Bisekyelo bia Ba-Lewi 3
3
Mbeka ya eamanyelo
1“Ko nga nganji ekae ele mbeka ea eamanyelo, nga alekya nyama limʼotonga wa ngombo, nkina jende nkinʼomoto, alekya nyama efa lʼolema nda joso ja Yawe. 2Ko afya likata likae ndʼotsa wa mbeka ekae, ko aomʼeko nda wiso wʼilombe ya bito yʼetakano: ko bana ba Alona, nkanga, buse balongo nda nkinda ea mbeka wiji la wiji. 3Ko lima mbeka eko ea eamanyelo, alekya ele Yawe mbeka etumbama la tsa, wete bauta bakuka besofo ko lʼauta bauma batongana lʼesofo, 4la beloko biʼaaji bekʼefe la bauta bale ndʼeko, ko la bauta bale nda benyi, la jalo lole ndʼaliko ba lofiko, loʼendʼimola la beloko biʼaaji nsangana. 5Ko bana ba Alona batumbe toma toko nda nkinda ea mbeka, o nda mbeka ea ntatumba ele nda nkoi ile nda tsa; eko ele mbeka etumbama la tsa, ea mpimbo eʼolotsi ele Yawe.
6“Nga nganji elekyʼende mbeka ea eamanyelo ele Yawe ele limʼotonga wa mpate, nkina jende nkinʼomoto, kela alekyʼeko efa lʼolema. 7Nga alekya bona owa mpate nda mbeka ekae, ayelʼeko nda joso ja Yawe: 8ko afya likata likae ndʼotsa wa mbeka ekae, ko aomʼeko nda joso jʼilombe ya bito yʼetakano; ko bana ba Alona basanzela balongo bʼeko nda nkinda ea mbeka wiji la wiji. 9Ko lima mbekʼeko ea eamanyelo, alekya mbeka etumbama la tsa ele Yawe; wae bauta bʼeko, lʼekokolo euma eʼendʼimola ntutama la bokongo, ko lʼauta bakuka besofo, lʼauta bale ndʼesofo bauma, 10ko lʼeloko biʼaaji befe la bauta bale nda beko bale nda benyi, la jalo lole ndʼaliko ba lofiko, loʼendʼimola la beloko biʼaaji nsangana. 11Ko nkanga atumbʼako nda nkinda ea mbeka; bako bale toma ta ndala ta mbeka elekyama la tsa ele Yawe.
12“Nga mbeka ekande ele nta, ayelʼeko nda joso ja Yawe: 13ko afya likata likae ndʼotsa wa nta, ko atene nkingo eʼeko nda joso jʼilombe ya bito yʼetakano; ko bana ba Alona buse balongo bʼeko nda nkinda ea mbeka wiji la wiji. 14Ko lima nta eko ayele mbeka ekande elekyama la tsa ele Yawe, wete bauta bakuka besofo, ko lʼauta bauma batongana lʼesofo, 15ko la beloko biʼaaji lʼauta bale nda beko, lʼauta bale nda benyi, la jalo lole ndʼaliko ba lofiko, wae imole belemoʼeko nsangana la beloko biʼaaji. 16Nkanga atumbe belemoʼeko nda nkinda ea mbeka ngole toma ta ndala tolekyama la tsa nga mbeka ea mpimbo eʼolotsi. Bauta bauma bale ba Yawe. 17Ene eyalemʼelʼinyo esekyelo ea bikeke la bikeke nda biotswelo bikinyo biuma la ndʼeyalo bikinyo beuma, wete lofole bauta ko lofole balongo ndala.”
Currently Selected:
Bisekyelo bia Ba-Lewi 3: LOL87
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
