KŨGUŨRĨRIO 21
21
1 #
Isa 65.17; 66.22; 2 Pet 3.13. NGĨCOKA ngĩona igũrũ rĩerũ o na thĩ njerũ; amu igũrũ rĩrĩa rĩa mbere o na thĩ ĩrĩa ya mbere nĩ gũthenga ciathengete igathira; iria rĩrĩa inene narĩo rĩgakĩaga. 2#Isa 52.1; Kũg 3.12; Isa 61.10.Na ngĩona itũũra rĩrĩa itheru, Jerusalemu ĩrĩa njerũ, rĩgĩikũrũka rĩkiuma Igũrũ kwĩ Ngai, rĩthagathagĩtwo ta mũhiki agemeirio mũthuriwe. 3#Ezek 37.27; Alaw 26.11,12.Na ngĩigua mũgambo mũnene woima gĩtĩ-inĩ kĩrĩa gĩa ũthamaki woiga, Atĩrĩrĩ, gĩikaro kĩa Ngai kĩĩ hamwe na andũ, nake nĩegũikarania nao, nao matuĩke andũ ake, nake Ngai we mwene agĩage o hamwe nao, [e Ngai wao]; 4#Isa 25.8; Isa 35.10; 65.19.nake nĩekũmagiria maithori mothe mathire maitho mao; nakĩo gĩkuũ gĩtirĩ hingo gĩgacoka kũgĩa, o na gũtirĩ hingo gũgacoka kũgĩa na kĩeha, kana kĩrĩro, kana ruo; maũndũ marĩa ma mbere nĩ mathengu magathira. 5Nake ũrĩa ũtũire aikarĩire gĩtĩ-gĩa-ũthamaki akiuga, Nĩ atĩrĩ, maũndũ mothe nĩ kũmerũhia ndĩramerũhia. Nake akiuga, Andĩka; amu ciugo icio nĩ cia kwĩhokwo na nĩ cia ma. 6#Isa 55.1.Agĩcoka akĩnjĩra atĩrĩrĩ, Maũndũ macio nĩmarĩkĩtie gwĩkĩka. Nĩ niĩ Alifa#21.6 Nĩ niĩ Alifa: rora kohoro kaandĩkĩtwo Kũg 1.8. o na Omega, kĩambĩrĩria o na kĩrĩkĩro. Ũrĩa ũnyotiĩ ngũmũhe maĩ ma gĩthima kĩa maĩ marĩa ma muoyo, ndĩmũhe tũhũ. 7#2 Sam 7.14; Thab 89.26,27.Ũrĩa ũtoranĩtie nĩwe ũkagaya maũndũ macio; na niĩ nĩngatuĩka Ngai wake, nake atuĩke mũrũ wakwa. 8No arĩa me guoya, na arĩa matetĩkĩtie, na imaramari, na oragani, na ahũri maraya, na arogi, na ahoi mĩhianano, o na arĩa a maheni othe-rĩ, igai rĩao no iria-inĩ thĩinĩ, rĩrĩa rĩakanaga mwaki na ũbiriti; na nĩkuo gũkua kũrĩa gwa kerĩ.
9Gũgĩcoka gũgĩũka mũraika ũmwe wa arĩa mũgwanja maarĩ na mbakũri iria mũgwanja, arĩa-ni maakuuĩte matũhũhũ marĩa mũgwanja ma kũrigĩrĩria; nake akĩnjarĩria, akiuga, Ũka na gũkũ, nguonie mũhiki, o we mũtumia wa Gatũrũme. 10#Ezek 40.2.Akĩnjoya ndĩ thĩinĩ wa Roho, akĩnginyia kĩrĩma-inĩ kĩnene, gĩtũũgĩru ma, akĩnyonia itũũra rĩrĩa itheru, Jerusalemu, rĩgĩikũrũka rĩkiuma Igũrũ kwĩ Ngai, 11rĩrĩ o na riri wa Ngai. Mũtherere warĩo wahuanaga ta wa kahiga ke goro mũno, o ta karĩa getagwo njathibi, gakengu o ta gĩcicio. 12#Ezek 48.30-35.Na rĩĩ na rũirigo rũnene rũa mahiga, rũraya na igũrũ, rũĩ na mĩromo ikũmi na ĩĩrĩ, na mĩromo ĩo ĩgaikario nĩ araika ikũmi na erĩ; ningĩ ĩkaandĩkwo marĩĩtwa, na nĩmo marĩĩtwa ma mĩhĩrĩga ĩrĩa ikũmi na ĩĩrĩ ya ciana cia Isiraeli; 13mwena wa irathĩro rĩa riũa kwarĩ mĩromo ĩtatũ; na mwena wa gathigathini, mĩromo ĩtatũ; na mwena wa gũthini, mĩromo ĩtatũ; na mwena wa ithũĩro rĩa riũa, mĩromo ĩtatũ. 14Naruo rũirigo rũu rũa itũũra rũarĩ na itina ikũmi na igĩrĩ, na igũrũ wacio ikagĩa na marĩĩtwa ikũmi na merĩ ma atũmwo arĩa ikũmi na erĩ a Gatũrũme.
