũre. Nake kũgũrũ gwake kwa ũrĩo agĩkinya iria rĩrĩa inene nakuo, nakuo kũrĩa kwa ũmotho agĩkinya thĩ nakuo, 3akĩgũtũka na mũgambo mũnene, ta mũrũthi ũkĩruma; nake aagũtũka, ngwa iria mũgwanja ikĩaria na mĩgambo yacio. 4Na hĩndĩ ĩo ngwa icio mũgwanja ciaaria, ngiuga nyandĩke, ngĩigua mũgambo woima Igũrũ woiga, Mohoro macio maario nĩ ngwa icio mũgwanja, mathingĩrĩrie, ũtige kũmaandĩka. 5#Thama 20.11; Gũcok 32.40; Dan 12.7; Amos 3.7.Nake mũraika ũcio ndonire arũngiĩ akinyĩte iria na agakinya thĩ akĩoya guoko kwa ũrĩo akĩroria igũrũ, 6akĩĩhĩta na ũrĩa ũtũũraga muoyo tene o na tene, ũrĩa wombire Igũrũ o na indo iria ii kuo, na akĩũmba thĩ o na indo iria ii kuo, o na iria rĩrĩa inene narĩo na indo iria ii kuo, akiuga atĩ gũtigũcoka gũtigara hingo, 7ĩndĩ matukũ-inĩ marĩa ma mũgambo wa mũraika ũrĩa wa mũgwanja, rĩrĩa arĩtua kũgambia coro, nĩrĩo maũndũ ma Ngai marĩa ma hitho makahingio, kũringana na ũhoro ũrĩa mwega oimĩrĩirie ndungata ciake, arĩa anabii.
8 #
Ezek 2.8—3.3. Naguo mũgambo ũcio ndaiguire woima Igũrũ, ngĩcoka ngĩigua wanjarĩria rĩngĩ, ũkiuga atĩrĩ, Thiĩ ũkaiyũkie kabuku kau kahingũre ge guoko kwa mũraika ũcio ũrũngiĩ akinyĩte iria na agakinya thĩ. 9Ngĩgĩthiĩ na kũrĩ mũraika ũcio ngĩmwĩra a’nengere kabuku kau. Nake akĩnjĩra atĩrĩ, Ke, ũkarĩe ũnine; na nĩgegũkũrũria nda, no ge kanua gekũgĩa mũrĩo ta ũũkĩ. 10Na niĩ ngĩiyũkia kabuku kau guoko-inĩ kwa mũraika, ngĩrĩa ngĩnina; na ge kanua kaarĩ na mũrĩo ta ũũkĩ, na ndarĩkia gũkarĩa, ngĩrũra nda. 11Ngĩcoka ngĩĩrũo atĩrĩ, No nginya ũcoke ũrathe rĩngĩ, ũrathe maũndũ makoniĩ iruka nyingĩ na ndũrĩrĩ nyingĩ na mĩario mĩingĩ o na athamaki aingĩ.
Currently Selected:
KŨGUŨRĨRIO 10: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
