KŨGUŨRĨRIO 18
18
1THUTHA wa maũndũ macio nĩndonire mũraika ũngĩ agĩikũrũka oimĩte Igũrũ, e na wathani mũnene; nayo thĩ ĩkĩarĩrũo nĩ ũkengi wake 2#Isa 21.9; Jer 51.8; Kũg 14.8; Isa 13.21; Jer 50.39.Nake akĩanĩrĩra na mũgambo wa hinya mũno, akiuga atĩrĩ, Nĩ igũu-ni! Babuloni, itũũra rĩrĩa rĩnene-rĩ, nĩ igũu, rĩgagĩtuĩka gĩikaro kĩa ndaimono, na kĩhingo kĩa ngoma o yothe thũku, o na gĩtindo kĩa nyamũ ya igũrũ o yothe ĩrĩa thũku na ĩrĩa ĩthũirũo. 3#Isa 23.17; Jer 51.7.Amu-rĩ, ndũrĩrĩ ciothe ciananyua ndibei ĩrĩa ya marakara ma ũmaraya wa mũndũ mũka ũcio, na athamaki a thĩ nĩmarahũraga maraya nake, na ahũri-biacara a mabũrũri magagĩtonga nĩ ũndũ wa kũneneha kwa mũcanũko wake.
4 #
Isa 48.20; Jer 50.8; 51.6,45. Ngĩcoka ngĩigua mũgambo ũngĩ ũkiuma Igũrũ, ũkiuga, Umai kuo, andũ akwa, muume thĩinĩ wake, nĩguo mũtikagĩe ngwatanĩro na mehia make, na mũtikae kũgwatanĩra nake matũhũhũ make; 5#Kĩam 18.20,21; Jer 51.9.amu mehia make nĩmeiganĩrĩire makaya gũkinya o Igũrũ, nake Ngai akaririkana mawaganu make. 6#Thab 137.8; Jer 50.29.Mũhei o ũrĩa we araheanaga, na mũmũthukĩre maita merĩ ma ũrĩa ciĩko ciake ciigana; gĩkombe kĩrĩa araringanagĩria ndibei-rĩ, mũmũringĩrie maita merĩ makĩo. 7#Isa 47.7-9.O ta ũrĩa aratũire egoocete na agacanũka-rĩ, mũhei kũnyarirĩka, o na kĩeha, ciigana o ro ũguo; tondũ atũire eĩraga na ngoro atĩrĩ, Njikaire haha ndĩ mũthamaki; ndirĩ wa ndigwa niĩ, niĩ ndirĩ hingo ngarĩo nĩ kĩeha. 8Tondũ ũcio-rĩ, matũhũhũ make makarehane o mũthenya o ũmwe, gĩkuũ, na kĩeha, na ng’aragu; nake nĩ gũcinwo agacinwo na mwaki athire; amu Mwathani Ngai, ũrĩa ũtuĩte cira wake, e hinya.
9 #
Ezek 26.16,17. Nao athamaki a thĩ, arĩa marahũraga maraya nake na magaikarania na mũcanũko hamwe nake, nĩ kũmũrĩrĩra makamũrĩrĩra makĩmũgirĩkagĩra makĩĩrorera ndogo yake akĩhĩa, 10marũgamĩte hanene nĩ ũndũ wa gwĩtigĩra kĩnyarirĩko gĩake, makiugaga, Ĩya-ĩ, ĩya, itũũra rĩrĩa inene-ĩ! Ĩya, Babuloni, itũũra rĩrĩa rĩa hinya-ĩ! amu-rĩ, o ro thaa o ĩmwe ituĩro rĩaku rĩrĩ gũkinya. 11#Ezek 27.31,36.Ahũri a biacara a thĩ yothe o nao no kũmũrĩrĩra makĩmũgirĩkagĩra, nĩ ũndũ gũtirĩ mũndũ wĩcoka kũgũra thũgũrĩ wao, 12#Ezek 27.12,13,22.thũgũrĩ wa thahabu, na wa betha, na wa tũhiga tũrĩa twĩ goro, na wa tũrĩa twĩtagwo ruru, na wa matama marĩa mega ma gatani, na marĩa ma rangi ta wa ndaathi, na marĩa ma hariri, na marĩa matune ta gakarakũ; na mĩtĩ ĩrĩa yothe mĩnungi wega, na indo ciothe cia mĩguongo, na indo ciothe ithondeketwo cia mĩtĩ ĩĩ goro mũno, na cia rũthuku, na cia kĩgera, na cia mahiga marĩa mega ma nyaigĩ; 13na makoni marĩa ma ndarathini, na iriki, na ubumba, na maguta me mũtararĩko mwega, na ubani, na ndibei, na maguta ma ndamaiyũ, na mũtu ũrĩa mũhinyu wega, na ngano, na ng’ombe, na ng’ondu; o naguo thũgũrĩ wa mbarathi na makari na ngombo; na mĩoyo ya andũ o nayo. 14Namo matunda meru marĩa ũreriragĩria na ngoro yaku nĩmakwehereire, na indo iria ciothe irarĩ cia ũthuro na cia mwago igakũũrĩra, na itirĩ hingo igacoka kuoneka rĩngĩ o na rĩ.
