KŨGUŨRĨRIO 20
20
1NINGĨ ngĩona mũraika agĩikũrũka akiuma Igũrũ, e na kĩhingũro kĩa irima rĩrĩa rĩtarĩ gĩturi, o na mũnyororo mũnene, agwete na guoko. 2#Kĩam 3.1.Nake akĩnyita ndamathia ĩrĩa, o yo nyamũ-ya-thĩ ĩrĩa ya tene, na noyo Mũcukani o na Shaitani, akĩmĩoha mĩaka ngiri ĩmwe, 3akĩmĩikia irima rĩu rĩtarĩ gĩturi, akĩrĩhinga, agĩcoka akĩrĩthingĩrĩria na akĩrĩcinĩrĩra rũũri igũrũ rĩayo, ndĩgacoke kũhĩtithia ndũrĩrĩ o nginya mĩaka ĩo ngiri ĩgathira; thutha ũcio no ĩcoke yohorũo ihinda inyinyi.
4 #
Dan 7.9,22. Ngĩcoka ngĩona itĩ cia ũnene, nao magĩciikarĩra, na makĩheo hinya wa gũtuĩra andũ matuĩro. Ngĩona ningĩ maroho ma arĩa maanatinio mĩtwe nĩ ũndũ wa ũira wa Jesu na nĩ ũndũ wa Ũhoro wa Ngai, na ma arĩa maaregaga kũinamĩrĩra nyamũ ĩrĩa, o na mũhianano ũrĩa wayo, na makĩrega gwĩkĩrũo ruoro mathiithi mao na moko mao; nao magĩcoka muoyo, magĩtũũra mathamakaga hamwe na Kristo mĩaka ngiri. 5Andũ arĩa angĩ akuũ matiigana gũcoka muoyo kinya mĩaka ĩo ngiri yathira. Kũu nĩkuo kũriũka kũrĩa kwa mbere. 6Gũkena, na gũthera-rĩ, nĩ ũrĩa ũgwatanĩire kũriũka kũu kwa mbere; acio-rĩ, gũkua kũrĩa gwa kerĩ gũtirĩ na hinya kũmeke ũndũ o na ũrĩkũ, no rĩrĩ, magatuĩka athĩnjĩri Ngai o na Kristo, na mathamakage hamwe nake mĩaka ngiri ĩmwe.
7Nayo mĩaka ĩo ngiri yathira, Shaitani nĩ kuohorũo akohorũo oime kĩoho-inĩ gĩake, 8#Ezek 7.2; Ezek 38.2,9,15.na oimĩre ahĩtithie ndũrĩrĩ iria irĩ ituri-inĩ iria inya cia thĩ, Gogu na Magogu, aciunganĩrie mbaara; naguo mũigana wa andũ a cio no ta mũthanga ũrĩa wa iria inĩ rĩrĩa inene. 9Na makĩambata makĩiyũra thĩ o ũrĩa yaramĩte, makĩrigicĩria kĩraaro kĩa andũ arĩa aamũre, o na itũũra rĩrĩa rĩende; na gũkĩgũa mwaki uumĩte Igũrũ, ũkĩmanina. 10Nake mũcukani, ũcio wamahĩtithagia, agĩikio thĩinĩ wa iria rĩrĩa rĩa mwaki na ũbiriti, o kũu kwĩ nyamũ ĩrĩa o nayo, o na mũrathi ũrĩa wa maheni; nao nĩ gũtũũra megũtũũra manyariragwo mũthenya o na ũtukũ tene o na tene.
11 #
Dan 7.9,10. Ngĩcoka ngĩona gĩtĩ gĩa ũthamaki kĩnene, kĩerũ, o nake ũrĩa wagĩikarĩire, nayo thĩ o na igũrũ ikĩũrĩra ũthiũ wake, gũkĩaga kũrĩa ingĩikara. 12Ningĩ ngĩona arĩa maanakua, o arĩa anene na arĩa anyinyi, marũngiĩ mbere ya gĩtĩ kĩu gĩa ũthamaki; na gũkĩhingũrũo mabuku. O narĩo ibuku rĩngĩ rĩkĩhingũrũo, nĩrĩo ibuku rĩa muoyo; nao arĩa akuũ magĩtuĩrũo matuĩro mao na maũndũ marĩa maandĩkĩtwo mabuku-inĩ macio, o kũringana na maũndũ mao marĩa maaneka. 13Narĩo iria rĩrĩa inene rĩkĩruta arĩa akuũ arĩa maarĩ thĩinĩ warĩo, nakĩo gĩkuũ o na kwa-ngoma ikĩruta akuũ arĩa maarĩ kũrĩ cio; nao magĩtuĩrũo o mũndũ, o mũndũ, o ta ũrĩa ũringaine na ciĩko ciake. 14Nakĩo gĩkuũ o na kwa ngoma igĩikio iria rĩrĩa rĩa mwaki thĩinĩ. Kũu nĩkuo gũkua kũrĩa gwa kerĩ, o rĩo iria rĩu rĩa mwaki. 15Na mũndũ aakorũo atarĩ mwandĩke ibuku-inĩ rĩa muoyo, nĩ gũikio aaikirio thĩinĩ wa iria rĩu rĩa mwaki.
Currently Selected:
KŨGUŨRĨRIO 20: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
