Toango 48
48
Yisalaele asakele bana ba Yosefa bokako wa swa
1Ndʼafeka bʼaoyiʼako baoyʼosangela Yosefa, “Bala, ise eke okʼeefe.” Ko Yosefa aoya la banaʼakae bʼaende bafe, Manase la Efulaima. 2Ko baosangela Yakoba, “Bona oke Yosefa aoyʼokena.” Ko Yisalaele aoyakemyʼende mongo, ko aosongongala, ko aokitase nda ntange. 3Ko Yakoba aokela Yosefa, “Nzakomba ea mpamba euma enyaki elʼemi nda Luza, ndʼese ea Kanana, ko ansakelaki bokako wa swa. 4Ende aonkela, Bala, njifokofunzola bana, ko njifokofuza, ko njifokonyengoza etukuluku ea beoci, ko njifokaya banaʼake ese ene ndʼafeka bake, wae eyale lisango likiyo ja seko. 5Ko aeyoko banaʼake bafe bʼaende, baotswaki ele we ndʼese eʼEjipeto atafʼemi oya eka we, bale bana bakami nkʼelengʼele Lubena la Simona bana bakami. 6Bana baotswʼele we ndʼafeka bakiyo bifoyala bakawe, ko nda lisango likiyo bifoandema lʼaina ba batomolo bakiyo. 7Akiʼmʼoyaka lima Padana, Laele awaki nda mboka ndʼese ea Kanana; o lokeseli elʼemi! Nkʼatafisʼokita nda Efulata, ndokundaki nda mboka nda Efulata, wete Bete leme.”
8Yisalaele aolenda bana bʼaende ba Yosefa, ko aokela, “Bane bale na?” 9Yosefa aokela ise ekae, “Iyo bale banaʼakami baki Nzakomba onkaakʼendo.” Aokela, “Nkoonda, wʼayele endo elʼemi, kela ndasakele bokako wa swa.” 10Baiso ba Yisalaele baotutama lofofa, ekiʼndʼengambi eʼonto, ko ntakusa jena. Yosefa aolatutsa elʼende, ko Yisalaele aolasambela la baisers, ko aolalinga ekofi. 11Ko Yisalaele aokela Yosefa, “Emi ncikanela wete njifena elongi eke lenkina, ko bala, Nzakomba aonjeneya banaʼakawe.” 12Ko Yosefa aolaimola lima bifelo biʼise ekande, ko ende mongo aokusama lʼelongi ndʼamoci. 13Ko Yosefa aolakolʼiyʼafe, Efulaima la likata likae jʼelome wae olongya la likata ja Yisalaele jʼeso, ko Manase la likata likae jʼeso, wae olongyʼende la likata ja Yisalaele jʼelome, ko aolatutsa elʼende. 14Ko Yisalaele aosembola likata likae jʼelome, ko aolafya liko ndʼotsa wa Efulaima, endʼowa bakuka; ko aolafya likata jʼeso ndʼotsa wa Manase, aolekesanya bakata la wanya, mpeka la Manase nsomi. 15Ko aosakela Yosefa bokako wa swa, aokela,
“Nzakomba oki baiseʼakami
Abalayama la Yisaka, okendaka nda joso likae,
Nzakomba ondesanyakʼemi nda
lokendo lima inkune ikami elaka nko mbilʼene,
16ekima ea loola onsikolaki lima bebe beuma,
asakele banolu bane bokako wa swa!
Kelʼiyo batangeme la lina likami, ko lʼaina ba baise bakami
Abalayama la Yisaka,
ko kelʼiyo bafule nda ntoku eʼokili etukuluku eʼanto.”
17Aki Yosefa enaka wete ise aolafya likata jʼelome ndʼotsa wa Efulaima ntasima joi liko. Aokita likata jʼise wae imole liko lima botsa wa Efulaima, ko afya liko ndʼotsa wa Manase. 18Ko Yosefa aokela ise ekande, “Afa ngoko fafa, elʼone ale nsomi; afya likata like jʼelome ndʼotsaʼokande.” 19Lolo ise ekande aofeza, ko aokela, “Njea ngoko, bona okami, njea. Ende ngoko ifoyala booci wʼanto, ko ende ngoko ifoyala owʼonene. Lolo bokune okae ifololekola lʼonene, ko bana bakande bifoyalema etukuluku ea beoci.” 20Ko aolasakela bokako wa swa mbilʼeko, aokela,
“La we, Yisalaele ifosaka bokako swa, ifokela,
Nzakomba akokitsa ngole Efulaima la Manase.”
Ngoso aolila Efulaima nda joso ja Manase. 21Ko Yisalaele aokela Yosefa, “Bala, njotutama lowa. Lolo Nzakomba ifoyala lʼinyo, ko ifoluteyʼinyo ndʼese eki baise bakinyo. 22Njokokaya liondo limoko ndekola liko liata batomolo bake, wete liondo likiʼmʼokolaka limʼele Ba-Amola lʼifaka ikami yʼetumba, ko la bongango bokami.”
Currently Selected:
Toango 48: LOL87
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