15 #
Ezek 27.31,36. Ahũri-biacara ya indo icio, acio maratongagio nĩwe, makarũgama hanene nĩ ũndũ wa gwĩtigĩra kĩnyarirĩko gĩake, makĩrĩraga o makĩgirĩkaga, 16makiugaga, Ĩya-ĩ, ĩya, ituũra rĩrĩa inene ĩ! mũciĩ o ũcio ũrehumbaga nguo cia tama wa gatani, na cia rangi wa ndaathi, na ndune ta gakarakũ, na ũkegemia na thahabu na tũhiga twĩ goro o na twa ruru ĩ! 17#Isa 23.14; Ezek 27.26-30.Amu-rĩ, o ro thaa o ĩmwe ũtonga ũigana ũũ ũrĩ kũharagana. Nake mũnene o wothe wa marikabu, na mũndũ o wothe ũringaga iria agĩthiĩ kũndũ o kũrĩkũ, na atwari a marikabu o nao, na andũ othe arĩa matũirio nĩ wĩra wa iria-inĩ, o nao makĩrũgama hanene, 18#Ezek 27.32.magakayaga makĩĩroragĩra ndogo yaguo ũkĩhĩa, makoiga, Nĩ itũũra rĩrĩkũ rĩhaana ta itũũra rĩu ĩnene? 19#Ezek 27.30-34.Makĩĩhurĩria rũkũngũ mĩtwe, o magĩkayaga makĩrĩraga na makĩgirĩkaga, makoiga, Ĩya-ĩ, ĩya, itũũra rĩu inene-ĩ, kũu kũratongagĩrũo nĩ arĩa othe me na marikabu ciao iria-inĩ, nĩ ũrĩa rĩranenehetie thogora! amu-rĩ, o ro thaa o ĩmwe rĩrĩ gũtuĩka iganjo. 20#Gũcok 32.43; Jer 51.48.Mũkenererei, wee Igũrũ rĩrĩ, na inyuĩ arĩa aamũre, na inyuĩ atũmwo, na inyuĩ anabii, amu Ngai nĩarĩkĩtie kũmũtuĩra akamũrĩhia nĩ ũndũ wanyu.
21 #
Jer 51.63,64;
Ezek 26.21. Na mũraika ũmwe wĩ hinya akĩoya ihiga rĩatariĩ ta ihiga inene rĩa gĩthĩi, akĩrĩikia iria rĩrĩa inene thĩinĩ, akiuga atĩrĩ, Nĩ ũguo Babuloni, itũũra rĩu inene, rĩgatengemanio na hinya, rĩage gũgacoka kuoneka, o na rĩ. 22#Ezek 26.13; Isa 24.8.#Jer 7.34; 25.10.Na mũgambo wa ainia a inanda cia mũgeto, na akũi a rũĩmbo, na wa ahuhi a mĩtũrirũ, na ahuhi a macoro, ndũgacoka kũiguwo thĩinĩ waku o na rĩ; nake mũruti wa wĩra wa ũbundi, o ũrĩkũ, gũtirĩ ũgacoka kuoneka thĩinĩ waku o na rĩ; o naguo mũrurumo wa ihiga rĩa gũthĩa ndũgacoka kũiguwo thĩinĩ waku o na rĩ; 23ũtheri wa tawa naguo ndũgacoka gũthera thĩinĩ waku o na rĩ; o naguo mũgambo wa mũhikania na wa mũhiki ndũgacoka kũiguwo thĩinĩ waku o na rĩ; amu ahũri-biacara aku nĩo mararĩ anene a thĩ, amu ndũrĩrĩ ciothe nĩirahĩtithagio nĩ mĩthaiga yaku. 24#Jer 51.49.O na ningĩ thĩinĩ warĩo nĩkuo gwakorirũo thakame ya anabii na ya andũ arĩa aamũre, o na ya andũ arĩa othe maanakĩũragwo gũkũ thĩ.
Currently Selected:
KŨGUŨRĨRIO 18: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
