KŨGUŨRĨRIO 8
8
1NINGĨ aamethũra gatembe ka mũhũra karĩa ka mũgwanja, thutha ũcio kũu Igũrũ gũgĩkirũo ki ihinda ta rĩa nuthu ya thaa. 2Na ngĩona araika arĩa mũgwanja arĩa marũgamaga mbere ya Ngai; nao makĩnengerũo macoro mũgwanja.
3 #
Amos 9.1;
Thama 30.1,3. Ningĩ mũraika ũngĩ agĩũka akĩrũgama kĩgongona-inĩ e na gacuuri ga thahabu ga gũcinĩra ũbumba; nake akĩnengerũo ũbumba mũingĩ, nĩguo awonganĩrĩrie na mahoya ma arĩa aamũre othe igũrũ rĩa kĩgongona gĩa thahabu kĩrĩa kĩarĩ mbere ya gĩtĩ gĩa ũthamaki. 4Nayo ndogo ya ũbumba ũcio, hamwe na mahoya ma arĩa aamũre, ĩkĩambatĩra mbere ya Ngai ĩkiumaga guoko-inĩ kwa mũraika ũcio. 5#Alaw 16.12; Ezek 10.2; Thama 19.16; Kũg 11.19; 16.18.Nake mũraika agĩcoka akĩoya gacuuri kau, agĩkaiyũria mwaki wa kĩgongona-inĩ, akĩũita thĩ igũrũ; gũgĩkĩgĩa marurumĩ, na mĩgambo, na heni, o na gĩthingithia gĩa thĩ.
6Nao araika arĩa mũgwanja maarĩ ma macoro marĩa mũgwanja makĩĩhaarĩria mamagambie.
7 #
Thama 9.23-25; Ezek 38.22. Ũrĩa wa mbere akĩgambia, gũgĩkĩgĩa na mbura ya mbembe na mwaki, itukaine na thakame, ikĩrekio thĩ igũrũ; nayo thĩ gĩcunjĩ gĩa ithatũ ĩkĩhĩa, o na mĩtĩ nayo ĩkĩhĩa gĩcunjĩ gĩa ithatũ kĩayo, nayo nyeki ĩrĩa njigũ ĩkĩhĩa yothe.
8Mũraika wa kerĩ nake akĩgambia, na no ta kĩrĩma kĩnene gĩakanĩte mwaki gĩaikirio thĩinĩ wa iria rĩrĩa inene; narĩo iria gĩcunjĩ gĩa ithatũ rĩgĩtuĩka thakame; 9nacio nyamũ iria ciarĩ thĩinĩ wa iria, iria irĩ muoyo, igĩkua gĩcunjĩ gĩa ithatũ; o na marikabu gĩcunjĩ gĩacio gĩa ithatũ o nacio ikĩanangĩka.
10 #
Isa 14.12. Mũraika wa gatatũ nake akĩgambia, nakuo igũrũ gũgĩkiuma njata nene mũno, yaakanaga ta kĩmũrĩ, ĩkĩgũĩra njũĩ gĩcunjĩ gĩa ithatũ, o na ithima cia maĩ, 11#Jer 9.15.narĩo rĩĩtwa rĩa njata ĩo nĩ Kũrũra; namo maĩ gĩcunjĩ gĩa ithatũ magĩtuĩka ũrũrũ; andũ magĩgĩkua aingĩ nĩ ũndũ wa maĩ macio, tondũ wa ũrĩa maarũrĩte.
12 #
Isa 13.10; Ezek 32.7; Joel 2.10,31; 3.15. Mũraika wa kana nake akĩgambia coro, narĩo riũa rĩkĩringwo gĩcunjĩ gĩa ithatũ, o na mweri naguo gĩcunjĩ gĩa ithatũ, o na njata nacio gĩcunjĩ gĩa ithatũ, nĩguo igĩe nduma gĩcunjĩ gĩa ithatũ gĩacio, naguo mũthenya wage ũtheri gĩcunjĩ kĩaguo gĩa ithatũ, na ũtukũ naguo o ũndũ ũmwe.
13Ningĩ ngĩrora, ngĩigua nderi o ĩmwe ĩrerete rĩera-inĩ gatagatĩ ĩkiuga atĩrĩ, na mũgambo mũnene, Ĩya-ĩ, ĩya-ĩ, ĩya, arĩa matũire thĩ-ĩ, nĩ ũndũ wa mĩgambo ya macoro ĩrĩa ĩtigarĩte ya araika arĩa atatũ, arĩa megũcoka kũgambia!
Currently Selected:
KŨGUŨRĨRIO 8: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
