Popular Bible Verses from KŨGUŨRĨRIO 22

Share

Nĩ niĩ Alifa o na Omega, ũrĩa wa mbere o na wa kũrigĩrĩria, ningĩ kĩambĩrĩria o na kĩrĩkĩro.

Atĩrĩ, ngũũka o narua; naguo ũtungati wakwa ndĩ o naguo, ngahe o mũndũ kũringana na ũrĩa wĩra wake ũtariĩ.

Nake Roho o nake mũhiki mekuuga, Ũka. Nake ũrĩa ũkũigua nĩoige, Ũka. Nake ũrĩa ũnyotiĩ, nĩoke; o ũrĩa ũkwenda, nĩaamũkĩre maĩ marĩa ma muoyo, atekũgũra.

Gũkena-rĩ, nĩ arĩa a gũkorũo mathambĩtie nguo ciao, nĩguo magĩe rũtha makinye mũtĩ-inĩ ũrĩa wa muoyo, na matonyere na mĩromo makinye itũũra rĩu thĩinĩ.

Na atĩrĩrĩ, Nĩngũũka o narua. Gũkena-rĩ, nĩ ũrĩa ũrĩrũmagia ciugo cia ũrathi ũyũ ũrĩ mbuku ĩno.

Na gũtirĩ hingo gũgacoka kũgĩa na ũtukũ; nacio itingĩbatario nĩ ũtheri wa tawa, kana ũtheri wa riũa, nĩ tondũ Mwathani Ngai nĩwe ũrĩcionagia ũtheri; nacio igatũũra ithamakaga nginya tene o na tene.

Mũheani ũira wa maũndũ macio ekuuga, Ĩĩ, nĩguo, ngũũka o narua. Amen: no gĩũke, Mwathani Jesu. Wega wa Mwathani Jesu ũrogĩa na andũ arĩa aamũre. Amen.

Mũndũ o wothe ũrĩa ũkũigua ciugo cia ũrathi ũyũ ũrĩ mbuku ĩno-rĩ, ndamwĩra na ma atĩrĩ, Mũndũ o na ũrĩkũ angĩgaciongerera, Ngai nĩakamuongerera matũhũhũ macio maandĩkĩtwo mbuku ĩno; na mũndũ o na ũrĩkũ angĩgathengia ũndũ thĩinĩ wa ciugo cia mbuku ĩno ya ũrathi ũyũ, Ngai nĩagathengia igai rĩake thĩinĩ wa mũtĩ wa muoyo, na thĩinĩ wa itũũra rĩrĩa itheru, o ro icio ciandĩkĩtwo ũhoro wacio mbuku ĩno.