KŨGUŨRĨRIO 16
16
1NGĨCOKA ngĩigua mũgambo mũnene woima hekarũ-inĩ, ũkĩĩra araika acio mũgwanja atĩrĩ, Ũkĩrai mũthiĩ, mũkonorerie mbakũri icio mũgwanja cia marakara ma Ngai thĩ.
2 #
Thama 9.10. Nake ũrĩa wa mbere agĩthiĩ, akĩonoreria mbakũri yake thĩ; ĩgĩgĩtũma andũ magĩe na ironda thũku ii na thĩna mũno, arĩa maarĩ na ruoro rũa nyamũ ĩrĩa na maainamagĩrĩra mũhianano wayo.
3Wa kerĩ nake akĩonoreria mbakũri yake iria-inĩ rĩrĩa inene, narĩo rĩgĩtuĩka thakame ta ya mũndũ mũkuũ; na kĩndũ o gĩothe kĩarĩ muoyo gĩgĩkua, iria ciarĩ thĩinĩ wa iria.
4 #
Thama 7.17-21; Thab 78.44. Wa gatatũ nake akĩonoreria mbakũri yake njũĩ-inĩ na ithima-inĩ cia maĩ, nacio igĩtuĩka thakame. 5Na nĩndaiguire mũraika ũrĩa wa maĩ akiuga atĩrĩ, Wee wĩ wa kĩhooto, o wee ũrĩ ho na nowe warĩ ho, o wee Mũtheru, nĩ ũndũ wa gũtua ũguo; 6amu-rĩ, o, nĩmaaitire thakame ya andũ arĩa aamũre na ya anabii, nawe nĩ thakame wamahe mamĩnyue; na noguo maagĩrĩire. 7Ningĩ ngĩigua kĩgongona kĩoiga, Ĩĩ, nĩguo, Mwathani Ngai, Mwene-Hinya-Wothe, matua maku no ma ma, na ma kĩhooto.
8Wa kana nake akĩonoreria mbakũri yake riũa; narĩo rĩgĩĩtĩkĩrio rĩcinage andũ na mwaki. 9Andũ magĩkĩhĩa nĩ ũrugarĩ mũnene; magakĩrumaga rĩĩtwa rĩa Ngai mwene hinya wa gwatha matũhũhũ macio, na matiigana kwĩrira mamũgooce.
10 #
Thama 10.21. Wa gatano akĩonoreria mbakũri yake gĩtĩ kĩa ũnene kĩa nyamũ ĩrĩa, kũrĩa yaathanaga gũgĩgĩĩkĩrũo nduma; andũ magagĩtanuka nĩmĩ ciao nĩ ũndũ wa ruo, 11na makarumaga Ngai wa Igũrũ nĩ ũndũ wa maruo marĩa mekũigua na nĩ ũndũ wa ironda ciao; na matiigana kwĩrira nĩ ũndũ wa ciĩko ciao.
12 #
Isa 11.15. Wa gatandatũ nake akĩonoreria mbakũri yake rũũĩ rũrĩa rũnene, rũrĩa rũĩtagwo Farati; maĩ maruo magĩkĩhũa magĩthira, nĩguo njĩra ĩthondekerũo athamaki arĩa makoima na irathĩro-inĩ rĩa riũa. 13Ningĩ ngĩona maroho matatũ mathũku makiuma kanua ka ndamathia ĩrĩa, na kanua ka nyamũ, na kanua ka mũrathi ũrĩa wa maheni, matariĩ ta ciũra; 14amu macio nĩ maroho ma ndaimono, maringaga ciama; nĩ kuuma moimaga magathiĩ kũrĩ athamaki a mabũrũri mothe, makamonganĩrie mbaara ya mũthenya ũrĩa mũnene wa Ngai, Mwene-Hinya-Wothe. 15#Mat 24.43,44; Luk 12.39,40; Kũg 3.3.(Atĩrĩrĩi, ngũũka ta mũici. Gũkena-rĩ, nĩ ũrĩa ũikaraga ehũgĩte, na amenyereire nguo ciake, ndakae gũthiĩ njaga, na onwo aconoke.) 16#2 Ath 23.29; Zek 12.11.Na nĩmaakĩmonganirie kũndũ kũrĩa gwĩtagwo na Kĩhibirania, Hari-Magedoni.
17Nake ũrĩa wa mũgwanja akĩonoreria mbakũri yake kũu rĩera-inĩ igũrũ; na rĩrĩ, hekarũ gũgĩkiuma mũgambo mũnene uumĩte gĩtĩ-inĩ kĩrĩa gĩa ũthamaki, ũkiuga, Ũhoro ũcio nĩwarĩka! 18#Kũg 8.5; 11.13,19.Gũgĩcoka gũkĩgĩa na heni, na mĩgambo, na marurumĩ; o na gũkĩgĩa gĩthingithia gĩa thĩ kĩnene, gũtarĩ kwagĩa gĩthingithia kĩngĩ kĩnene na kĩĩ hinya takĩo kuuma o rĩrĩa thĩ kwagĩire na andũ. 19#Isa 51.17.Itũũra rĩrĩa inene rĩgĩgĩatũka njatũ ithatũ, o namo matũũra ma ndũrĩrĩ makĩmomoka; itũũra rĩu inene, ti Babuloni, rĩgĩkĩririkanwo maitho-inĩ ma Ngai, rĩkundio gĩkombe kĩrĩa kĩĩ ndibei ĩrĩa ya wĩĩ wa marakara make. 20#Kũg 6.14.Nacio ithama ikĩũra ciothe o kũũra; irĩma nacio ikĩaga kũrĩa ciarĩ. 21#Thama 9.23; Kũg 11.19.O na gũkĩgĩa mbura nene ya mbembe, o mbembe ĩigana ta taranda#16.21 Taranda: rora kohoro kaandĩkĩtwo Mat 18.24. Haha-rĩ, nĩ gĩkama gĩa thahabu kĩritũhĩte ta ratiri 100. kũritũha, ĩkagũĩra andũ yumĩte igũrũ; andũ magĩkĩruma Ngai nĩ ũndũ wa itũhũhũ rĩu rĩa mbura ya mbembe; amu itũhũhũ rĩu rĩayo rĩarĩ inene mũno.
Currently Selected:
KŨGUŨRĨRIO 16: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