15 #
Ezek 40.3. Nake ũcio wanjarĩirie aarĩ na mũrangi wa thahabu wa kũgera naguo, nĩguo agere itũũra rĩu, o na mĩromo yarĩo, o na rũirigo rũarĩo. 16Narĩo itũũra rĩu rĩĩigĩte rĩĩ na mĩena ĩna, kũraiha kwarĩo gũkaiganana na kwarama kwarĩo. Agĩkĩgera itũũra na mũrangi ũcio, rĩgĩkorũo nĩ rĩa mairo ngiri ĩmwe ya magana matano: kũraiha, na kwarama, na kwambata kwarĩo igũrũ, nĩkũiganaine. 17Agĩcoka akĩgera rũirigo rũarĩo, rũgĩkorũo nĩ rũa mĩkono igana rĩa mĩrongo ĩna na ĩna, mũgerere wa mũndũ, na noguo wa mũraika. 18#Isa 54.11,12.Naguo mwakĩre wa rũirigo rũu rũarĩo warĩ wa njathibi, narĩo itũũra rĩarĩ o rĩa thahabu ũrĩa mũtherie kũna, ũkahaana o ta gĩcicio kĩrĩa gĩtheru cua. 19Nacio itina cia rũirigo rũa itũũra rĩu nĩcianagĩtwo na tũhiga tũrĩa twĩ goro mĩthemba yothe. Gĩtina kĩrĩa kĩa mbere kĩarĩ kĩa njathibi; na gĩa kerĩ, kĩa yakuti ĩrĩa ya bururu; na gĩa gatatũ, kĩa yacimu; na gĩa kana, gĩa thumarati; 20na gĩa gatano, kĩa onigithi; na gĩa gatandatũ, kĩa wakiki ũrĩa mũtune; na kĩa mũgwanja, kĩa yakuti ĩrĩa ĩhuana thahabu; na gĩa kanana, gĩa thabaricandi; na gĩa kenda, kĩa yakuti ĩrĩa ĩhaana ngoikoni; na gĩa ikũmi, kĩa wakiki ũrĩa ũhaana ta nyeki nduru; na gĩa ikũmi na kĩmwe, kĩa wakiki ũrĩa wa bururu; na gĩa ikũmi na igĩrĩ, kĩa amethuthito. 21Nayo mĩromo ĩrĩa ikũmi na ĩĩrĩ nĩ ruru ikũmi na igĩrĩ; o mũromo ũgagĩtuĩka nĩ wa ruru ĩmwe; nakĩo kĩng’aratua kĩrĩa kĩarĩ itũũra rĩu kĩarĩ gĩa thahabu ũrĩa mũtherie kũna, o ta arĩ gĩcicio gĩkembũku ta maĩ.
22Na gũtirĩ hekarũ ndonire kuo, nĩ gũkorũo Mwathani Ngai Mwene-Hinya-Wothe, o nake Gatũrũme, nĩo hekarũ yakuo. 23#Isa 60.19,20.Narĩo itũũra rĩu rĩtibataragio nĩ riũa, kana mweri, irĩarĩre, nĩ gũkorũo riri wa Ngai nĩguo ũrĩmũrĩkagĩra, na tawa wakuo nĩ ũcio Gatũrũme. 24#Isa 60.3.Nacio ndũrĩrĩ igetwaraga na ũtheri wakuo, nao athamaki a thĩ marehage riri wao kuo. 25#Isa 60.11.Nayo mĩromo yakuo ndĩrĩ hingo ĩkahingwo mũthenya (amu kũu gũtikagĩa na ũtukũ); 26na nĩkuo magakĩrehe riri wa ndũrĩrĩ o na gĩtĩo gĩacio. 27#Isa 52.1; Ezek 44.9.Na gũtirĩ hingo gũgatonya ũndũ o na ũrĩkũ mũthũku, o na kana mũndũ wĩkaga ũndũ wa ũmaramari na wa maheni; tiga o arĩa aandĩke ibuku-inĩ rĩrĩa rĩa Gatũrũme rĩa muoyo oiki.
Currently Selected:
KŨGUŨRĨRIO 21: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
