Bisekyelo bia Ba-Lewi 1
1
Mbeka ya ntatumba
1Yawe aoleta Mose, ko aotefela lʼende limʼilombe ya bito yʼetakano, aokela, 2“Tefela la banto ba Yisalaele, ko wasangele, Ayaka bontʼomo okinyo ayela Yawe mbeka, kela loyela mbeka ekinyo lima botonga wa ngombo, nkina botonga wa mpate la nta.
3“Nga nganji ekae ele mbeka ea ntatumba limʼotongaʼokae, mpangʼalekya ngombo ea jende efa lʼolema; ifolekyʼeko nda wiso wʼilombe ya bito yʼetakano, kelʼasimamʼolotsi ele Yawe. 4Ende ifafya likata likae ndʼotsa wa mbeka ea ntatumba, kelʼeko ambeme ndʼeloko eʼetungwelo ekae, eyaleme eamanyelo eʼoseka ndʼewelʼekande. 5Nkako ifooma ngombo eko nda joso ja Yawe, ko nkanga, bana ba Alona, bifolekya balongo bako, ko basanzela bako ndengama la nkinda ea mbeka, ele nda wiso wʼilombe ya bito yʼetakano. 6Nkako ifotembola ngombo ea mbeka ea ntatumba lofoso, ko asesa ngombo eko nda bilama biʼeko. 7Ko bana ba Alona nkanga bifila tsa nda nkinda, ko bonga nkoi nda tsa toko. 8Ko nkanga, bana ba Alona, bifotanda bilama la botsa la bauta nda nkoi ile nda tsa tole nda nkinda ea mbeka. 9Lolonde ifosola besofo la bekolo lʼasi. Ko nkanga ifotumbʼeko euma nda nkinda. Eko ele mbeka ea ntatumba, wae mbeka etumbama la tsa, ele la mpimbo eʼolotsi ele Yawe.
10“Nga mbeka ekae ea ntatumba ele lima botonga, nkina lima mpate nkina lima nta, ifolekya jende lofa lʼolema. 11Ifoomʼeko nda nord ea nkinda nda joso ja Yawe; ko bana ba Alona, wae nkanga, bifosanzela balongo bʼeko nda nkinda wiji la wiji 12Ko ifosesʼeko bilama, ko lʼotsa la bauta; ko nkanga ifotandʼako nda nkoi ile nda tsa tole nda nkinda: 13lolo ifosola besofo lʼekolo lʼasi. Ko nkanga ifolekyʼeko euma, ko atumbʼeko nda nkinda ea ntatumba, wae mbeka elekyama la tsa, ele la mpimbo esimamʼolotsi ele Yawe.
14“Ko nkina nganji elekyʼonto ele Yawe ele mbeka ea ntatumba ea tofulu, kela alekya mbeka ea bimpompo, nkina ea bimbenga biʼanolu. 15Ko nkanga ifoyelʼeko nda nkinda, ko ifoomʼeko la njonyola ea nkingo, ko ifotumbʼeko nda nkinda ea mbeka, ko ifuteza balongo ndʼompanje wa nkinda; 16ko ifimola umbolo la nsala yʼeko, ko usʼiko ndʼitenela yʼetoko nda est ea nkinda. 17Ko ifatʼifulu iko njaata ndatsʼafafu, lolo afaokalʼiko ndʼekalʼefe. Ko nkanga ifotumbʼiko nda nkinda nda nkoi ile nda tsa; eko ele wete mbeka ea ntatumba, mbeka elekyama la tsa, ele la mpimbo eʼolotsi ele Yawe
Currently Selected:
Bisekyelo bia Ba-Lewi 1: LOL87
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
