KŨGUŨRĨRIO 22
22
1 #
Ezek 47.1; Zek 14.8. AGĨCOKA akĩnyonia rũũĩ rũa maĩ ma muoyo, rũrahenia o ta gĩcicio, ruumĩte thĩinĩ wa gĩtĩ-gĩa-ũthamaki kĩrĩa kĩa Ngai na Gatũrũme, 2#Kĩam 2.9.na rũikũrũkĩire kĩng’aratua gĩa itũũra rĩu gatagatĩ. Na mũrĩmo ũyũ wa rũũĩ rũu, o na mũrĩmo ũrĩa, kwarĩ mũtĩ ũrĩa wa muoyo, ũgĩaga maciaro mĩthemba ikũmi na ĩĩrĩ, ũgĩciaraga maciaro maguo o mweri, o mweri; namo mathangũ ma mũtĩ ũcio maarĩ ma kũhonia ndũrĩrĩ. 3#Zek 14.11; Kĩam 3.17.Na gũtirĩ hingo gũgacoka kũgĩa na kĩndũ kĩrume; nakĩo gĩtĩ-gĩa-ũthamaki kĩa Ngai na Gatũrũme nĩkuo kĩrĩgĩaga, nacio ndungata ciake imũtungatagĩre; 4na cionage ũthiũ wake, na itũũre ii na rĩĩtwa rĩake mathiithi ma cio. 5#Isa 60.19; Dan 7.18.Na gũtirĩ hingo gũgacoka kũgĩa na ũtukũ; nacio itingĩbatario nĩ ũtheri wa tawa, kana ũtheri wa riũa, nĩ tondũ Mwathani Ngai nĩwe ũrĩcionagia ũtheri; nacio igatũũra ithamakaga nginya tene o na tene.
6Agĩcoka akĩnjĩra atĩrĩ, Mohoro macio nĩ ma kwĩhokwo na nĩ ma ma; nake Mwathani, ũrĩa Ngai wa maroho ma anabii, nĩaatũmire mũraika wake onie ndungata ciake maũndũ marĩa matarĩ hingo matagakinya narua. 7Na atĩrĩrĩ, Nĩngũũka o narua. Gũkena-rĩ, nĩ ũrĩa ũrĩrũmagia ciugo cia ũrathi ũyũ ũrĩ mbuku ĩno.
8Na niĩ Johana nĩ niĩ ndaiguire maũndũ macio na ngĩmona. Na ndarĩkia kũmaigua o na kũmona, nĩndegũithirie thĩ ’thathaiye mbere ya magũrũ-inĩ ma mũraika ũcio wanyonagia maũndũ macio. 9Nake akĩnjĩra atĩrĩ, Menya wĩke ũguo; niĩ na niĩ ndĩ o ndungata hamwe nawe o na hamwe na ariũ a Thoguo arĩa anabii, o na arĩa marĩrũmagia ciugo ici cia mbuku ĩno; thathaiya Ngai arĩ we.
10Agĩcoka akĩnjĩra atĩrĩ, Ndũgathingĩrĩrie ciugo cia ũrathi ũcio ũrĩ mbuku ĩo, amu ihinda nĩrĩkuhĩhĩirie. 11#Dan 12.10.Ũrĩa ũtarĩ mũthingu, nĩatũũre ekaga maũndũ marĩa matarĩ ma ũthingu; nake ũrĩa mwĩthũkia, nĩatũũre ethũkagia; ningĩ ũrĩa mũthingu, nĩatũũre ekaga maũndũ marĩa ma ũthingu; nake ũrĩa mũtheru, nĩatũũre o agĩtheragio. 12#Isa 40.10; 62.11; Thab 28.4; Isa 40.10; Jer 17.10.Atĩrĩ, ngũũka o narua; naguo ũtungati wakwa ndĩ o naguo, ngahe o mũndũ kũringana na ũrĩa wĩra wake ũtariĩ. 13#Kũg 1.8; Isa 44.6; 48.12; Kũg 1.17; 2.8.Nĩ niĩ Alifa o na Omega, ũrĩa wa mbere o na wa kũrigĩrĩria, ningĩ kĩambĩrĩria o na kĩrĩkĩro. 14#Kĩam 2.9; 3.22.Gũkena-rĩ, nĩ arĩa a gũkorũo mathambĩtie nguo ciao, nĩguo magĩe rũtha makinye mũtĩ-inĩ ũrĩa wa muoyo, na matonyere na mĩromo makinye itũũra rĩu thĩinĩ. 15Kũu kũngĩ, nja, nĩkuo magui marĩ, o na arogi, na ahũri-maraya, na oragani, na ahoi mĩhianano, o na mũndũ o wothe ũrĩa wenda ũndũ wa maheni na akawĩkaga.
16 #
Isa 11.1,10. Niĩ Jesu nĩndeketie mũraika wakwa amũhe inyuĩ ũira wa maũndũ macio nĩ ũndũ wa makanitha. Nĩ niĩ thuuna ĩrĩa ya Daudi, o we ũrĩa wa rũciaro rũake, nĩ niĩ njata theru, ĩrĩa ya rũcinĩ tene.
17 #
Isa 55.1. Nake Roho o nake mũhiki mekuuga, Ũka. Nake ũrĩa ũkũigua nĩoige, Ũka. Nake ũrĩa ũnyotiĩ, nĩoke; o ũrĩa ũkwenda, nĩaamũkĩre maĩ marĩa ma muoyo, atekũgũra.
18 #
Gũcok 4.2; 12.32. Mũndũ o wothe ũrĩa ũkũigua ciugo cia ũrathi ũyũ ũrĩ mbuku ĩno-rĩ, ndamwĩra na ma atĩrĩ, Mũndũ o na ũrĩkũ angĩgaciongerera, Ngai nĩakamuongerera matũhũhũ macio maandĩkĩtwo mbuku ĩno; 19na mũndũ o na ũrĩkũ angĩgathengia ũndũ thĩinĩ wa ciugo cia mbuku ĩno ya ũrathi ũyũ, Ngai nĩagathengia igai rĩake thĩinĩ wa mũtĩ wa muoyo, na thĩinĩ wa itũũra rĩrĩa itheru, o ro icio ciandĩkĩtwo ũhoro wacio mbuku ĩno.
20Mũheani ũira wa maũndũ macio ekuuga, Ĩĩ, nĩguo, ngũũka o narua. Amen: no gĩũke, Mwathani Jesu.
21Wega wa Mwathani Jesu ũrogĩa na andũ arĩa aamũre. Amen.
Currently Selected:
KŨGUŨRĨRIO 22: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
