KŨGUŨRĨRIO 4
4
1THUTHA wa maũndũ macio ngĩcoka ngĩrora, na atĩrĩ, Igũrũ kwĩ mũrango ũhingũkĩte, naguo mũgambo ũrĩa ndaambire kũigua ũkĩnjarĩria, ta wa coro, mwene akiuga atĩrĩ, Ambata gũkũ igũrũ, na nĩngũkuonia maũndũ marĩa matarĩ hĩndĩ matagakinya thutha. 2#Ezek 1.26-28; 10.1.O ro kahinda o kau ngĩkorũo ndĩ thĩinĩ wa Roho, na nĩ atĩrĩ, kũu Igũrũ kwarĩ gĩtĩ kĩigĩtwo, gĩa ũthamaki, na haarĩ ũrĩa ũikarĩire gĩtĩ kĩu; 3nake ũcio waikaire ho, akĩrorũo, no ta ihiga mũthemba wa njathibi na wa wakiki: nakĩo gĩtĩ kĩu gĩa ũthamaki nĩgĩathiũrũrũkĩirio nĩ mũkũnga-mbura ũhuana ta kahiga karĩa getagwo thumarati ũkĩonwo. 4Ningĩ gũthiũrũrũka gĩtĩ kĩu gĩa ũthamaki kwarĩ itĩ cia ũnene mĩrongo ĩĩrĩ na inya, na ngĩona itĩ icio ciikarĩirũo nĩ athuri mĩrongo ĩĩrĩ na ana, mehumbĩte nguo njerũ, na me na thũmbĩ cia thahabu mĩtwe yao. 5#Thama 19.16; Kũg 8.5; 11.19; 16.18; Ezek 1.13; Kũg 1.4; Zek 4.2.Na gĩtĩ-inĩ kĩrĩa gĩa ũthamaki hakoimaga heni na mĩgambo na marurumĩ. Ningĩ mbere-inĩ ya gĩtĩ kĩu haarĩ na imũrĩ mũgwanja cia mwaki ciakanĩte, nĩcio Maroho marĩa mũgwanja ma Ngai; 6#Ezek 1.22.#Ezek 1.5-10; 10.14.o na ningĩ kũu mbere-inĩ ya gĩtĩ kĩu hakagĩa ta iria inene rĩoni mũno, rĩhaana ta gĩcicio. Naho gĩtĩ-inĩ kĩu gĩa ũthamaki gatagatĩ, na mĩena-inĩ yakĩo, kwarĩ na ciũmbe inya ii muoyo ciiyũire maitho mbere na thutha. 7Nakĩo kĩũmbe kĩa mbere gĩatariĩ ta mũrũthi, na kĩũmbe gĩa kerĩ gĩatariĩ ta njaũ, nakĩo kĩũmbe gĩa gatatũ kĩarĩ na ũthiũ ta wa mũndũ, nakĩo kĩũmbe kĩrĩa gĩa kana gĩatariĩ ta nderi ĩkĩrera. 8#Ezek 1.18; 10.12; Isa 6.2,3.Nacio ciũmbe icio inya ii muoyo ningĩ ii na mathagu, o kĩũmbe matandatũ, na nĩciiyũire maitho mĩena yothe, o na thĩinĩ; na mũthenya o na ũtukũ itihurũkaga kuuga atĩrĩ, Gũthera-rĩ, gũthera-rĩ, gũthera nĩ Mwathani Ngai, Mwene-Hinya-Wothe, ũrĩa warĩ ho, na nowe ũrĩ ho, na nowe ũgũũka. 9Nacio ciũmbe icio ii muoyo, o rĩrĩa ikũmũgooca na ikamwĩkĩrĩra na ikamũcokeria ngatho, ũcio ũikarĩire gĩtĩ gĩa ũthamaki, o ũcio ũtũũraga muoyo tene o na tene-rĩ, 10hĩndĩ ĩo athuri arĩa mĩrongo ĩĩrĩ na ana makegũithia harĩ we, ũcio ũikarĩire gĩtĩ gĩa ũthamaki, magathathaiya ũcio ũtũũraga muoyo tene o na tene, na makarekia thũmbĩ ciao mbere ya gĩtĩ kĩu gĩa ũthamaki, makoiga atĩrĩ, 11Wee Mwathani witũ, Ngai witũ-rĩ, wee nowe wagĩrĩirũo nĩ kũgoocagwo na gwĩkĩrĩrũo, na ũgĩage na ũhoti; amu nĩwe wombire indo ciothe, na kwenda gwaku nĩkuo gwatũmire igĩe na ciũmbĩke.
Currently Selected:
KŨGUŨRĨRIO 4: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
