KŨGUŨRĨRIO 17
17
1 #
Jer 51.13. NINGĨ araika acio mũgwanja, acio maarĩ na mbakũri icio mũgwanja, ũmwe agĩũka, akĩnjarĩria, akiuga, Ũka na gũkũ, ngakuonie gũtuĩrũo kwa mũmaraya ũrĩa mũnene ũikarĩte igũrũ rĩa maĩ maingĩ; 2#Isa 23.17; Jer 51.7.na nĩwe athamaki a thĩ marahũraga maraya nake, na andũ arĩa matũire gũkũ thĩ magakĩrĩagwo nĩ ndibei ya ũmaraya ũcio wake. 3#Kũg 13.1.Akĩnjoya ndĩ thĩinĩ wa Roho akĩndwara werũ-inĩ, ngĩkĩona mũndũ mũka ũikarĩire nyamũ ndune ta gakarakũ, ĩiyũire marĩĩtwa ma irumi mwĩrĩ wayo, cia kũruma Ngai, na ĩĩ na mĩtwe mũgwanja na hĩa ikũmi. 4#Jer 51.7.Nake mũndũ mũka ũcio nĩehumbĩte nguo cia rangi wa ndaathi na wa gakarakũ, na akegemia na thahabu na tũhiga twĩ goro na tũrĩa twĩtagwo ruru, na guoko akanyita gĩkombe gĩa thahabu kĩiyũire maũndũ ma ũmaramari, o marĩa mathũku ma ũmaraya wake, 5na thiithi akaandĩkwo rĩĩtwa rĩa hitho, ũũ: BABULONI ŨRĨA MŨNENE, NYINA WA MARAYA NA WA MAŨNDŨ MARĨA MA ŨMARAMARI MA MABŨRŨRI. 6Ngĩona mũndũ mũka ũcio e mũrĩu, akarĩwo nĩ thakame ya andũ arĩa aamũre, na thakame ya aira a Jesu.
Na ndamuona, ngĩgega o kũgega. 7Nake mũraika akĩnjĩra atĩrĩ, Wagegio nĩ kĩ? Nĩngũkwĩra hitho ĩo ya mũndũ mũka ũcio, na ya nyamũ ĩo ĩmũkuuĩte, ĩo ĩĩ na mĩtwe mũgwanja na hĩa ikũmi. 8#Dan 7.7; Kũg 11.7; Thab 69.28.Nyamũ ĩo wona-rĩ, yarĩ ho, na rĩu ndĩrĩ ho; na nĩĩkiriĩ kwambata yume irima rĩrĩa rĩtarĩ gĩturi, na ĩcoke ĩthiĩ rĩũrĩro-inĩ. Nao andũ arĩa matũire gũkũ thĩ, arĩa mataandĩkĩtwo marĩĩtwa mao ibuku-inĩ rĩa muoyo gwata rĩrĩa thĩ yaambĩrĩirie kũũmbwo, nĩ kũgega makagega mona nyamũ ĩo ũrĩa yarĩ ho, na rĩu ndĩrĩ ho, na no gũũka ĩrĩũka. 9Haha-rĩ, nĩ ha gwĩcirio na ũũgĩ. Atĩrĩrĩ, mĩtwe ĩo mũgwanja nĩ irĩma mũgwanja, iria mũndũ mũka ũcio aikarĩire; 10ningi nĩyo athamaki mũgwanja; atano nĩmarĩkĩtie kũgũa, ũmwe e ho, na ũrĩa ũngĩ ndarĩ aroka; oka, no mũhaka aikare o ihinda inyinyi. 11Nayo nyamũ ĩo yarĩ ho, na rĩu ndĩrĩ ho, yo nyene nĩ wa anana, o na no wa acio mũgwanja; nayo nĩ ya gũgathiĩ rĩũrĩro-inĩ.
12 #
Dan 7.24. Nacio hĩa icio wona ikũmi nĩ athamaki ikũmi matarĩ maraheo gwa gũthamakĩra; no nĩ a kũheo wathani o ta athamaki maikare naguo thaa ĩmwe, hamwe na nyamũ ĩo. 13Acio me karĩko kamwe, na makahe nyamũ ĩo ũhoti wao o na wathani wao. 14O nĩmakarutĩra Gatũrũme mbaara, nake Gatũrũme amatorie, nĩ gũkorũo nĩwe Mwathani wa aathani o na Mũthamaki wa athamaki; na arĩa me nake, arĩa metirũo, arĩa maathurirũo, o ro arĩa ehokeku, magatorania o nao. 15Agĩcoka akĩnjĩra atĩrĩ, Maĩ namo, macio wona, hau mũmaraya ũcio aikaire, nĩ iruka cia andũ, na irĩndĩ, na ndũrĩrĩ, na mĩario. 16Nacio hĩa icio wona ikũmi, o na nyamũ nyene, acio nĩ gũthũũra magathũũra mũmaraya ũcio, mamũtige akirĩte ihooru na e njaga, na marĩe nyama cia mwĩrĩ wake, na mamũcine na mwaki athire biũ! 17Amu Ngai nĩamataarĩte ngoro-inĩ ciao meke ũrĩa we atuĩte, na magĩe karĩko kamwe, na mahe nyamũ ĩo ũthamaki wao, kinya mauuge ma Ngai marĩkie gwĩkĩka. 18Nake mũndũ mũka ũcio wona, nĩwe itũũra rĩrĩa inene rĩtũire rĩthamakagĩra athamaki a thĩ.
Currently Selected:
KŨGUŨRĨRIO 17: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
