Popular Bible Verses from KŨGUŨRĨRIO 20

Share

Na mũndũ aakorũo atarĩ mwandĩke ibuku-inĩ rĩa muoyo, nĩ gũikio aaikirio thĩinĩ wa iria rĩu rĩa mwaki.

Ningĩ ngĩona arĩa maanakua, o arĩa anene na arĩa anyinyi, marũngiĩ mbere ya gĩtĩ kĩu gĩa ũthamaki; na gũkĩhingũrũo mabuku. O narĩo ibuku rĩngĩ rĩkĩhingũrũo, nĩrĩo ibuku rĩa muoyo; nao arĩa akuũ magĩtuĩrũo matuĩro mao na maũndũ marĩa maandĩkĩtwo mabuku-inĩ macio, o kũringana na maũndũ mao marĩa maaneka.

Narĩo iria rĩrĩa inene rĩkĩruta arĩa akuũ arĩa maarĩ thĩinĩ warĩo, nakĩo gĩkuũ o na kwa-ngoma ikĩruta akuũ arĩa maarĩ kũrĩ cio; nao magĩtuĩrũo o mũndũ, o mũndũ, o ta ũrĩa ũringaine na ciĩko ciake. Nakĩo gĩkuũ o na kwa ngoma igĩikio iria rĩrĩa rĩa mwaki thĩinĩ. Kũu nĩkuo gũkua kũrĩa gwa kerĩ, o rĩo iria rĩu rĩa mwaki.

Ngĩcoka ngĩona gĩtĩ gĩa ũthamaki kĩnene, kĩerũ, o nake ũrĩa wagĩikarĩire, nayo thĩ o na igũrũ ikĩũrĩra ũthiũ wake, gũkĩaga kũrĩa ingĩikara.

Nayo mĩaka ĩo ngiri yathira, Shaitani nĩ kuohorũo akohorũo oime kĩoho-inĩ gĩake, na oimĩre ahĩtithie ndũrĩrĩ iria irĩ ituri-inĩ iria inya cia thĩ, Gogu na Magogu, aciunganĩrie mbaara; naguo mũigana wa andũ a cio no ta mũthanga ũrĩa wa iria inĩ rĩrĩa inene.